HIZIQEELI 40:44 - Qullaawa Maxaafa

⁴⁴ Hakkunni gedensaanni, hakku manchi ane giddoyidi nafarira haa're massie. Cufannansa giddo qolle fannanniri 2 kifilla no. Aliyyeenni nooti alba wodiidira higge no; wodiidoonni nooti kayinni alba wodiidira higge no.

HIZIQEELI 40:44 ပူးပေါင်းရင်းမြစ်များ

HIZIQEELI 40:10

Soojjaati waalchira guranna qiniiteenni ka'aanni 3, kawaanni 3 mini no. Mereeronsano luphi yite leeltannoti mittu gari du'mille afidhino huxxuwa no.

HIZIQEELI 40:17

Manchu waalcho sayise nafarira haa're abbie. Hakkiicho gobbaanni qolle minnoonniti 30 kifilla no; kifillate albaanni kinna karroonniti sa'nanni farra no.

HIZIQEELI 40:23

Soojjaati waalchira noo garinni, kunni aliyye huxxi waalchi muleno, nafaru widoonni giddoyidi nafarcho sa'nannihu wolu waalchi no. Hakku manchino tenne lamenta waalchuwa mereero noo hala'linye bikki; kunino 50 qaafooti.

HIZIQEELI 40:27

Giddoyidi nafarchira sa'nannihu wolu waalchino no. Hakku manchi layinki waalchi geeshsha noo hala'linye bikki; kunino 50 qaafooti.

HIZIQEELI 40:29

Agaraasinete kifillanna e'nanniwa noo kifile, giddoyidihu kinchu huxxinna wolootu waalchuwano mittu garite. Kunni waalchi kifillarano masikootta noonsa. Waalchu farono, seendille 25 qaafooti; hala'linye 12 qaafootinna darateho.

HIZIQEELI 40:38

Gobbayidi nafarchira aliyye ragaanni giddoyidi waalchi faro ledo xaaddinoti wole kifileno no. Isera nafaraho albaanni nootewa e'nanniwa noo kifile sa'nannihu wolu waalchi noose. Shilqote kakkalora shiqinshanni saada maala hayishshinannihu hakkooti.

HIZIQEELI 40:43

Xarrate aana seendille angichu geeshsha ikkitanno sutaasine dirante no. Kakkalote shiqinshanni maali baalu xarapheeyyete aana no.

HIZIQEELI 40:7

Agaraasinete minna, hala'linye 10 ha'rumaati; minnate mereero nooti kinchu huxxuwa du'mille 5 cigileeti. Qullaawu Minira albaanni sa'nanni farora noohu giddoyidi waalchi seendille 6 cigileeti.

EFESOONI SOKKA 5:19

Faarsotenni, guwishshunninna ayyaanaame geewonni ki'ne ki'neneewa hasaabbe. Mooticha wodani'nenni guwissinanni faarse.

QOLASIYAASI SOKKA 3:16

Maganu qaali wo'me hee'ro'ne; egenno baalatenni mimmito'ne rosiissenna seejje. Faarsotenni, guwishshunninna, geewotenni, Magano wodani'nenni galattinanni faarse.