HIZIQEELI 39:18 - Qullaawa Maxaafa

¹⁸ Kunni garinni bagadaanote maala ittanno; gashshaanote mundeeno agganno. Kuri baalunku maqalloonniri Baasaani gocca ge'reewunnite gede, qolteno goodannu, meu goccanna boottate gede gorrantanno.

HIZIQEELI 39:18 ပူးပေါင်းရင်းမြစ်များ

FAARSO 22:12

Lowo baarigaarra woraammate gede gaangeessitinoe; qassanno woraamma Baasaanite gede doyissitinoe;

FAARSO 68:30

Umonsa heeshshi assite birransa uyitahe geeshsha, shomboqqote giddo galanno moyicho Gibitse, dagate mereero heedhannore woraammanna middo rufi! Ola kayissara hasidhannore billaallisi!

ISAYAASI 34:6

Bise kakkalote shiqinshoonni ge'reewinna, meu wilii'li mundeenna cooma guggu'litannonte gede, Kaaliiqi biseno Edoomi manni mundeenna cooma aanaho ga'nitanno. Kaaliiqi tenne kakkalo Bootsira Katamira, Edoomi baatto aanano tenne jawa gorro gorranno.

ISAYAASI 34:7

Edoomi roorrooti manninsa ledo gorrante, gaarraanunna middootu gede ikkite ubbanno. Baattonsa mundee calla ikkitanno; coominsano baattote ha'rishsha ikkanno.

ERMIYAASI 46:5

Qoleno, «Kune anera kayinni qeelantinanniti leeltanni nooe; waajjitine badhera gugattinanni heedhinoonni; waajjillu doyisse amade noo'ne.

ERMIYAASI 50:11

Kaaliiqi, «Ki'ne Baabilooni gosa! Manna'ya mulqidhine hagiidhitinanni kukkubbitinoonni; kalote giddo burraaqqanno adde gede ikkitinoonni; misino farashshi gede himimmissinoonni.

ERMIYAASI 50:27

Qorichinshanninsa yanna iillitinona, Baabilooni wedella, woraamma gorrinannihu gede assitine gorre.

ERMIYAASI 51:40

Saadate gede gorrantannowa haa're ha'reemmonsa. Konne coye coyi'roommohu ani Kaaliiqaati» yaanno.

HIZIQEELI 29:5

Atenna hakkonne aanakki qa'mino qulxu'me haa're, moola baattora tugeemmo'ne. Reeshshikkino waammikkinni umbowa gatanno; allaattetenna moyichu sagale asseemmohe.

HIZIQEELI 34:17

«Kunnira, ki'ne ge'reewi'yara ani Mootichu Kaaliiqi coyi'reemmori konneeti. Dancha bushuwiinni, ge'reewo meuwiinni badeemmo.

HIZIQEELI 34:8

Ani heeshshote Magano ikka'yanni xaareemmona, allaalaasine'ya saada'ya hasa agurte insanaa towaxxitino daafira, ge'reewi'ya allaalannoha hooge, itannohura qiniino.

HIZIQEELI 39:19

Konne baalanka manna kakkale gudeemmo yannara, allaattenna moyichu baalu afidhino cooma duubba geeshsha ittanno; mundeeno dimbita geeshsha agganno.

AMOOTSI 4:1

Maqalloonnihu Baasaani lali gede missinoonniri, Samaariyu meenti, konne coye macciishshe. Ki'ne wolqa hoogginore raateessitinanni; buxane gawajjitinanni; wo'manka woyite ayyiddaanna'ne, dimbisanno ago abbanno'ne gede qarrissinanni.

MARRO 32:14

Lowo adonna buuro aanno lalo, coomino ge'reewo, deesallo me"e, hardinoha Baasaani lalo uyinonsa. Dancha qamadenna, xuma woyinete xajje uyinonsa.

YOHAANNIS AJUUJA 19:21

Gattinore qolle, waajjo farashsho gulufe noohu afiinni fultanno bisenni shini; maalansano cea baala itte duubbu.