HIZIQEELI 37:26 - Qullaawa Maxaafa

²⁶ Keere heedhanno gede hegere gondooro e"eemmonsa; insano galagalche baattonsara xinte kiironsa batiseemmo. Qullaawu Mini'ya mereeronsa hegerera hee'ranno gede asseemmo.

HIZIQEELI 37:26 ပူးပေါင်းရင်းမြစ်များ

KALAQAMA 17:7

«Atenna ane mereero, ate gedensaannino sirchikki ledo gondoori'ya soorramannokki gede asseemmo; ateranna ate gedensaanni sirchikkira Magano ikkeemmo.

KALAQAMA 9:16

Magani-seemo gomichu aana laeemmo yanna baalantera, anenna baattote aana noori lubbo afi'rino kalaqami mereero nooha hegere gondooro qaageemmo.

LAYINKI SAAMUEELI 23:5

«Ane ledo hegere gondooro eino daafira, ba"annokki namoomanna, soorrantannokki hexxo aannoe. Halaalinta Kaaliiqi sircho'ya kunni garinni maassi'ranno; tini anera halcho'yaati; qeelle'yano iseeti; Maganuno addinta konne coye wonshannoe.

FAARSO 68:18

Kaaliiqi Maganu qafadonna haxawarrootu uyitino afanshi nafa gatikkinni adhe, hee'rannowa iimira ha'ri.

FULO 15:17

Kunnira, ati mannakki haadhe ha'ratto; ate ilaali aana massite worattonsa; hakkuno hee'rattora doodhootto dargaati; Qullaawu Mini angakki mintinoho.

FULO 25:8

Ledonsa hee'reemmo gede qullaawa dukkana qassoena.

ISAYAASI 27:6

Dagganno yannara Yaiqoobi sirchi Israeele, woyinete haqqicho gede rumushsho assidhanno; daraarte laaltanno; laaloseno baatto wo'mitanno.

ISAYAASI 49:21

Hakkunni gedensaanni wodanikkinni, ‹Ani ile hee'renni ilaweelo ikkoommate; qafadame ha're manniweele hee'roommate. Tini ooso maminni daggute? Ayi ile uyinoete? Lossinonsahu ayeti?› yaatta» yii.

ISAYAASI 55:3

«Anewa higgine yeemmore macciishshe! Lubbotenni heedhinanni gede qaale'ya macciishshe. Daawitira oommota bagamannokki baxilli hexxo, ki'ne aana wonsheemmo.

ERMIYAASI 30:19

Hakko hee'ranno manni galatu faarso faarsanno; hagiirrunni ilillisanno; kiironsa batidhannota ikkinnina dixe'anno; ayirradda asseemmonsa; ajishe la"annonsahuno dihee'ranno.

ERMIYAASI 31:27

Kaaliiqi, «Ani Kaaliiqi Israeeletenna Yihudaho mannunna saada wo'mitanno gede asseemmo.

ERMIYAASI 31:31

Kaaliiqi, «Israeeletenna Yihudu mini ledo haaro gondooro e"eemmo yanna dagganno.

ERMIYAASI 32:40

Hegere gondoorono insa ledo e"eemmo; insara danchare assa diagureemmo. Anewiinni wolewa higgannokki gede wodaninsara ane waajja woreemmo.

HIZIQEELI 11:16

«Kunnira, qafadante wole gobbara heedhannorira fiixikkira ani yeemmohere baala kulinsa. Qafadante fafo daga giddo heedhannonna wole gobbuwara billaallitanno gede assoommohu aneeti. Kayinnilla, yannate geeshsha billaallisummonsaha ikkirono, ani martinowa ledonsa noommo.

HIZIQEELI 16:60

Ikkollana, anjekki yannara ate ledo eoommo gondooro qaageemmo; hegere gondooro ate ledo e"eemmo.

