HIZIQEELI 37:23 - Qullaawa Maxaafa

²³ Hakkunni gedensaanni, tiyyi'nanni maganna kaphunnitenni umonsa dibatteessitanno; cubbunnino disarraaqantanno. Ane gibbe loossino cubbi baalunku giddonni fushsheemmonsa; cubbinsawiinnino keereenseemmonsa. Insa manna'ya ikkitanno; anino Maganonsa ikkeemmo.

HIZIQEELI 37:23 ပူးပေါင်းရင်းမြစ်များ

FAARSO 68:20

Maganinke gatisaancho Maganooti; Maganu Kaaliiqi reyotenni gatisannoho.

FAARSO 68:35

Israeelete Magani, Maganu Qullaawa Minesi waajjinanniho; mannisira wolqanna jawaante aanno; Maganu galatamo!

ISAYAASI 2:18

Kaphu maganna co'o yite ba'anno.

ERMIYAASI 31:1

Kaaliiqi, «Israeelete ga're baalate Maganonsa ikkeemmotinna insano manna'ya ikkitanno yanna dagganno.

ERMIYAASI 31:33

Insa ledo e"eemmohu haaru gondoori kunninni aane nooho: Seera'ya giddonsa woreemmo; wodaninsarano borreesseemmo. Ani Maganonsa ikkeemmo; insano manna'ya ikkitanno.

HIZIQEELI 11:18

Higginanni yannara, hakkiicho affinannita saalsiissannotanna tiyyi'nannita kaphu maganna co'o assitine hunne.

HIZIQEELI 11:20

Hatte yannara Seera'ya wonshitinanni; hajajo'ya baalanta ayirrissinanni. Ki'ne manna'ya ikkitinanni; anino Magano'ne ikkeemmo.

HIZIQEELI 14:11

Konne asseemmohu, Israeele ane agurtannokki gedenna umonsano cubbunni batteessitannokki gede assateeti. Kunni garinni insa manna'ya ikkitanno; anino Maganonsa ikkeemmo. Konne coye coyi'reemmohu ani Mootichu Kaaliiqaati» yii.

HIZIQEELI 20:43

Assitinoonniha saalsiisanno coyenna umo'ne assitine batteessitinoonni gara, hakkiicho qaagginanni; assitinoonni bunshenni kainohunni, umo'ne cee'mitinanni.

HIZIQEELI 36:31

Hatte yannara, busha ikkito'nenna assitinoonniha busha coye qaaggine, cubbi'neranna assitinoonni batte baalate ki'nenee cee'mitinanni.

HIZIQEELI 37:27

Anino hakkiicho insa ledo hee'reemmo. Ani Maganonsa ikkeemmo; insano manna'ya ikkitanno.

HIZIQEELI 39:22

Israeeleno hatte yannanni kayisse, ani Kaaliiqi Maganonsa ikkoommota affanno.

HOOSEI 1:10

Israeelete manni batinyi kiirrara woy bikkinara dandiinannikkihu baaru shaafi geeshshiha ikkanno. Kaaliiqi, «Manna'ya di"ikkitinoonni» yiinsarono, hakko heedheennanni, «Heeshshote Magani ooso» yinanninsa yanna dagganno.

HOOSEI 14:8

Israeelete mannira kunni ka'a, kaphu maganna ledo mittu xaadino dihee'rannonsa. Ani huuccattonsa macciishsheemmo; towateemmonsa. Lattino haqqicho gede ikkeemmonsa; laalono anewiinni afidhanno» yii.

MIKIYAASI 7:14

Kaaliiqa'ya ballo, ati dooroottota gosakki, Qermeloosi dubbi giddo calluwinsa ofoltinore mannakki, iqqikki ge'reewo siqqichokkinni allaali. Albi diri gede Baasaaninni Geleaadi geeshsha allaali.

ZAKKAARIYAASI 13:9

Gatinoha mitte anga ikkanno manna haa're giiranniwa masse, birru gede daashshe, culku gede fonqole xalaltanno gede asseemmonsa. Hakkunni gedensaanni anewa higge huuccidhanno; anino dawareemmonsa. Anino, ‹Ki'ne manna'yaati› yeemmonsa; insano, ‹Kaaliiqi Maganonkeeti› yitannoe» yaanno.

ZAKKAARIYAASI 14:21

Yerusaalametenna Yihudu gobbara hee'ranno midaanni baalu, Olantote Mootichi Kaaliiqira qullaawoota ikkanno. Kakkalo shiqishanno manni baalu, midaannu giddonni gama haa're kakkalote maala gafanno. Hatte yannara, Olantote Mootichi Kaaliiqi Mine ayino didadda'lanno.

TIITO 2:14

Kiristoosi bunshe baalatewiinni gatisankeranna dancha looso loosate diinaggaamboommorenna Isira baxxinoommore fayyaaleeyye manna ikkineemmo gede keereensankera isonoo sayise uyinonke.

UMI YOHAANNISI 1:7

Isi xawaabbaho hee'rannonte gede ninkeno xawaabbaho hee'nummoro, mimmitinke ledo mittimma heedhannonke. Qoleno Beettisi Yesuusi mundee cubbu baalunni keereensitannonke.

UMI YOHAANNISI 1:9

Cubbonke Maganoho ku'linummoro, isi ammanaminohanna keeraancho ikkinohura, cubbonke baala agurannonke; saonke baalatennino keereensannonke.

YOHAANNIS AJUUJA 21:7

Qeelannohu konne baala ragi'ranno; ani Maganosi ikkeemmo; isino beetto'ya ikkanno.