HIZIQEELI 39:6 - Qullaawa Maxaafa

⁶ Maagoogi baattoranna baaru qaccuwara, mannu yaadikkinni hee'rannowa baala giira qaseemmo. Hatte yannara, baalunku ani Kaaliiqa ikkoommota afanno.

HIZIQEELI 39:6 ပူးပေါင်းရင်းမြစ်များ

FAARSO 72:10

Terseesinna giddichuwate mootoolla giwire abbitosi; Arabetenna Saaba mootoolla afansha haadhe daggosi.

ISAYAASI 66:19

Qorichishoommonsahu ane ikkoommotano affanno. «Ikkollana, insa giddonni shiima manna gatise, ane ewelumma egentinokkiriwanna ayirrinye'ya affinokkiriwa addi addi gosawa: Terseesi, Liibiya, olte sodhannokki gosawa Liidiya, Tubaalinna Giriike soyemmo. Tenne gosara ane ayirrinye kultanno.

ERMIYAASI 25:22

Xiroosinna Sidoona mootoolla baala, Mediteraaniyu Baari qacce gaangaawira noo gobba mootoolla,

HIZIQEELI 30:16

Gibitsete giira qaseemmo; Pelusiyemino lowo geeshsha qarramanno. Tebisiti kinchu huxxuwa diigantanno; Memfiisi Katamano fullannikki shetto amaddannosi.

HIZIQEELI 30:8

Gibitsete ittanno giira qaseemmo yannaranna agaratannosere baala shinanni yannara, ani Kaaliiqa ikkoommota affanno.

HIZIQEELI 30:9

«Hakku barri iilleenna Gibitse ba'anno yannara, fafisi're keere hee'rannoha Itiyophiyu manna olunni waajjishiishshanno soqqamaano, markaawetenni soyemmo. Mannuno waajje huxi'ranno; hakku barrino mule no!»

HIZIQEELI 37:6

Diimmichonna maala ee, aanaho goga diweemmo'ne; giddo'ne foole wore, galagaltine lubbotenni heedhinanni gede asseemmo'ne. Hatte yannara, ani Kaaliiqa ikkoommota affinanni› yiino yite kulinsa» yiie.

HIZIQEELI 38:11

Huxxanna cufana afidhinokki katammara keere heedhannota hattenne wolqiweelo gosa horrate hedatto.

HIZIQEELI 38:13

Saabanna Dedaani gosa, Terseesi daddalaasine ledo ate garooti. Insano, olantokki Israeeletenni adhitanno birranna culka, saadanna wole jajja beeqqitara hasidhanno» yii.

HIZIQEELI 38:2

«Koo manchi beetto, Maagoogi baattora noore Mesheekinna Tubaali gosa gashshinohura Googira,

HIZIQEELI 38:6

Qoleno, aliyyenni xeerto gobbanni dagginori Gomeerinna Beeti Togariima bagadaano lowoti ledokki no yiino.

HIZIQEELI 39:5

Mullu xawira ubbe gattanno; ani Mootichu Kaaliiqi konne coye coyi'roommo.

AMOOTSI 1:10

Kunnira Xiroosi Katami huxxira giira qaseemmo; qiishonsano giireemmo» yii.

AMOOTSI 1:4

Moote Azaheeli mootimma minira giira qaseemmo. Moote Benihadaadi seekki'rino qiisho baala giireemmo.

AMOOTSI 1:7

Kunnira, Gaaza Katami huxxira giira qaseemmo; qiishonsano giirreemmo.

NAHOOMI 1:6

Isi hanqanno woyite, albasiinni uurra dandaannohu ayeti? Hanqisi giirate gede buwanno yannara, gata dandaannohu nooni? Giirate gede buwannohu hanqisi dirranno yannara, kinna daddadhante billaallitanno.

SOFFOONIYAASI 2:11

Baattonsara noota kaphu maganna duuchanta hune Kaaliiqi callu insawa waajjinoonniha ikkanno. Baattote aani daga baala noowa heedhe isira kumbuultanno.

YOHAANNIS AJUUJA 20:8

baatto baalate wo'minoha Googinna Maagoogi yinanni manna so'risiisara shoolunku raginni olaho gamba assate fulanno. Kiironsa baaru shaafi geeshshite.

YOHAANNIS AJUUJA 20:9

Insano baatto baalate aana fincante Maganu manni qachanna isi baxanno katama doyissitu. Ikkollana gordunni giira dirrite guddunsa.

EJJEETTO 18:7

Hakkunni gedensaanni, ontunku manni hakkiichinni ka'e Layishi yinanniwa hadhu. Hakkiicho noo manni Sidoonootu gede, yaaddo nookkiha keere hee'rannoha ikkinota affu. Gobbate mitturino hoongori nookki daafira mannu dureeyyete. Sidoonootuwiinni xeerti're hee'ranno; aye ledono xaado diafi'rino.