HIZIQEELI 41:13 - Qullaawa Maxaafa

¹³ Hakku manchi Qullaawa Mine gobbayido bikkita, hojja 50 qaafo ikki. Qullaawu Minira badheenni galchimi ragaanni noohu fanu darginni kayise, mineho qaccete xarra geeshsha noo xeertinyi 50 qaafo ikki.

HIZIQEELI 41:13 ပူးပေါင်းရင်းမြစ်များ

HIZIQEELI 40:47

Hakku manchi giddoyidi nafarcho qaccetenni qaccete geeshsha bikkita, seendillisinna hala'linyisi 50 qaafo ikki. Qullaawu Mini galchimi ragaanni hee'reenna albasiinni mittu kakkalote dargi no.

HIZIQEELI 41:12

Qullaawu Minira galchimaanni noohunni fanu dargira qaccete hojja 45 qaafo, godowa 35 qaafo ikkinohu 1 mini no; xarrasi du'milli bikkinita 5 cigileeti.

HIZIQEELI 41:14

Qullaawu Minira albaanni noo dargi, lamenka ragaanni noori fanu dargi ledo mitteenni 50 qaafo ikki.

HIZIQEELI 41:15

Lamenka ragaanni noo faro sa'nannite ledo, galchimi ragihu minu seendille bikkita 50 qaafo ikki. Qullaawu Minira e'nanni kifile, Qullaawu Darginna Qullaawu Holgira,

HIZIQEELI 42:1

Hakkunni gedensaanni, hakku manchi gobbayidi ragaanni noo nafarcho haa're massie. Qullaawu Minira aliyye ragaanni noo minirano eessie. Kuni mini Qullaawu Minira galchimaanni qaccete noo miniwiinni difafinoho.

HIZIQEELI 42:2

Kuni mini seendille 50 qaafooti; hala'linyisi qole 25 qaafooti.