HIZIQEELI 37:6 - Qullaawa Maxaafa

⁶ Diimmichonna maala ee, aanaho goga diweemmo'ne; giddo'ne foole wore, galagaltine lubbotenni heedhinanni gede asseemmo'ne. Hatte yannara, ani Kaaliiqa ikkoommota affinanni› yiino yite kulinsa» yiie.

HIZIQEELI 37:6 ပူးပေါင်းရင်းမြစ်များ

KALAQAMA 2:7

Kaaliiqi Maganu baattote aaninni bushsha haa're, manna bushshunni seekki; sanosirano lubbo aanno foole ufuufi; mannuno lubbo noosi kalaqama ikki.

UMI MOOTOOLLA 20:28

Himanaanchu Akiaabiwa daye, «Kaaliiqi, ‹Sooriyootu Kaaliiqi ilaalu aani maganooti ikkinnina xawu magano di"ikkino yitino daafira, tenne lowo geeshsha batidhino olanto angakkira sayise eemmohe. Atino ani Kaaliiqa ikkoommota afatto› yiino» yiisi.

FAARSO 104:30

Foole worattonsa woyite kayinni, heeshshonnire ikkitanno; baattote aana noore baala haaro assatto.

FULO 6:3

Wo'manka Dandeemmo Magano ikka'yanni Abirihaamira, Yisihaaqiranna Yaiqoobira leelloommo; ‹Kaaliiqa› yinannihunni qullaawu su'mi'yanni kayinni dileelloommonsa.

ISAYAASI 26:19

Mannikki reyinohu kae heeshshonniha ikkanno; reeshshinsano ka"anno. Ki'ne bushshu giddo heedhinanniri, ka'ine hagiirru faarso faarse! Soodo loju baatto qufisannohu gede, Kaaliiqino reyite keeshshitinore kayise, lubbotenni heedhanno gede assanno.

ISAYAASI 49:23

Mootoolla annuwa ikkite lossitannonsa; mootete meentino amate gede awuutannonsa. Aterano borojju gede umo heeshshi yee kumbuule, lekkakki buko laaxanno; kunninni ani Kaaliiqa ikkoommota afatta; ane hexxitannori disaalfattanno» yii.

HIZIQEELI 11:10

Kunnira, umi'ne gobbara olunni reyitinanni; hatte yannara, mannu baalu ani Kaaliiqa ikkoommota afanno.

HIZIQEELI 11:12

Seera'yanna woga'ya diigatenni ollii'nera noo manni seeranna woga wonshitinoonnihura, qorichishoommo'nehu ani Kaaliiqa ikkoommota affinanni» yii.

HIZIQEELI 20:38

Haxawarritinoerenna mokkookkitinoere mereeri'nenni hooleemmo; xa heedhanno gobbanni fushshe hooleemmonsa. Kayinnilla, galagalte Israeelete gobba higgara diagureemmonsa; ani Kaaliiqa ikkoommota hakka waro affinanni» yiie.

HIZIQEELI 32:15

Ani Gibitse mulla darga asseemmo yannaranna, hakko hee'rannore baala huneemmo yannara, ani Kaaliiqa ikkoommota affanno.

HIZIQEELI 34:27

Haqqe laaltanno; gatuno gide fushshanno; mittu mittunku isi umisi baattora keere hee'ranno. Manni'ya qambara hiiqqaqqe, borojjimma gashshitinonsa kaajjaddi anganni wodeemmonsa. Hatte yannara ani Kaaliiqa ikkoommota affanno.

HIZIQEELI 35:12

Hakkunni gedensaanni ati, «Israeelete baatto mulla darga ikkitinona, bibbindeemmonsa» yite oso'littota ani Kaaliiqi macciishshoommota afatto.

HIZIQEELI 35:15

Fiixi'ya Israeelete baora hagiidhittonte gede, Seiiri Ilaallanna Edoomi baatto baala mullicho ona ikkitanno. Hatte yannara, ani Kaaliiqa ikkoommota mannu baalu afanno» yii.

HIZIQEELI 35:9

Hegerera mullicho darga asseemmohe; layinkimeeshsho katammakkira mittuno dihee'ranno. Hatte yannara ani Kaaliiqa ikkoommota afatto.

HIZIQEELI 37:14

Foole'ya giddo woreemmo'ne; lubbotenni heedhinanni gede asseemmo'ne. Umi'ne baattora heedhinanni gede asseemmo'ne. Hatte yannara, ani Kaaliiqa ikkoommota affinanni. Konne asseemmo gede coyi'roommo; yoommoreno wonsheemmo. Ani Kaaliiqi konne coye coyi'roommo» yii.

HIZIQEELI 38:23

Kunni garinni, ani jawanna Qullaawa ikkoommota daga baalate leellisheemmo. Hatte yannara, insa ani Kaaliiqa ikkoommota affanno» yii.

HIZIQEELI 39:22

Israeeleno hatte yannanni kayisse, ani Kaaliiqi Maganonsa ikkoommota affanno.

HIZIQEELI 39:28

Dagate giddora qafadante hadhanno gede assummonsaro nafa, mittuno gatikkinni galagalche gobbansa qoleemmonsa. Kunninni, ani Kaaliiqi Maganonsa ikkoommota manni'ya afanno.

HIZIQEELI 39:6

Maagoogi baattoranna baaru qaccuwara, mannu yaadikkinni hee'rannowa baala giira qaseemmo. Hatte yannara, baalunku ani Kaaliiqa ikkoommota afanno.

HIZIQEELI 6:13

Kuni manni, gaarrate aana seekkinoonni dargi kakkalonnihura, ilaallate birxera jajjabbanna hala'lado caale afidhino haqqe hunda kaphu magannara hixaana giiranno. Kayinnilla, reeshshu kakkalote dargi mule uwe nooha la"anno woyite, ani Kaaliiqa ikkoommota afanno.

HIZIQEELI 6:7

Mannu darga baalaho reyanno yannara, lubbotenni noori kayinni ani Kaaliiqa ikkoommota affanno.

HIZIQEELI 7:4

Horonta dimarareemmo'ne; maarono dieemmo'ne. Assitinoonnihu saalfachishanno coye ikkino daafira, qorichisheemmo'ne. Hatte yannara ani Kaaliiqa ikkoommota buuxxinanni› yaanno» yiie.

HIZIQEELI 7:9

Horonta dimarareemmo'ne; digatiseemmo'ne. Loossinoonni loosi saalsiisannohunni kainohunni, qorichunni digattinanni. Hatte yannara, ani Kaaliiqa ikkoommotanna qorichisheemmo'nehuno ane ikkoommota affinanni.

IYUEELI 2:27

Israeele, ani mereero'ne noommota, ani callu Magano'ne ikkoommotanna, ane ka'a wolu Magani nookkita, hatte yannara affinanni. Manna'ya kunni ka'a saalu diamadannonsa.

IYUEELI 3:17

«Israeele, ki'ne hatte yannara, ani Kaaliiqi Magano'ne ikkoommota affinanni. Qullaawu Ilaali'yara Tsiyooni hee'reemmo. Yerusaalameno qullaawa katama ikkitanno. Kunni ka'a manni gobba manni dikadannose.

MARRO 29:6

Timunni roortinota addi sagale, woyinete xajjenna wole dimbisanno ago diagginoonni. Hatto assoommohu ani Kaaliiqi Magano'ne ikkoommo gede affinaraati› yiino.