HIZIQEELI 45:17 - Qullaawa Maxaafa

¹⁷ Gashshaanchu loosino aane nooho: Shilqote kakkalora ikkitanno saada, gidu fushshaatenna woyinete fushshaate Israeelete mannira Aganu Leellanno Ayyaanira, Fooliishshote Barranna wole ayyaanna barra qixxeessanno. Hattono Israeelete manni cubbo agursiisate, kakkalote ikkitannotanna gudinse giirrannita mittimmate kakkalo shiqishanno» yiie.

HIZIQEELI 45:17 ပူးပေါင်းရင်းမြစ်များ

LAYINKI SAAMUEELI 6:19

Mannu baalunkura meya labbaahura mitto mitto tima, mitte mitte maalu gumanna, mitte mitte woyinete hunduruurro beehinsa. Hakkunni gedensaanni mannu baalunku mini minisira ha'ri.

LAYINKI DUDUWO 30:24

Moote Hiziqiyaasi 1,000 woraamma, 7,000 ge'reewonna me"e, ledosi gashshaano qolte 1,000 woraamma, 10,000 ge'reewonna me"e gorre ji'lanno gede mannaho uyitu. Lowo qeesootino insanaa keereensidhu.

LAYINKI DUDUWO 31:3

Moote Hiziqiyaasi wo'manka woyite soodonna hawarro shiqinshannitera shilqote kakkalora, Fooliishshote Barranna Aganu Leellanno Ayyaanira kakkallanni kakkaloranna Kaaliiqi seerira kulloonni ayyaanna baala ayirrisate ge'reewosinna lalosi uyino.

LAYINKI DUDUWO 5:6

Selemooninna ledosi noo manni baalu Taabootaho albaanni gamba yite, kiirre fullannikki ge'reewonna lalo gorrite kakkaltu.

IZIRA 1:5

Hakkunni gedensaanni, Yihudunna Biiniyaami ga're roorrooti, Leewaawootunna qeesootu Yerusaalamete nooha Kaaliiqi Mine minate Maganu kakkayisinonsari baalu qixxaabbu.

FAARSO 68:18

Kaaliiqi Maganu qafadonna haxawarrootu uyitino afanshi nafa gatikkinni adhe, hee'rannowa iimira ha'ri.

ISAYAASI 66:23

Mittu Agani Leellihunni kayise daanno Agani geeshshanna, mittu Fooliishshote Barrinni kayise daanno Barri Fooliishshonnihu geeshsha Haaro Yerusaalamera magansidhaera dagganno.

HIZIQEELI 43:27

Lamalu barri wo'mihu gedensaanni, qeesootu kakkalote dargi aana shilqinshanni kakkalonna mannunnita mittimmate kakkalo shiqishshanno. Hakkunni gedensaanni, ani ki'ne baalunkunni hagiidheemmo. Ani Mootichu Kaaliiqi konne coye coyi'roommo» yiie.

HIZIQEELI 46:1

Mootichu Kaaliiqi, «Giddoyidi nafarchira e'nannihu soojjaati waalchi, leyunku loosi'nanni barri giddo cufame keeshshona. Fooliishshote Barranna Aganu Leellanno Ayyaanira kayinni fa'namona.

LEEWAAWOOTA 4:27

«Mereerimu manni giddonni mittu afikkinni cubbo loose, hajajo'ya giddonni mitte xeisatenni sao assiro,

KIIRO 29:29

«Leelki barra muso afidhinokkire 8 middo, 2 ge'reewu goccanna mittu dirire 14 ge'reewu wilii'le shiqishshe.

YOHAANNISI 1:16

Wo'ma eltosi aaninni ninke baalunkura eltote aana elto uyinonke.

EFESOONI SOKKA 5:2

Kiristoosi baxinonkenna Maganoho tanni yite su'niitanno kakkalo asse umosi ninke daafira sayise uyinonte gede, ki'neno baxillunni heedhe.

QOLASIYAASI SOKKA 3:17

Magano Anna isinni galattinanni coyi'ratenni woy loosunni assitinannire baala Mootichu Yesuusi su'minni asse.

IBIRAAWOOTA 13:10

Ninkera, Qullaawu Dukkani giddo soqqantannori aanisinni adhite ittara fajjinanninsakkihu kakkalote dargi noonke.

IBIRAAWOOTA 13:15

Kunnira, Yesuusi Kiristoosi widoonni qolle wo'ma woyite galatu kakkalo Maganoho shiqinsho. Tini kakkalo suumenkenni, «Isi Mootichankeeti» yine uyineemmote.

UMI PHEEXIROOSI 2:24

Cubbuwiinni baxxine keeraanchimmatenni hee'nammora, cubbonke manninatisinni masiqalu aana duqqino; isi madanni ki'ne hurtinoonni.

UMI PHEEXIROOSI 3:18

Kiristoosino ninke Maganunniwa shiqishara yee, keeraancho ikke hee'renni, keeraanchimma afi'noommokkirira cubbinkenni kainohunni mitte hige qarra adhe reyino. Isi manninatunni ree, ayyaanunni kayinni heeshshonniha ikkino.