HIZIQEELI 38:4 - Qullaawa Maxaafa

⁴ Afiikkira bixaala wore olantokki baalate ledo, faradokkinna faradaasinekki wonqonna bagado amaxxitino gedeenni baalanka badhera qoleemmo'ne.

HIZIQEELI 38:4 ပူးပေါင်းရင်းမြစ်များ

LAYINKI MOOTOOLLA 19:28

Anera hanqite wodanikkinni boo'noottota baala macciishshoommo. Kunnira, sanokkira qoroora gane afiikkira bixaala qase wirri asse dayitto widira qoleemmohe yoommota kulisi› yiino» yiisi.

UMI DUDUWO 12:8

Daawiti gammoojjitte gobbara qiishote giddo hee'reenna Gaadi ga're giddonni maccarinna ola egentino bagadaano dagge olantosi ledo karsantu; insano wonqotenninna urdetenni olammanni gara egentinoreeti; doobbiichu gede waajjishshannoreetinna bullichimma buubbannoreeti.

LAYINKI DUDUWO 25:5

Amesiyaasi Yihudunna Biiniyaami manna gamba asse, boosaallu boosaallunni gaame kumunna xibbu roorroota worinonsa. Kunni garinni gaammoonnihu lemuunna hakkuyi ali diri mannaati. Kiironsa 300,000 mannaati. Insano olaho iillitinoreeti; bagadonna wonqo amandanni garano egentinoreeti.

ISAYAASI 37:29

Anera hanqite wodanikkinni boo'noottota baala macciishshoommo. Kunnira sanokkira qoroora gane afiikkira bixaala wore wirri asse dayitto widira qoleemmohe yoommota kulisi› yiinohe» yee kuloommosi.

ISAYAASI 43:17

Faradonna faradi gaare, olantonna bagadaano baote widira haa're ha'rino; insano ka'annokki gede ikkite ubbino; uffu yineenna xoanno caabbichi gede ikkitino.

ERMIYAASI 46:9

«Faradu alba hige ha'ranno gede, faradi gaareno waajjinanni garinni doddanno gede hajajje. Itiyophiyunninna Liibiyunni wonqo amaxxe dayino manni, maxxa amaxxe Liidiyunni dayinohu wolqaataamu manni ledo, jawaata olamaano sokke» yaanno.

HIZIQEELI 23:12

Iseno jajjabba Asoorootu ejjeettonna olu hajajaano, biifinoha mittu dani imaana uddidhanno olantonna roorroota faradaasine dana xu'mitino wedella baxxe hoodensa doddino.

HIZIQEELI 29:4

Ga'rikkira qarawa woreemmo; wayikki giddo noo qulxu'mi bisikkira qa'manno gede asseemmo. Qulxu'muno aanakki qa'me hee'reenna, wayi giddonni goshooshe fushsheemmohe.

HIZIQEELI 38:15

aliyye ragaanni faffe hee'ratto darginni, faradaasine ikkite dagate mereerinni doorantinota jawa olanto hoode adhite gaadattonsa.

HIZIQEELI 38:3

‹Ani Mootichu Kaaliiqi hanqunni kaoommohe.

HIZIQEELI 39:2

Albasi wirri asse qole xeerto gobbanni aliyyenni goshooshe abbeemmosi; Israeelete ilaallara gaadanno gede asseemmo.

HIZIQEELI 39:20

Ani shiqisheemmo sagale faradunnita, faradaasinennita, olantonnitanna wole bagadaasine maala duubba geeshsha ittanno. Ani Mootichu Kaaliiqi konne coye coyi'roommo» yiie.

DAANIEELI 11:40

«Aliyye mootera goofimarchu iillanno woyite Wodiidi moote iso qasanno; ikkollana, Aliyye moote faradi gaaretenni, faradunninna markabbatenni hombobolattete bubbe gede ikke daye gawajjannosi. Lolahu gede asse lowo gobba horre gudanno.

AMOOTSI 4:2

Kunnira Mootichu Kaaliiqi qullaawa ikkasinni, «Ki'ne baalunku qarawunni amande, goshoonshanni qulxu'mi gede ikkitinanni barri daanno.