HIZIQEELI 44:12 - Qullaawa Maxaafa

¹² Kayinnilla insa uminsa kaphu maganna magansi'rate wogara umire ikkatenni manna cubbu giddora eessitino daafira, qorichisheemmonsa gede, ani Mootichu Kaaliiqi xaareemmo.

HIZIQEELI 44:12 ပူးပေါင်းရင်းမြစ်များ

FAARSO 106:26

Kunnira, angasi kayise xaare, halallitte gobbara hunannonsata kulinsa.

ISAYAASI 9:16

Konne manna massaggannori baalu so'risiissannoreeti; mannuno doogotenni fule raataawino.

HIZIQEELI 20:15

Kunnira, halallitte gobbara heedheenna, oommonsate malawunna ado lolakkannota roore baatto iillisheemmonsakki gede xaaroommo.

HIZIQEELI 20:23

Kunnira, halalla moola baattora heedheenna, gobba baalate billaalliseemmonsata xaare kuloommonsa.

HIZIQEELI 20:28

Aammonsara xaaroommo baatto haa're abbummonsa yannara, seeddaanna gaarranna lattino haqqe la'ino; hakkuri aanano kakka'litino; fushshaate shiqishatenninna hixaana giiratenni hanqissinoe.

HIZIQEELI 20:6

Gibitsetenni fushsheemmonsatanna ani doorommonsatewa malawunna ado lolakkannota roore baatto haa're masseemmonsa gede hexxo oommonsahu hakka warooti.

HIZIQEELI 44:10

Kaaliiqi, «Wolu Israeelete manni ledo xaadde ane gibbe kaphu maganna magansidhino Leewaawoota qorichisheemmo.

HIZIQEELI 44:13

Insa qeesimmatenni soqqantaera didandiitanno; woy anera baxxe qullaawa ikkinore kisanna Qullaawu Holgira ea didandiitanno. Tiyyi'nanni assootinsara iillannonsa qorichi konneeti.

HIZIQEELI 48:11

Konne qullaawa qoqqowo, Saadooqi sircho ikkitino qeesootira uyinanni. Insa Leewi ilama gedenna wolootu Israeelooti gede ikkitukkinni, anera ammanamatenni soqqantinoe.

HOOSEI 4:6

Manni'ya egenno hooge baino; ki'neno ane habbinoonnie daafira, anino qeesoota ikkitine soqqantinaera dihasi'reemmo'ne. Hajajo'ya shotissinoonninna habbinoonni daafira anino ooso'ne haweemmo.

HOOSEI 4:9

Ki'ne qeesootuno callichu manni gedeere ikkitinoonni. Kunni daafira, hakko mannira iillanno qorichi ki'nerano iillanno. Bushu loosi'ne gumano ittinanni.

HOOSEI 5:1

«Ki'ne qeesootu konne macciishshe! Ki'ne Israeelete mannino wodanche! Ki'ne mootoollate minino konne coye macciishshe! Kuneeti yoo aana'ne daggino; kaimuno, Mitsipha woshshaadote gede, Taaboori Ilaalirano qoxu gede ikkitinoonni.

AMOOTSI 8:7

Israeelete Hexxo ikkinohu Kaaliiqi su'misinni, «Ani Mootichu Kaaliiqi, insa loossino bunshe baala horonta dihaweemmo.