HIZIQEELI 38:12 - Qullaawa Maxaafa

¹² Alba diigante mullicho ona ikkite noo katamma, galagalte minanteenna, lowo daga mereerinni gamba yee, lowo saadanna jajja duu'ne duroo'me, gobba baalate dannawa ikkitino gobbara keere hee'ranno manna, miiceemmo yaatto.

HIZIQEELI 38:12 ပူးပေါင်းရင်းမြစ်များ

ISAYAASI 10:6

Ane hanqissinoonnirira maganiweelootaho, jajja'ne saante gudde ki'ne doogote sabbi gede assite ceellagganno'nere Asooroota soyemmo'ne» yaanno.

ERMIYAASI 30:16

«Guddanni noo'neri kayinni gooffanno; diinna'ne baala qafadantanno; mulqidhu'neri baalu mulqantanno; saantu'nere baala ani saameemo.

HIZIQEELI 29:19

Kunnira, ani Mootichu Kaaliiqi, Gibitsete baatto, Nabukadanatsoorira sayise eemmo; isino olantosi hunkiira ikkanno gede, saame woy horre adhino jajja Gibitsenniha baala adhe ha'ranno.

HIZIQEELI 38:8

Lowo gobbanni galagalte dagge olu yaaddo nookkiha fafisidhe keere heedhannota Israeele horratto gede, lowo diri gedensaanni hajajeemmohe. Lowo diro mullicho ona ikkite keeshshitino. Xa kayinni, mannu baalu keere hee'rannota Israeelete ilaalla horratto.

AMOOTSI 1:8

Ashidoodi giddo hee'ranno mannano shorreemmo. Asiqeloona Katami gashshaanchono huneemmo; Eqirooni Katamira heedhannoreno qorichisheemmo. Gattino Filisxeemootino reyitanno» yii.

ZAKKAARIYAASI 1:12

Sokkaasinchuno, «Olantote Mooticha Kaaliiqa'ya! Yerusaalametenna Yihudu katamma baalantera hanqittonkunni kuneeti xa 70 dirooti; maarattonsara kunni ka'a mageeshshi yanna gattino?» yee xa'mi.

ZAKKAARIYAASI 1:17

Sokkaasinchu layinkimeeshshono, «Olantote Mootichi Kaaliiqi, ‹Katamma'ya galagalte lowo geeshsha qawaaxxidhanno; Yerusaalamete mannano galagale jawaachisheemmo; qoleno umi'yare assi'reemmonsa› yiino» yii.

ZAKKAARIYAASI 13:7

Olantote Mootichi Kaaliiqi, «Bise! Baqqi yite, ledo'ya nooha allaalaasincho'ya gani! Hakkawoyite, ge'reewu billaallanno; manna'ya ani umi'ya gawajjeemmo.

EJJEETTO 9:37

Xaano Geaali, «Lai! Mannu ilaalu halli geeshsha dayinowe! Mitte gaamo kiilaanote qilxo widoonni higge dagganni no» yee coyi'ri.