HIZIQEELI 43:22 - Qullaawa Maxaafa

²² Layinki soodo muso afi'rinokkiha 1 meichu goco haadhe, cubbo agursiisate kakkalatto. Bootu mundeenni assittonte gede, meichu mundeennino kakkalote darga keereensatto.

HIZIQEELI 43:22 ပူးပေါင်းရင်းမြစ်များ

ISAYAASI 53:10

Kaaliiqi, «Ikkirono xissannosi gedenna qarramanno gede assoommohu aneeti; lubbosi sao agursiisate kakkalo assino. Dirisi seedeenna laalchosi illetenni la"anno; ani hedoommorino isi widoonni hige wo'manno.

ISAYAASI 53:6

Ninke wo'munku ge'reewu gede billaalline ba'noommo; baalunku umi uminke doogo hinge ha'noommo; Kaaliiqi kayinni ninke sao isi aana worino.

HIZIQEELI 43:20

Atino shiima mundee haadhe, kakkalote darga shoolente maddera noo buuddara, kakkalote darga mereeri dirimi aana noota shoolenta maddenna kakkalote dargi qacce baala buuratto. Kunni garinni keereensite qorombannita assatto.

HIZIQEELI 45:18

Mootichu Kaaliiqi, «Umi agani eihunni umi barra, muso afi'rinokkiha 1 middicha kakkaltine Qullaawa Mine keereensitinanni.

LEEWAAWOOTA 1:10

«Shilqote kakkalora ge'reewu woy meu giddonni shiqishannoha ikkiro, muso afi'rinokki goco abbona.

LEEWAAWOOTA 16:18

Hakkiinnino fule, kakkalote dargira dayona; middichunnitanna gocunnita shiima mundee haa're, kakkallanni darga shoolente maddera noo buuddara kisiisona.

LEEWAAWOOTA 4:23

cubbo loosasi buuxihu gedensaanni, muso afi'rinokkiha mitto meichu goco umisi kakkalo asse shiqishona.

LEEWAAWOOTA 4:26

Mittimmate kakkalora shiqinshinte gede, cooma baalanka kakkallanni darga shilqishona. Kunni garinni qeesichu kakkalino kakkalo gosate sooreessi cubbo hooltanno.

UMI PHEEXIROOSI 1:19

Ki'ne wondoonnihu kullannire woy minshannire afi'rinokki ge'rechite gedeetenni ayirrado Kiristoosi mundeenniiti.