HIZIQEELI 40:6 - Qullaawa Maxaafa

⁶ Hakkunni gedensaanni, soojjaati ragaanni noo waalchiwa sae ha'ri. Dirima fule, e'nanni waalcho bikki; du'millisino 6 cigileeti.

HIZIQEELI 40:6 ပူးပေါင်းရင်းမြစ်များ

UMI MOOTOOLLA 6:8

Uullayidihu uduunne worranni dargi Qullaawu Minira wodiidoonni no. Isirano mereerihanna aliidiha xaadisanno dirimi noosi. Lamu wolu dargino hakkunnira aane no.

UMI DUDUWO 9:18

Hatte yanna geeshsha insa soojjaatoonni nooha Mootete Waalcho agartara worroonni. Hakkunnira albaanni kayinni Leewaawootu qacha e'nanni waalcho agartanni heedhino.

UMI DUDUWO 9:24

Soojjaatoonni, galchimaanni, aliyyeenninna wodiidoonni noohura mittu mittunku waalchira agaraasinete roorrichi no.

NEHIMIYA 3:29

Imeeri beetti Saadooqi minisira albaanni nooha huxxeenna, soojjaati huxxi waalcho agarannohu Shakaaniya beetti Shemaiya hakkiichinni aane nooha huxxi.

FAARSO 84:10

Wolewa kume barra keeshshantenni, mitto barra ate Mine hosa woyyate; bushuullu mine ofollantenni, Magani'ya Mini xullichira ofolle hosa woyyate.

ERMIYAASI 19:2

Hiiqqaqqamino bacci noo waalchi widoonni higge Hinoomi Lagichira gobbaanni fulte, ani kuleemmohere,

HIZIQEELI 10:18

Hakkunni gedensaanni, Kaaliiqi ayirrinyi Qullaawu Mini nafarchinni kae, kirubeelira iimaanni noo darga mare uurri.

HIZIQEELI 11:1

Maganu Ayyaani uullanni iima qole kayise"e, soojjaati ragaanni noohuwa Qullaawu Mini waalchiwa abbie. Hakkiicho waalchu mule 25 manna afummo. Insa mereero mannu albisoota ikkitinori Azuuri beetti Azaaniyanna Beenaya beetti Felaaxiyi no.

HIZIQEELI 40:20

Qoleno, hakku manchi aliyye ragaanni gobbayidi nafarchira sa'nanni waalcho bikki.

HIZIQEELI 40:22

Masikootta, e'nanniwa noo kifilenna saattu misilla soojjaati waalchite gedeete. E'nanniwa noo kifileno Qullaawu Mini nafarchira alba higge, 7 fullanni dirima afidhinote.

HIZIQEELI 40:24

Qoleno hakku manchi wodiidi waalchiwa haa're massie; hakkiichono wole waalcho afummo. Waalchu du'millinna e'nanni kifile hala'linyi wolootu ledo taaloho.

HIZIQEELI 40:26

Giddine hakkiira sa'nannihu 7 dirimi no. E'nanni waalchira qaccete noo kifile, Qullaawu Minira alba higge no. Saattu misilla sa'nanni faro huxxa biifisse no.

HIZIQEELI 40:5

Laoommohuno Qullaawa Mineeti; minu gaangaawirano kinchu huxxi no. Manchuno hojja 6 seeddaanna cigile ikkanno daabba haa're, kinchu huxxa bikki. Huxxuno, godowa 6 cigile, du'mille 6 cigile ikki.

HIZIQEELI 40:7

Agaraasinete minna, hala'linye 10 ha'rumaati; minnate mereero nooti kinchu huxxuwa du'mille 5 cigileeti. Qullaawu Minira albaanni sa'nanni farora noohu giddoyidi waalchi seendille 6 cigileeti.

HIZIQEELI 41:16

uullanni masikoottate geeshsha noowa haqqe uddisiinsoonni. Masikoottano diwante no.

HIZIQEELI 42:15

Hakku manchi Qullaawu Minira giddoyidi kifilla bikke gudihu gedensaanni, soojjaati waalchi widoonni qole gobbara haa're fushshie. Hakkunni gedensaanni gobbayidi qoqqowo bikki.

HIZIQEELI 43:1

Hakko manchi soojjaati ragaanni noo waalchiwa haa're massie.

HIZIQEELI 43:17

Mereeri dirimino 4 madde afi'rino; mitte mittente madde baqo 14 cigileeti. Gobbaanni hige noo gammali hojja 1 taakkooti; hala'linye 1 cigileeti. Kakkalote dargira sa'nanni dirimmano soojjaati ragaanni nooreeti.

HIZIQEELI 43:8

Mootoolla mootete minnansa waalchuwa Qullaawu Mini'yara gamba assite uurrissino. Anenna insa mereero mittu huxxi callu no. Assitino bunshe baalatenni Qullaawa su'ma'ya batteessitino. Kunninni kainohunni insa hanqi'yanni hunoommo.

HIZIQEELI 44:1

Hakku manchino Qullaawu Mini qoqqowira soojjaati ragaanni noohuwa gobbayidi waalchira haa're massie; waalchuno cufame no.

HIZIQEELI 46:12

«Roorre uyinoonnisi gashshaanchi, gudinse giirrannita ikkito, woy mittimmate kakkalo baxe umisinni Kaaliiqira aara hasi'riro, giddoyidi nafarchira e'nanniha soojjaati waalcho fannosina. Fushshaate Fooliishshote Barra shiqinshanni garinni oona; isi fule ha'rihu gedensaanni waalcho cunfona» yii.

HIZIQEELI 47:1

Hakku manchi qole Qullaawu Minira e'nanniwa haa're massie. Qullaawu Minira e'nannihu hundinni buicho fulte, Qullaawu Minira albaanni soojjaati widira higge lolakkanni no. Qullaawu Minira wodiidinni ka'e, kakkallanni darga sa'e soojjaatira higge lolakkanni no.

HIZIQEELI 8:16

Hakkunni gedensaanni, giddoonni noohuwa Qullaawu Mini nafarira haa're massie. Hakkiicho Qullaawu Minira e'nanniwa kakkalote darginna sa'nanni doogo mereero, 25 manni geeshshi no. Insano badhe Qullaawu Kaaliiqi Minira wodhite, fultanni noo arrishsho magansidhanni soojjaatira higge guluphite kumbuultanni no.