HIZIQEELI 43:20 - Qullaawa Maxaafa

²⁰ Atino shiima mundee haadhe, kakkalote darga shoolente maddera noo buuddara, kakkalote darga mereeri dirimi aana noota shoolenta maddenna kakkalote dargi qacce baala buuratto. Kunni garinni keereensite qorombannita assatto.

HIZIQEELI 43:20 ပူးပေါင်းရင်းမြစ်များ

FULO 29:12

Mundee angichunni haadhe kakkallanni buudda aana gani; gattinota kakkallanni dargira woroonni duni.

FULO 29:36

Cubbo agursiisate, barru barrunkunni middicha kakkali; tini kakkalo kakkallanni darga keereensitanno; zayite buurte kakkallanni dargano qullaawa assi.

FULO 29:37

Lamalanka barra kakkallanni darga keereensite qullaawa assi; kakkallanni darga kisannohu baalu lagaawanno.

HIZIQEELI 43:14

Hundunni kayise isira aane noo dirimi geeshsha noo seendilli 2 cigile, qaccetenni kayise layinki dirimi geeshsha 1 cigile giddo hige eanno. Shiimu diriminni kayise layinkihu geeshsha noo seendilli 4 cigileeti. Qaccetenni kayise layinki dirimi hundi geeshsha 1 cigileeti.

HIZIQEELI 43:22

Layinki soodo muso afi'rinokkiha 1 meichu goco haadhe, cubbo agursiisate kakkalatto. Bootu mundeenni assittonte gede, meichu mundeennino kakkalote darga keereensatto.

HIZIQEELI 43:26

Qeesootu kakkalote ikkanno gede, 7 barri geeshsha kakkalote darga keereensitanno.

HIZIQEELI 45:18

Mootichu Kaaliiqi, «Umi agani eihunni umi barra, muso afi'rinokkiha 1 middicha kakkaltine Qullaawa Mine keereensitinanni.

HIZIQEELI 45:19

Qeesichu tenne cubbo agursiisate kakkalloonni mundee aaninni shiima haa're, Qullaawu Mini tuuqqa, kakkalote darga shoolenta maddenna giddoyidi nafarchira e'nanniwa noo tuuqqara gananno.

LEEWAAWOOTA 16:18

Hakkiinnino fule, kakkalote dargira dayona; middichunnitanna gocunnita shiima mundee haa're, kakkallanni darga shoolente maddera noo buuddara kisiisona.

LEEWAAWOOTA 16:19

Israeelootu batteessitinoha keereensatenna qullaawa assate, mundee haa're kakkallanni darga angichisinni 7 hige wixona.

LEEWAAWOOTA 4:25

Qeesichuno kakkalote mundee qubbichunni haa're, shilqote kakkalo shiqinshanni darga shoolente maddera noo buudda baalate kisiisona. Gattino mundee kakkallanni dargira woroonni dunona.

LEEWAAWOOTA 4:30

Qeesichuno shiima mundee qubbichunni haa're, shilqote kakkalo shiqinshannitera shoolente maddera noo buudda baalate kisiisona. Gattino mundee kakkallanni dargira woroonni dunona.

LEEWAAWOOTA 4:34

Qeesichuno shiima mundee qubbichunni haa're, shilqote kakkalo shiqinshanni darga madde baalate kisiisona. Gattino mundee kakkallanni dargira woroonni dunona.

LEEWAAWOOTA 8:14

Hakkunni gedensaanni, Muse cubbu kakkalora middicha haa're abbeenna, Aarooninna oososi angansa bootu umi aana wortu.

LEEWAAWOOTA 8:15

Muse middicha gorre, kakkallanni dargi Maganoho baxxinoha ikkanno gede, shiima mundee qubbichunni haa're kakkallanni darga shoolente maddera noo buuddara buuri; gattino mundee kakkallanni dargira woroonni duni. Kunni garinni kakkallanni darga keereense Maganoho baxxinoha assi.

LEEWAAWOOTA 9:9

Oososino mundee haadhe uyiteennasi, qubbichunni kisanni kakkallanni darga shoolente maddera noo buuddara gani; gattino mundeeno kakkallanni dargira woroonni duni.