HIZIQEELI 37:5 - Qullaawa Maxaafa

⁵ Ani Mootichu Kaaliiqi yeemmonsare baala: Giddo'ne foole wore galagaltine lubbotenni heedhinanni gede asseemmo'ne.

HIZIQEELI 37:5 ပူးပေါင်းရင်းမြစ်များ

KALAQAMA 2:7

Kaaliiqi Maganu baattote aaninni bushsha haa're, manna bushshunni seekki; sanosirano lubbo aanno foole ufuufi; mannuno lubbo noosi kalaqama ikki.

ISAYAASI 26:19

Mannikki reyinohu kae heeshshonniha ikkanno; reeshshinsano ka"anno. Ki'ne bushshu giddo heedhinanniri, ka'ine hagiirru faarso faarse! Soodo loju baatto qufisannohu gede, Kaaliiqino reyite keeshshitinore kayise, lubbotenni heedhanno gede assanno.

HIZIQEELI 37:14

Foole'ya giddo woreemmo'ne; lubbotenni heedhinanni gede asseemmo'ne. Umi'ne baattora heedhinanni gede asseemmo'ne. Hatte yannara, ani Kaaliiqa ikkoommota affinanni. Konne asseemmo gede coyi'roommo; yoommoreno wonsheemmo. Ani Kaaliiqi konne coye coyi'roommo» yii.

YOHAANNISI 20:22

Hatto yiihu gedensaanni aanansa foolesi ufuufe, «Qullaawa Ayyaana adhe.

ROOMU SOKKA 8:2

Kiristoosi Yesuusinni afi'nanni heeshsho aanno Ayyaani Seeri, cubbunna reyote seerinni keere fushshinoe.

EFESOONI SOKKA 2:5

saonkenni kainohunni reyine hee'neenna, Kiristoosi ledo heeshsho uyinonke. Ki'neno gattinoonnihu eltosinniiti.

YOHAANNIS AJUUJA 11:11

Ikkollana sasu barrinna daratu gedensaanni, heeshshote fooli Maganuwiinni daye lamunku reeshshi giddora ei. Insano ka'e lekkansanni uurritu; lai mannino lowo geeshsha waajji.