HIZIQEELI 16:62

Ate ledo eoommoha gondooro'yano haaroonseemmo; atino hatte yannara ani Kaaliiqa ikkoommota afatta.

HIZIQEELI 20:37

«Kunni ka'a siqqo'yanni allaaleemmo'ne; gondoori'ya giddora eesseemmo'ne.

HIZIQEELI 20:40

Hatte gobbara qullaawu jawiidi ilaali'ya Israeelennihura, ki'ne Israeele baalunku magansidhinannie; anino ki'nenni hagiidheemmo. Kakkalo'ne, fila fushshaate'nenna qullaawa afansha'ne adheemmo.

HIZIQEELI 34:25

Keere heedhanno gede hexxo eemmonsa; busha moyicho baattote aaninni huneemmo. Kunnira, ge'reewi'ya halalla hee'ranno; dubbohono keere galanno.

HIZIQEELI 36:10

Aana'ne manna batiseemmo; diigaminoha baala galagalchine minneenna katamma'ne hee'nannita ikkitanno.

HIZIQEELI 36:11

Aana'ne mannunna saada batidhanno gede asseemmo; albinni roore batidhanno. Lowo ooso ilantanno; hakkiicho alba heedhino garinni heedhanno. Albinni roorse duroonseemmo'ne. Hatte yannara, ani Kaaliiqa ikkoommota affinanni.

HIZIQEELI 36:37

Mootichu Kaaliiqi, «Israeele mitte higge ledde kaa'lote huuccidhannoe. Anino, manninsa kiiro ge'reewunnite geeshsha asseemmo.

HIZIQEELI 43:7

«Koo manchi beetto, kuni ayirrinyu barcima'yaati. Konne Israeelete manni mereero hegerera hee'reemmo. Kunni ka'a insanna mootoollansa kaphu maganna magansi'ratenni woy konniicho mootoollansa waa'matenni qullaawa su'ma'ya dibatteessitanno.

HIZIQEELI 43:9

Kunni ka'a kayinni kaphu maganna magansi'ra agurate, mootoollansa reeshshano kawiinni hoola hasiissannonsa. Hatto assituro ani mereeronsa hegere geeshsha hee'reemmo» yaanna macciishshummo.

HIZIQEELI 48:35

Shoolunku ragihu katamunnihu kinchu huxxi seendilli mitteenni, 9,000 qaafooti. Kunni ka'a katamu su'mi, «Kaaliiqi Konniicho No» yinanniha ikkanno.

SOFFOONIYAASI 3:15

Ki'ne aana abboommo qoricha aguroommo; diinna'neno hooloommo. Ani Israeelete moote Kaaliiqi, mereero'ne noommo daafira, kunni ka'a waajjishanno'nehu bushu coyino dihee'ranno» yii.

ZAKKAARIYAASI 2:5

ani umi'ya gaangaawisera giirate huxxa ikke katama agareemmo gedenna wo'mu ayirrinyi'yanni hakkiicho mereerosi hee'reemmo› yee hexxo uyinosita kuli» yiisi.

KIIRO 25:12

Kunnira isi ledo hegere gondooro e"eemmota kulisi.

YOHAANNISI 14:27

«Keere'ya ki'newa woreemmo; keere'ya eemmo'ne. Ani eemmo'ne keeri tini gobba uyitanno'nehu gedeeha di"ikkino. Wodani'ne masoonke; waajjitinoonte!

LAYINKI QORONTOOSI 6:16

Maganunnihu Qullaawu Mini kaphu magani ledo mayi lase afi'rino? Ninke heeshshote Magani hee'ranno Mine Qullaawaho. Maganuno, «Insa giddo hee'reemmo; mereeronsa ha'rameemmo. Ani Maganonsa ikkeemmo; insano gosa'ya ikkitanno» yiino.

IBIRAAWOOTA 6:14

«Halaalintanni maassi'reemmohe; sirchokkino batiseemmo» yee su'misinni xaarino.