HIZIQEELI 43:19 - Qullaawa Maxaafa

¹⁹ Alba'yaanni uurrite anera soqqama dandiitannori Leewi ga're ikkitinori Saadooqi sirchinni ilantino qeesoota callaho. Ani Mootichu Kaaliiqi kuni coyi ikkanno gede hajajoommo. Cubbo agursiisate kakkaltanno gede insara 1 middicha aattonsa.

HIZIQEELI 43:19 ပူးပေါင်းရင်းမြစ်များ

UMI MOOTOOLLA 2:27

Hakkunni gedensaanni, Kaaliiqi Seelo qeesichu Eeli mini daafira coyi'rino coyi wo'manno gede, Selemooni Abiyaataari Kaaliiqira soqqamanni noo soqqansho qeesimmannitewiinni fushshe huni.

UMI MOOTOOLLA 2:35

Moote Selemooni, Iyoaabi darga Beenaya olantote roorricha asse, Abiyaataari dargano, qeesicha Saadooqi wori» yii.

ISAYAASI 61:6

Ki'ne kayinni, Kaaliiqi Qeeseetinna, Maganinke Soqqamaanooti yinanni'ne. Dagate jiro ittinanni; insa qiniitinni fenjeejjitinanni.

ISAYAASI 66:22

«Ani Kaaliiqi kuleemmo'neri: Kalaqeemmori haaru gorduwanna haaro baatto ane wolqanni kaajjite heedhannonte gede, sirchi'nenna su'mi'neno ane wolqanni kaajje hee'ranno.

HIZIQEELI 40:46

Alba aliyyera higge noo kifile kayinni, kakkalote darga soqqantanno qeesooti qixxaabbannowaati. Qeesootu baalu Saadooqi sirchinni ilantino Leewaawootaati. Kaaliiqi albaanni uurrite soqqantara fajjinoonnisari insa calluwaho» yiie.

HIZIQEELI 43:23

Konne baala assittohu gedensaanni, galagalte muso afidhinokkire 1 middichanna 1 ge'rechu goco haadhe,

HIZIQEELI 44:15

Mootichu Kaaliiqi, «Wolu Israeelete manni ane giwe albi'yanni fafita, Qullaawa Mine ammanamatenni anera soqqantanni heedhinorinna Leewi ga'renni Saadooqi ilama ikkitino qeesooti no. Insa kakkalote coomanna mundee shiqishatenni alba'yaanni uurrite soqqantaera dandiitanno.

HIZIQEELI 45:4

Qullaawa Mine Kaaliiqira soqqantara doorantino qeesootira badame gobbate giddo qullaawa qoqqowo ikkanno. Kunino, qeesootu heedhanno minnanna Qullaawu Minira hendoonni qoqqowo baala mitteenni amadanno.

HIZIQEELI 48:11

Konne qullaawa qoqqowo, Saadooqi sircho ikkitino qeesootira uyinanni. Insa Leewi ilama gedenna wolootu Israeelooti gede ikkitukkinni, anera ammanamatenni soqqantinoe.

KIIRO 16:40

Konne assinohuno Kaaliiqi Muse widoonni qole hajajino garinniiti. Kunino Aarooni sircho agurranna wolu ayino Kaaliiqi albira shiqe hixaana giirannokki gedenna, giwe sairo kayinni Qorenna ledosi manni gede ikkannota kulle Israeele qorophisiisateeti.

KIIRO 16:5

Hakkunni gedensaanni, Qoreranna ledosi noorira baalaho, «Isiha ikkinohunna qullaawu ayetiro Kaaliiqi ga'a soodo badanno. Isiwa gamba yee soqqamara doorinohu ayetirono leellishannonke.

KIIRO 18:5

«Galagale hanqi'ya Israeelete manni aana dirrannokki gede Qullaawa darga noo uduunninna kakkalote uduunnichi annimma ki'ne anga heedhona.

LAYINKI QORONTOOSI 5:21

Kiristoosinni Maganu keeraanchimma ikkineemmo gede, Maganu cubbo loose egenninokkiha Kiristoosa ninke daafira yee cubbaataamo asse kiirinosi.

IBIRAAWOOTA 7:27

Isi wolootu qeesootu roorrooti gede balaxe umisi cubbira, aancheno mannu cubbi daafira barru baala kakkalo shiqisha dihasiissannosi. Hatto assannokkihu, umosi kakkalo asse shiqishi woyite konne coye layinkimeeshsho lendannikki garinni gudino.

UMI PHEEXIROOSI 2:5

Mootichu Yesuusiwa shiqqinannihuno, heeshshote kinna gede ayyaanaamo mine ikkitine minamateeti. Kunni garinni Yesuusi Kiristoosi widoonni tashshi assitannota ayyaanaame kakkalo Maganoho shiqishate qullaawa qeesoota ikke.

UMI PHEEXIROOSI 2:9

Ki'ne kayinni tunsichunni maala'linanni caabbichiwa woshshino'ne Maganiha dhaggete looso kultinara doorantinoonni ilamaati; mootete qeesootaati; qullaawa mannaati; isira baxxitinoonni gosaati.