HIZIQEELI 39:25 - Qullaawa Maxaafa

²⁵ Mootichu Kaaliiqi, «Xa kayinni Yaiqoobi sircho ikkitinore Israeelete manna marareemmonsa; galagaleno duroonseemmonsa. Qullaawu su'mi'yano xonamannokki gede assi'reemmo.

HIZIQEELI 39:25 ပူးပေါင်းရင်းမြစ်များ

FAARSO 85:1

Kaaliiqa! Gobbakkira dancha coye malootto; Yaiqoobi sircho galagalchite duroonsootto.

FULO 20:5

Kaphu magannara kumbuultinoonte; insano magansidhinoonte. Ani hinaasaancho Maganootina, gibbannoerira sasenna shoole ilama geeshsha annuwate cubbo oosote iillisheemmo.

ISAYAASI 14:1

Kaaliiqi mannasi Israeele mararannonsa; galagalche mannasi asse doodhanno. Galagalte gobbansara heedhanno gede assannonsa. Wole gobba mannino daye insa ledo sumuu yee hee'ranno.

ISAYAASI 56:8

Billaallitino Israeele gamba assannohu Mootichu Kaaliiqi, «Insa aanano woloota lede gamba asseemmo» yii.

ERMIYAASI 23:3

Gatinoha manna'ya billaallisoommowiinni aninni gamba asse gobbansa qoleemmonsa; insano lowo ooso ilanteennansa kiiro lexxitanno.

ERMIYAASI 29:14

Anino leelleemmo'ne; qafadantinoonniwiinnino qoleemmo'ne; billaallisoommo'ne gobba baalatenni gamba asse haa're fushshe gobba'ne abbeemmo'ne. Konne coye coyi'roommohu ani Kaaliiqaati» yii.

ERMIYAASI 3:18

Hakka waro Yihudunna Israeelete manni mitteenni aliyye widoonni noo gobbara qafadaminowiinni daanno; akaakkansara hegerera iqqa asse oommonsa gobba galagale higanno» yeemmo gede kulino.

ERMIYAASI 30:10

«Kunni daafira, soqqamaancho'ya Yaiqoobi, waajjitooti! Israeeli, hexxo mudhitooti! Xeertote gobbanni gatise abbeemmo'ne; ooso'neno qafadantinowiinni qoleemmonsa; waajjishannori nookkiha, keerunni heedhinanni.

ERMIYAASI 30:18

Kaaliiqi lede, «Yaiqoobi ilama marareemmonsa; Yerusaalamete katami galagale minamanno; mootete minino haaroo'manno.

ERMIYAASI 30:3

Kune, qafadame nooha Israeelennihanna Yihudunniha manna'ya qole abbeemmo barri daanno. Akaakkansara iqqa asse oommo baatto galagalche qoleemmonsa; insano iqqansa assidhe heedhanno. Konne coye coyi'roommohu ani Kaaliiqaati» yii.

ERMIYAASI 31:1

Kaaliiqi, «Israeelete ga're baalate Maganonsa ikkeemmotinna insano manna'ya ikkitanno yanna dagganno.

ERMIYAASI 31:3

ani Kaaliiqi insara fafe hee're leelloommonsa. «Bagamannokki baxillinni baxoommo'ne; hakko baxillinni anewa gamba assoommo'ne.

ERMIYAASI 32:37

Buwanno hanqi'yanninna aari'yanni billaallisoommonsa gobba baalatenni gamba asse abbe, keere heedhanno gede asseemmonsa.

ERMIYAASI 33:26

Hattonni Yaiqoobi sirchinna soqqamaanchi'ya Daawiti ledo eoommo gondooro wonsheemmo. Abirihaami, Yisihaaqinna Yaiqoobi sirchi aana moohannoha Daawiti sirchinni dooreemmo. Manna'ya galagalche marare qawaaxxi're hee'ranno gede asseemmo» yii.

ERMIYAASI 33:7

Yihudunna Israeelete manna qafadotewiinni qoleemmo; albi gede asseno uurriseemmonsa.

HIZIQEELI 20:40

Hatte gobbara qullaawu jawiidi ilaali'ya Israeelennihura, ki'ne Israeele baalunku magansidhinannie; anino ki'nenni hagiidheemmo. Kakkalo'ne, fila fushshaate'nenna qullaawa afansha'ne adheemmo.

HIZIQEELI 34:13

Allaggu gobba baalantenni gamba asseemmonsa; mitteenni gamba asse gobbansa qoleemmonsa. Israeelete ilaallanna bu'a baalanniwa haa're ha'reemmonsa; masse danchu qanchi giddo hosiiseemmonsa.

HIZIQEELI 36:10

Aana'ne manna batiseemmo; diigaminoha baala galagalchine minneenna katamma'ne hee'nannita ikkitanno.

HIZIQEELI 37:11

Kaaliiqi, «Koo manchi beetto, Israeelete manni tenne miqqa gedeehowe. Insa, ‹Kune miqqanke mooltino; kunni ka'ira noonke kaayyo ba'eenna hexxo nookkire ikkinoommo› yitanno.

HIZIQEELI 39:7

Qullaawu su'mi'ya manni'ya Israeelete mereero egennamanno gede asseemmo; kunni ka'a su'mi'ya xonamara wore diagureemmo. Hakkunni gedensaanni, daga baala ani Kaaliiqi Israeelete Qullaawa ikkoommota affanno» yii.

HOOSEI 1:11

Hatte yannara Yihudunna Israeelete manni gamba yee mitto ikke, gashshannoha mitto albisa doodhanno. Galagale hige umisi baatto aana jirotenni lophe hee'ranno. Kuni barri Iyiziraeelira jawa barra ikkanno.

IYUEELI 2:18

Kuneeti Maganu, baattote noosi laalanni kainohunni mannasi mararanno.

AMOOTSI 9:14

Manna'ya Israeele galagalche gobbansa qoleemmo; diigantino katamma galagalchite mi'nite giddonsa heedhanno. Woyineno kaasidhe woyinete xajje agganno; addi addi haqqe kaasidhe laalonsa ittanno.

NAHOOMI 1:2

Kaaliiqi Maganu wole maganna magansidhannore wore dila"anno. Diinnasinna hettissannosire baala qorichishanno; hanqosi aanansa dirrisanno.

ZAKKAARIYAASI 1:14

Kunnira, ane ledo hasaawanni noo sokkaasinchi, «Olantote Mootichi Kaaliiqi, ‹Qullaawu Katami'yara Yerusaalamete lowo baxillinna lowo laala nooe.

ZAKKAARIYAASI 8:2

«Mannisera nooe baxilli daafira, Yerusaalame kaa'lammora hasi'reemmo; diinnasera hanqeemmo gede assinoehuno isera nooe baxilleeti. Ani Olantote Mootichi Kaaliiqaati.