HIZIQEELI 43:14 - Qullaawa Maxaafa

¹⁴ Hundunni kayise isira aane noo dirimi geeshsha noo seendilli 2 cigile, qaccetenni kayise layinki dirimi geeshsha 1 cigile giddo hige eanno. Shiimu diriminni kayise layinkihu geeshsha noo seendilli 4 cigileeti. Qaccetenni kayise layinki dirimi hundi geeshsha 1 cigileeti.

HIZIQEELI 43:14 ပူးပေါင်းရင်းမြစ်များ

FULO 27:5

Buluulo sayisanno uduunnicho kakkalote uduunnichira mereeroho goorosira woroonni qolte wori.

HIZIQEELI 43:17

Mereeri dirimino 4 madde afi'rino; mitte mittente madde baqo 14 cigileeti. Gobbaanni hige noo gammali hojja 1 taakkooti; hala'linye 1 cigileeti. Kakkalote dargira sa'nanni dirimmano soojjaati ragaanni nooreeti.

HIZIQEELI 43:20

Atino shiima mundee haadhe, kakkalote darga shoolente maddera noo buuddara, kakkalote darga mereeri dirimi aana noota shoolenta maddenna kakkalote dargi qacce baala buuratto. Kunni garinni keereensite qorombannita assatto.

HIZIQEELI 45:19

Qeesichu tenne cubbo agursiisate kakkalloonni mundee aaninni shiima haa're, Qullaawu Mini tuuqqa, kakkalote darga shoolenta maddenna giddoyidi nafarchira e'nanniwa noo tuuqqara gananno.

HIZIQEELI 45:9

Mootichu Kaaliiqi, «Ki'ne Israeelete gashshaano seeda yanna cubbo loossinanni keeshshitinoonni. Xa kayinni beebbanna gadadishsha agurre; suwashshonna taalo ikkino coye asse. Manni'ya layinkimeeshsho baattote aaninni shorramanno gede assitinoonte. Konne coye kuleemmo'nehu ani Mootichu Kaaliiqaati.