HIZIQEELI 39:26 - Qullaawa Maxaafa

²⁶ Insa waajjishannonsari nookkiha uminsa baattora keerunni heedhanno waro, kunni albaanni ane giwansanni shollitu gara habbanno.

HIZIQEELI 39:26 ပူးပေါင်းရင်းမြစ်များ

UMI MOOTOOLLA 4:25

Selemooni yannara Daaninni Bersaabehi geeshsha noohu Yihudunna Israeelete manni yaaddo nookkiha keere hee'rino. Baalunku umi uminsahura woyinennihuranna balasete haqqe caalira caa'lite fooliishshidhanni heedhino.

FAARSO 99:8

Kaaliiqa Maganonke! Ati mannikki huuccatto macciishshootto; maarattoha ikkoottota kuloottonsa; ikkollana kayinni bunshe loossanno woyite qorichishattonsa.

ISAYAASI 17:2

Sooriyu katamma mannu hee'rannokkita ona ikkitanno. Hoolannohu nookkiha saada hakkiicho hossanno.

ERMIYAASI 30:11

Gatisammo'nera ani ledo'ne hee'reemmo; giddonsa billaallisummo'ne daga gudeemmo. Ki'neno qorichishummokkinni diagureemmo; kayinnilla digudeemmo'ne; halaalunni seejjeemmo'ne» yii.

HIZIQEELI 15:8

Insa anera ammanantannokkire ikkitino. Anino baattonsa mulla ikkitanno gede asseemmo. Konne coye coyi'reemmohu ani Mootichu Maganoho» yiie.

HIZIQEELI 16:52

Kuneeti xaano shollinyekki callakki duqqa hasiissannohe. Ate cubbi addinta tiyyi'nanniha ikkinohura, roduuwikki atenni taashshiniro, keeraano lawanno. Roduuwakki atenni taashshineenna keeraano lawannore ikkino daafira, ati saala uddidhe ofolli» yii.

HIZIQEELI 16:63

Assootta sao baala agureemmohe; ati kayinni hattenne baala sao qaagatenni lowo geeshsha saalfatattahura mittoreno coyi'ra didandaatta. Konne coye coyi'roommohu ani Mootichu Kaaliiqaati» yii.

HIZIQEELI 20:27

«Kunnira, koo mancho, ani Mootichu Kaaliiqi yeemmore Israeelete kulinsa. Annuwansa ammanama hoogansanni xontinoeti wole xono aante noote:

HIZIQEELI 20:43

Assitinoonniha saalsiisanno coyenna umo'ne assitine batteessitinoonni gara, hakkiicho qaagginanni; assitinoonni bunshenni kainohunni, umo'ne cee'mitinanni.

HIZIQEELI 32:25

Elaami olunni shinoonni manni ledo goxxe no; olantose, moogga baala gaangeessite no. Insa shinoonnihuno olunniiti; baalunku Maganiweelootaho. Lubbotenni noo waro, mogga naqqinoreeti. Xa kayinni, saalansa duqqitino gedeenni, olunni shinoonniri ledo xaaddino.

HIZIQEELI 32:30

«Aliyye ayirraddinna Sidoonootu hakkiicho heedhanno. Kunni albaanni wolqansanni mogga naqqannoreeti. Xa kayinni, Magano affukkinni jeennaate dirrino manni ledo mitteenni saala duqqite heedhanno.

HIZIQEELI 34:25

Keere heedhanno gede hexxo eemmonsa; busha moyicho baattote aaninni huneemmo. Kunnira, ge'reewi'ya halalla hee'ranno; dubbohono keere galanno.

HIZIQEELI 36:31

Hatte yannara, busha ikkito'nenna assitinoonniha busha coye qaaggine, cubbi'neranna assitinoonni batte baalate ki'nenee cee'mitinanni.

HIZIQEELI 38:8

Lowo gobbanni galagalte dagge olu yaaddo nookkiha fafisidhe keere heedhannota Israeele horratto gede, lowo diri gedensaanni hajajeemmohe. Lowo diro mullicho ona ikkite keeshshitino. Xa kayinni, mannu baalu keere hee'rannota Israeelete ilaalla horratto.

HIZIQEELI 44:13

Insa qeesimmatenni soqqantaera didandiitanno; woy anera baxxe qullaawa ikkinore kisanna Qullaawu Holgira ea didandiitanno. Tiyyi'nanni assootinsara iillannonsa qorichi konneeti.

DAANIEELI 9:16

Mooticha'ya! Kunni albaanni wonqonke ikkite assoottoha dancha coye qaagge eeggatena hanqokkinna aarakki qullaawu ilaali aana noohu katamikki Yerusaalamete aaninni hooli. Ninkenna akaakkanke assitino saonni kainohunni Yerusaalamenna mannikki wole gosa oso'litannoha ikkino.

MIKIYAASI 4:4

Mannu annu annunkunni kaasi'rino balasenna woyinete caali hunda, harshammi yite fooliishshidhanno; masisannonsari dihee'ranno. Konne coye coyi'rinohu Olantote Mootichi Kaaliiqaati.