HIZIQEELI 43:3 - Qullaawa Maxaafa

³ Tini ajuujano kunni albaanni Maganu Yerusaalame hunara dayi waro afummota labbanno. Kebaari Wayi mule afummo ajuuja ledo mimmito labbanno. Hakka waro baattote aana alba hige gombisamoommo.

HIZIQEELI 43:3 ပူးပေါင်းရင်းမြစ်များ

ERMIYAASI 1:10

Kune techo, buqqisattonna diigatto gede, hunattonna galchatto gede, minattonna kaasatto gede dagatenna gashshootu baalu aana roorre oommohe» yiie.

HIZIQEELI 3:23

Kunnira, anino kae lagicha dirrummo. Hakkono, Kebaari Wayi mule afummo garinni Kaaliiqi ayirrinyi leellie; anino alba hige gombisamummo.

HIZIQEELI 32:18

«Koo manchi beetto, lowohura Gibitsete mannira wi'li. Wolqaataamma daga ledo jeennaate dirritanno gede yoo yiinsa.

HIZIQEELI 44:4

Hakkunni gedensaanni, manchu aliyye waalchi widoonni qole Qullaawu Minira albaanni haa're massie. Hakkiicho hee're laummo woyite Qullaawa Mine, Kaaliiqi ayirrinye leellishanno xawaabbi wo'me no; anino alba hige baattote aana gombisamummo.

HIZIQEELI 8:4

Hakkiicho hee're afummohu Israeelete Magani ayirrinyi, albaanni Kebaari Wayi mule hee're afummohu gedeeho.

HIZIQEELI 9:1

Hakkunni gedensaanni Maganu qoonqosi naggi asse, «Katama qorichishshinanniri ki'ne kawa gamba yiiyye. Hunannoha olu bagado adhitine amme!» yaanna macciishshoommo.

HIZIQEELI 9:10

Kunni daafira, dimarareemmonsa; digatiseemmonsa. Insa wolootu aana assitinore baala, qole insa aana abbeemmo» yee dawarie.

HIZIQEELI 9:3

Hakkunni gedensaanni, Israeelete Magani ayirrinyi, ofolle noowiinni kirubeeli aaninni kae, Qullaawu Minira e'nanni xullicho mari. Maganuno waajjo shaalado uddano uddi're borreessinanniricho amadino mancho,

HIZIQEELI 9:5

Galagaleno Maganu wole manna, «Ki'neno isi hoode katamu giddo kawanna ka'a hadhinanni manna shiiyye; mittoreno marartine gatissinoonte.