HIZIQEELI 45:19 - Qullaawa Maxaafa

¹⁹ Qeesichu tenne cubbo agursiisate kakkalloonni mundee aaninni shiima haa're, Qullaawu Mini tuuqqa, kakkalote darga shoolenta maddenna giddoyidi nafarchira e'nanniwa noo tuuqqara gananno.

HIZIQEELI 45:19 ပူးပေါင်းရင်းမြစ်များ

HIZIQEELI 43:14

Hundunni kayise isira aane noo dirimi geeshsha noo seendilli 2 cigile, qaccetenni kayise layinki dirimi geeshsha 1 cigile giddo hige eanno. Shiimu diriminni kayise layinkihu geeshsha noo seendilli 4 cigileeti. Qaccetenni kayise layinki dirimi hundi geeshsha 1 cigileeti.

HIZIQEELI 43:17

Mereeri dirimino 4 madde afi'rino; mitte mittente madde baqo 14 cigileeti. Gobbaanni hige noo gammali hojja 1 taakkooti; hala'linye 1 cigileeti. Kakkalote dargira sa'nanni dirimmano soojjaati ragaanni nooreeti.

HIZIQEELI 43:19

Alba'yaanni uurrite anera soqqama dandiitannori Leewi ga're ikkitinori Saadooqi sirchinni ilantino qeesoota callaho. Ani Mootichu Kaaliiqi kuni coyi ikkanno gede hajajoommo. Cubbo agursiisate kakkaltanno gede insara 1 middicha aattonsa.

HIZIQEELI 43:20

Atino shiima mundee haadhe, kakkalote darga shoolente maddera noo buuddara, kakkalote darga mereeri dirimi aana noota shoolenta maddenna kakkalote dargi qacce baala buuratto. Kunni garinni keereensite qorombannita assatto.

HIZIQEELI 46:1

Mootichu Kaaliiqi, «Giddoyidi nafarchira e'nannihu soojjaati waalchi, leyunku loosi'nanni barri giddo cufame keeshshona. Fooliishshote Barranna Aganu Leellanno Ayyaanira kayinni fa'namona.

HIZIQEELI 46:2

Qeesootu roorre uyinoonni gashshaanchi aannota gudinse giirrannitanna mittimmate kakkalo shiqishshanno yannara, gashshaanchu gobbayidi nafarchi waalchi mule nootera e'nanniwa noo kifile ragaanni hige eona. Waalchu mule noo tuuqqa mule uurrona; hakkiichono waalchoho albaanni magansi're galagale fulona. Waalchuno hawarra geeshsha cufama dihasiissanno.

LEEWAAWOOTA 16:16

Togo assatenni Qullaawa Holge keereense, Israeelete battenna bunshensa baala agursiisanno. Konne assannohuno, Xaadu Dukkani lagaawinohura mannu hee'ranno qachi giddo noo daafiraati.