HIZIQEELI 45:9 - Qullaawa Maxaafa

⁹ Mootichu Kaaliiqi, «Ki'ne Israeelete gashshaano seeda yanna cubbo loossinanni keeshshitinoonni. Xa kayinni beebbanna gadadishsha agurre; suwashshonna taalo ikkino coye asse. Manni'ya layinkimeeshsho baattote aaninni shorramanno gede assitinoonte. Konne coye kuleemmo'nehu ani Mootichu Kaaliiqaati.

HIZIQEELI 45:9 ပူးပေါင်းရင်းမြစ်များ

IYYOOBI 22:9

Huucci'ranni dayinoha, galte shii'rino meento mulla ha'risootto; anniweelo ooso gadadisootto.

ISAYAASI 1:17

Danchare assa rosse. Halaalu dawannokki gede agarre; annanna ama hooggino oosoranna galte shii'rino meentira coyi'rammensa; gadadaammano kaa'lensa» yii.

ERMIYAASI 22:3

«Taalonna halaale loosse; ku'u ko'onne gawajjannokki gede agarre. Manni gobba manna, annanna ama afidhinokkirenna galte shii'rino meento gadadissine tootayyeessitinoonte. Tenne gobbara beebbaataamu manchi mundee duntinoonte.

ERMIYAASI 6:7

Balete giddonni wayi fulannohu gede, Yerusaalamete kataminni bunshe fultanno; isi giddonni fultannota, beebbatenna barshu raare macciishshoommo; wo'manka woyite dhibbanna mada calla anfanni.

HIZIQEELI 44:6

«Ani Mootichu Kaaliiqi kunni albaanni assitinoha tiyyi'nanni coye baala, kunni ka'ano assitannoha ikkiro cinceemmokkita haxawarru Israeelete mannira kuli.

HIZIQEELI 7:11

Assinanni beebba bunshe batissanno; kunni daafira jiro, gaacheenunna ayirrinyu dihee'rannonsa.

HIZIQEELI 7:23

«Mannu baalu gara hawanno; baattote aana manna shitannori wo'mitanno. Katamma baalate haxawarrimma hala'litanno.

HIZIQEELI 8:17

Kaaliiqino, «Koo manchi beetto, tenne dhagge la"atto? Kuni Yihudu manni, konne la"attoha tiyyi'nanni coye baala assatenninna gobbate aana barshe halashsha callatenni deeffatannoha di"ikkino. Roorenka kawa Qullaawu Minira nafa suwe daye, konne baala assatenni ane layinkimeeshsho hanqisaera hasi'ranno; dandaaminsa garinni ane aarsate xontannoe gara lai.

AMOOTSI 5:15

Busha coye hunne; dancha coye baxxe; yoote nafara baala halaale xeissinoonte. Miteekke Olantote Mootichi Kaaliiqi, gatinoha Israeelete manna mararannoha ikkannona.

AMOOTSI 5:24

Hatteentenni halaalaancho yoo, buichote wayi gede, keeraanchimmano xoannokki xashshi gede lolakko.

MIKIYAASI 2:9

Manni'ya giddo hee'ranno meentono woyyaabbino jiro mininsate aaninni baddine shorritinoonninsa; oosonsano hegere geeshsha ane maassowiinni badantanno gede assitinoonni.

MIKIYAASI 6:10

Cubbaataammu minensa kaphunninna dogatenni afidhino jiro wonshidhino. Ani giwoommoha kaphu safaraasincho horoonsidhino.

ZAKKAARIYAASI 7:9

«Ani Olantote Mootichi Kaaliiqi manni'yara albaanni oommo hajajo, ‹Taashshitine coyidhe; ki'ne ki'nenee mararre; mimmiti'nera shooshaqqe.

ZAKKAARIYAASI 8:16

Ki'ne assa hasiisanno'ne coyi, mimmiti'nera halaale coyidhe; yoote songowa keere abbate taalo coyidhe.

LUQAASI 3:14

Gama gaaddono dagge, «Ninke ma"assinoyya?» yite xa'mitusi. Isino, «Manni woxe wolqatenni adhitinoonte; ayeno kaphunni yekkeertinoonte; hunkii'ne waagi ikko'ne» yiinsa.

UMI PHEEXIROOSI 4:3

Daga assitanno gede akkimala ikkitonni, busha hamaandenni, dimbatenni, sirbatenni, dimbatenninna battennita kaphu maganna magansi'ratenni heedhinoonni diri ikkino.