HIZIQEELI 37:21 - Qullaawa Maxaafa

²¹ Ani Mootichu Kaaliiqi manna'ya baala billaalle noo daga mereerinni mitteenni gamba asse, uminsa gobba qole abbammonsara hedoommota kulinsa.

HIZIQEELI 37:21 ပူးပေါင်းရင်းမြစ်များ

ISAYAASI 49:12

Kune manni'ya xeerto gobbanni daanno; aliyyenninna galchiminni, qoleno wodiidinni Asiwaani yinanni kataminni higanno» yii.

ERMIYAASI 16:15

Hatto yaa agurre akaakkansara oommo gobba qoleemmonsa daafira, ‹Israeelete manna aliyyenninna billaallisinonsa gobba baalatenni fushshinohu Heeshshote Kaaliiqi lao!› yinanni» yii.

ERMIYAASI 23:3

Gatinoha manna'ya billaallisoommowiinni aninni gamba asse gobbansa qoleemmonsa; insano lowo ooso ilanteennansa kiiro lexxitanno.

ERMIYAASI 23:8

Hatto yaa agurre, ‹Israeele aliyyenninna wole billaallisino gobbanni qole abbinonsa Kaaliiqi halaaleeti› yine xaarranni. Hakkunni gedensaanni uminsa gobbara heedhanno» yii.

ERMIYAASI 29:14

Anino leelleemmo'ne; qafadantinoonniwiinnino qoleemmo'ne; billaallisoommo'ne gobba baalatenni gamba asse haa're fushshe gobba'ne abbeemmo'ne. Konne coye coyi'roommohu ani Kaaliiqaati» yii.

ERMIYAASI 30:10

«Kunni daafira, soqqamaancho'ya Yaiqoobi, waajjitooti! Israeeli, hexxo mudhitooti! Xeertote gobbanni gatise abbeemmo'ne; ooso'neno qafadantinowiinni qoleemmonsa; waajjishannori nookkiha, keerunni heedhinanni.

ERMIYAASI 30:18

Kaaliiqi lede, «Yaiqoobi ilama marareemmonsa; Yerusaalamete katami galagale minamanno; mootete minino haaroo'manno.

ERMIYAASI 30:3

Kune, qafadame nooha Israeelennihanna Yihudunniha manna'ya qole abbeemmo barri daanno. Akaakkansara iqqa asse oommo baatto galagalche qoleemmonsa; insano iqqansa assidhe heedhanno. Konne coye coyi'roommohu ani Kaaliiqaati» yii.

ERMIYAASI 31:16

Wi'la'ne agurtine hindiiddo'ne fiidhe; ooso'ne diininsa gobbanni galagalte higganno waro, insara assitinoonni danchumma daafira, ani mulla diagureemmo'ne.

ERMIYAASI 31:17

Ooso'ne galagalte gobbansa higganno daafira, albillittete hexxo noo'ne. Konne coye coyi'roommohu ani Kaaliiqaati.

ERMIYAASI 32:37

Buwanno hanqi'yanninna aari'yanni billaallisoommonsa gobba baalatenni gamba asse abbe, keere heedhanno gede asseemmonsa.

ERMIYAASI 33:11

ani Kaaliiqi tenne baatto albi gede jironnita asseenna mannu Mini'yara galatu fushshaate haa're abbanni, hagiirrunninna qeexaalunni, adhatenna adhamate hagiirrira faarsinanni garinni, ‹Isi shaqqadoho; bagamannokkihu baxillisi hegerehona, Olantote Mooticha Kaaliiqa galatte› yaanni naggi yitino qoonqonni faarsanno» yii.

ERMIYAASI 33:7

Yihudunna Israeelete manna qafadotewiinni qoleemmo; albi gede asseno uurriseemmonsa.

ERMIYAASI 50:19

Israeelete manna qanchinsa giddora qoleemmo; Qermeloosi Ilaaliranna Baasaani gobbara fulinore baala itanno; Efireeminna Geleaadi gobbara fulanno gide hasi'ri geeshsha itanno.

HIZIQEELI 34:13

Allaggu gobba baalantenni gamba asseemmonsa; mitteenni gamba asse gobbansa qoleemmonsa. Israeelete ilaallanna bu'a baalanniwa haa're ha'reemmonsa; masse danchu qanchi giddo hosiiseemmonsa.

HIZIQEELI 36:10

Aana'ne manna batiseemmo; diigaminoha baala galagalchine minneenna katamma'ne hee'nannita ikkitanno.

HIZIQEELI 36:24

Dagate giddonni fushsheemmo'ne; gobba baalantenni gamba asse umi'ne gobba qoleemmo'ne.

HIZIQEELI 37:20

«Borreessittore lamenta siqquwa angakkinni amadde mannu la"anno gede assi.

HIZIQEELI 38:8

Lowo gobbanni galagalte dagge olu yaaddo nookkiha fafisidhe keere heedhannota Israeele horratto gede, lowo diri gedensaanni hajajeemmohe. Lowo diro mullicho ona ikkite keeshshitino. Xa kayinni, mannu baalu keere hee'rannota Israeelete ilaalla horratto.

HIZIQEELI 39:25

Mootichu Kaaliiqi, «Xa kayinni Yaiqoobi sircho ikkitinore Israeelete manna marareemmonsa; galagaleno duroonseemmonsa. Qullaawu su'mi'yano xonamannokki gede assi'reemmo.

HIZIQEELI 39:27

Ani Qullaawa ikkoommota lowo dagara leellishate, manna'ya hee'ranno gobba diinnansatenni qole abbeemmo.

HIZIQEELI 39:28

Dagate giddora qafadante hadhanno gede assummonsaro nafa, mittuno gatikkinni galagalche gobbansa qoleemmonsa. Kunninni, ani Kaaliiqi Maganonsa ikkoommota manni'ya afanno.

HOOSEI 1:11

Hatte yannara Yihudunna Israeelete manni gamba yee mitto ikke, gashshannoha mitto albisa doodhanno. Galagale hige umisi baatto aana jirotenni lophe hee'ranno. Kuni barri Iyiziraeelira jawa barra ikkanno.

MIKIYAASI 4:6

Kaaliiqi, «Ani qorichishoommonsa daafira, qafadameenna lowo qarrinna mitiimma amaddinoha manna'ya gamba asseemmo yanna dagganno.

NAHOOMI 2:2

Diinna mulqitunsarono, woyinete kaashshonsa baalanka hunturono; Kaaliiqi Israeelete ayirrinye bashshowa qolanno.

SOFFOONIYAASI 3:20

Billaalle hee'rannoha mannakki, hatte yannara qoleemmo. Uullate aana noo daga mereero, egennantinoonnirenna galatantinoonnire asseemmo'ne. Galagale duroonseemmo'ne» yiino. Konne coyi'rinohu Kaaliiqaati.