HIZIQEELI 40:2 - Qullaawa Maxaafa

² Ajuujatenni Kaaliiqi haa're masse, Israeelete gobbara mittu seedu ilaali aana worie. Wodiidi ragaanni, minnoonni katama labbannota mimmitu mule noota kinchu minna afummo.

HIZIQEELI 40:2 ပူးပေါင်းရင်းမြစ်များ

UMI DUDUWO 28:12

Nafarratenna qooxeessinsara noo kifilla, miinju minenna Kaaliiqira shiqinshanni fushshaate worranni mine minnanni gara wodanisira Ayyaanu worino garinni kulisi.

UMI DUDUWO 28:19

Moote Daawiti qole, «Kuni baalunku Kaaliiqi loonsanni gede borrotenni uyinoe akeekaati» yii.

FAARSO 48:2

Tsiyooni ilaalira noohu Maganu katami leelladohonna xumaho; kuni jawa moote katami baatto baalate hagiirre aannoho.

ISAYAASI 14:13

Wodanikkinni, «Iimira gordo fule, ayirrinyunniha barcima'ya, Maganu beeddahera iimaanni wodheemmo; aliyyeenni maganna gamba yitanno ilaali aana mooheemmo.

ISAYAASI 48:2

Ki'ne, «Qullaawu Katamira hee'neemmo; Olantote Mooticha Israeelete Magano hexxineemmo» yitine adawadhitinanni.

HIZIQEELI 1:1

Sajjiikki diro shoolki aganira ontikki barra, Baabilooni gobbara Kebaari Wayi mule Yihudunni qafadantinori ledo hee're gordu fa'nameenna, Magano ajuujatenni afoommo.

HIZIQEELI 20:40

Hatte gobbara qullaawu jawiidi ilaali'ya Israeelennihura, ki'ne Israeele baalunku magansidhinannie; anino ki'nenni hagiidheemmo. Kakkalo'ne, fila fushshaate'nenna qullaawa afansha'ne adheemmo.

HIZIQEELI 37:22

Baattote aana Israeelete ilaallara mitto gashshoote ikkite heedhanno gede asseemmonsa. Baalanka mitteenni gashshannohu mittu moote hee'rannonsa; layinkimeeshsho 2 gosa di"ikkitanno. Gashshootinsano lamewa dibeehamanno.

HIZIQEELI 41:1

Qoleno, Qullaawu Mini mereero noohuwa Qullaawu dargira haa're eessie. Hakka marranni faro bikkita, seendille 3 qaafo ikkitu.

HIZIQEELI 43:12

Qullaawu Mini noo dargi qullaawu ilaali'ya qoromboonniha ikka hasiissannosi. Kuni Qullaawu Minira lowo geeshsha hasiisanno seeraati» yee coyi'rie.

HIZIQEELI 8:3

Isino mannu anga labbannotenni umi'ya danancho amade gotti assie. Tenne ajuujanni Maganu Ayyaani baattotenni iima qole kayise, Yerusaalame iillishie. Aliyye ragaanni Kaaliiqa hanqissannoti kaphu maganna noowa Qullaawu Maganu Minira haa're massie.

DAANIEELI 7:1

Baabilooni moote Belshaatsaari moohihunni umi diro ani Daanieeli hashsha goxe hee're haaqee haaqii'roommo; ajuujano afoommo. Afoommo coye baalano borreessoommo. Kuni coyino aane nooho:

DAANIEELI 7:7

Konne la"anni hee'reenna xaano wolqaataamu, bushunna waajjishannohu shoolki moyichi fuli. Isira jajjabba siwiilu hinko noosi. Ugaaxe afi'rinore hattenne hinkonni cancane itanninna lekkasinni kakkadanni no. Isi balaxe afummo moyichubbanni baxxinohonna 10 buuda afi'rinoho.

MIKIYAASI 4:1

Goofimarchu iillanno yannara, Kaaliiqi mini minamino ilaali, wole ilaalla duuchantenni roore leellanno Gaaru wo'munkunni roore gotti yaanno. Lowo gobba manni isiwa lolahanno;

SOQQAMAASINETE LOOSO 16:9

Hashsha mittu Meqedooniyu manchi kae uurre, «Meqedooniya dagge kaa'linke!» yee huucci'ranna Phaawuloosi ajuujate afi.

SOQQAMAASINETE LOOSO 2:17

‹Maganu goofimarchu barra, Ayyaana'ya mannu baalu aana duneemmo; labballunna seennu ooso'ne himana coyidhanno; aju manni'neno ajuuja la"anno; geerri'neno haaqee haaqii'ranno.

GALATIYU SOKKA 4:26

Gordoho noo Yerusaalame kayinni borojjimmate giddo dinoote; ise amankeeti.