HIZIQEELI 37:27 - Qullaawa Maxaafa

²⁷ Anino hakkiicho insa ledo hee'reemmo. Ani Maganonsa ikkeemmo; insano manna'ya ikkitanno.

HIZIQEELI 37:27 ပူးပေါင်းရင်းမြစ်များ

HIZIQEELI 11:20

Hatte yannara Seera'ya wonshitinanni; hajajo'ya baalanta ayirrissinanni. Ki'ne manna'ya ikkitinanni; anino Magano'ne ikkeemmo.

HIZIQEELI 14:11

Konne asseemmohu, Israeele ane agurtannokki gedenna umonsano cubbunni batteessitannokki gede assateeti. Kunni garinni insa manna'ya ikkitanno; anino Maganonsa ikkeemmo. Konne coye coyi'reemmohu ani Mootichu Kaaliiqaati» yii.

HIZIQEELI 36:28

Hakkunni gedensaanni, akaakka'nera oommo baattora heedhinanni. Ani Magano'ne ikkeemmo; ki'neno manna'ya ikkitinanni.

HIZIQEELI 37:23

Hakkunni gedensaanni, tiyyi'nanni maganna kaphunnitenni umonsa dibatteessitanno; cubbunnino disarraaqantanno. Ane gibbe loossino cubbi baalunku giddonni fushsheemmonsa; cubbinsawiinnino keereenseemmonsa. Insa manna'ya ikkitanno; anino Maganonsa ikkeemmo.

HOOSEI 2:23

Manna'yano baattote aana wixeemmo; duroo'mitanno gedeno asseemmonsa; «Maaro nookkireeti» yinoonnire maareemmonsa. «Manna'ya di"ikkitinoonni» yinoonnire, manna'yaati yeemmonsa. Insano, «Ati Maganonkeeti» yitannoe.

YOHAANNISI 1:14

Qaalu manna ikki; eltonna halaale haraqi're ninke giddo gali. Mittichu ilamino Beetti Annuwiinni adhinohu gedeeha ayirrinyesi la'noommo.

LAYINKI QORONTOOSI 6:16

Maganunnihu Qullaawu Mini kaphu magani ledo mayi lase afi'rino? Ninke heeshshote Magani hee'ranno Mine Qullaawaho. Maganuno, «Insa giddo hee'reemmo; mereeronsa ha'rameemmo. Ani Maganonsa ikkeemmo; insano gosa'ya ikkitanno» yiino.

YOHAANNIS AJUUJA 21:22

Wo'manka Dandaanno Mootichi Maganunna Ge'rechu, Qullaawa Mine ikkitinohura, katamu giddo wole qullaawa mine diafoommo.

YOHAANNIS AJUUJA 21:3

Ayirradu barcimiwiinni, «Kune, Maganu hee'rannowi mannu mereero no! Maganu insa ledo hee'ranno; insano mannasi ikkitanno. Maganu umisi ledonsa hee'ranno; Maganonsano ikkanno.

YOHAANNIS AJUUJA 7:15

Kunnira ayirradu Maganu barcimira albaanni uurrite, hashshanna barra Qullaambesi Mine soqqantannosi. Ayirradu barcimira ofollinohu dukkana guggushshannonsa.