HIZIQEELI 40:38 - Qullaawa Maxaafa

³⁸ Gobbayidi nafarchira aliyye ragaanni giddoyidi waalchi faro ledo xaaddinoti wole kifileno no. Isera nafaraho albaanni nootewa e'nanniwa noo kifile sa'nannihu wolu waalchi noose. Shilqote kakkalora shiqinshanni saada maala hayishshinannihu hakkooti.

HIZIQEELI 40:38 ပူးပေါင်းရင်းမြစ်များ

UMI MOOTOOLLA 6:8

Uullayidihu uduunne worranni dargi Qullaawu Minira wodiidoonni no. Isirano mereerihanna aliidiha xaadisanno dirimi noosi. Lamu wolu dargino hakkunnira aane no.

UMI DUDUWO 28:12

Nafarratenna qooxeessinsara noo kifilla, miinju minenna Kaaliiqira shiqinshanni fushshaate worranni mine minnanni gara wodanisira Ayyaanu worino garinni kulisi.

LAYINKI DUDUWO 4:6

Qoleno 10 hayishshi'nanni gawate seekke 5 Qullaawu Minira wodiidoonni, 5 qole aliyyeenni wori. Tenne gawattara shilqote kakkalora gorrinanni saada maala hayishshinanni. Jawa gawatera noo wayi kayinni qeesootu hayishshidhannoho.

NEHIMIYA 13:5

Kunnira, seeru garinni Leewaawootaho, faarsaanotenna agaraasinete uyinoonninsaha gidu fushshaatenna hixaana, uduunne, gidunniha, haaro woyinehanna zayitenniha tonnunni mitto qeesootaho uyinanni fushshaate worranniwa hee'ranno gede fajjisi.

NEHIMIYA 13:9

Hakkonne dargano fiite keereensitanno gede hajajummo. Dargankonni Maganu Mini uduunne, gidu fushshaatenna hixaana galagalche worummo.

ERMIYAASI 35:4

Insano Kaaliiqi minira Maganu manchi Agidaaliya beetti Hanaani rosaano holgira haa're massoommo. Hakku holgino roorrootu holginni aane waalcho agarannohu Shaluumi beetti Maiseya holgira aleenni hige nooho.

ERMIYAASI 36:10

Mannu baalunku macciishshanna, Baarooki ani kulanna xaanxoonni gogira borreessino qaale nabbawi. Nabbawinohuno mootete mini borreessaanchi Saafaani beetti Gemaariya holgi widoonni hige saeeti. Kuni holgi noohuno Qullaawu Minira massannohu haaru huxxi waalchi mule aliidi nafari widoonniiti.

HIZIQEELI 40:12

Mittu mittunku agaraasinchi uurrannohura albaanni, hojja 1 cigile du'mille 1 cigile ikkinohu shiimu kinchu huxxi no; mitte mittenti kifile mittu garite; hala'linyinsano 3 qaafooti.

HIZIQEELI 40:17

Manchu waalcho sayise nafarira haa're abbie. Hakkiicho gobbaanni qolle minnoonniti 30 kifilla no; kifillate albaanni kinna karroonniti sa'nanni farra no.

HIZIQEELI 40:44

Hakkunni gedensaanni, hakku manchi ane giddoyidi nafarira haa're massie. Cufannansa giddo qolle fannanniri 2 kifilla no. Aliyyeenni nooti alba wodiidira higge no; wodiidoonni nooti kayinni alba wodiidira higge no.

HIZIQEELI 40:45

Hakku manchi, «Alba wodiidira higge noo kifile Qullaawa Mine soqqantanno qeesooti qixxaabbannowaati.

HIZIQEELI 40:46

Alba aliyyera higge noo kifile kayinni, kakkalote darga soqqantanno qeesooti qixxaabbannowaati. Qeesootu baalu Saadooqi sirchinni ilantino Leewaawootaati. Kaaliiqi albaanni uurrite soqqantara fajjinoonnisari insa calluwaho» yiie.

HIZIQEELI 42:13

Manchuno, «Kuni lamunku mini qullaawaho. Kaaliiqi albaanni soqqantanno qeesooti qullaawa sagale tenne minna giddo ittanno. Kifilla qullaawa ikkitinohura qeesootu: gidu fushshaate, cubbonna sao agursiisate kakkalo baala hakkiicho wortanno.

LEEWAAWOOTA 1:13

Godowirenna dadubba wayinni hayishshona. Qeesichu fushshaate baala abbe kakkalote darga shilqishona. Tenne shiqinshanni kakkalo shilqonnite fooli anera tashshi yaannoha ikkanno.

LEEWAAWOOTA 1:9

Hakku manchi, bootunniha godowirenna dadubba wayinni hayishshona; qeesichuno fushshaate baala gudise kakkalote darga masse shilqote kakkalo asse shiqishona; tenne giirre shiqinshanni kakkalo shilqonnite fooli anera tashshi yaannoha ikkanno.

IBIRAAWOOTA 10:22

Wodaninke keeraa'manno gede busha tiianke faanseenna, bisonkeno xalalu wayinni hayishsheenna, taalu wodaninninna halaalaancho amma'nanni Maganunniwa shinqo.