HIZIQEELI 36:26 - Qullaawa Maxaafa

²⁶ Haaro wodananna haaro ayyaana eemmo'ne; boo'na wo'mitinoha kinchu wodana fushshe, owaata hajajamanno wodana eemmo'ne.

HIZIQEELI 36:26 ပူးပေါင်းရင်းမြစ်များ

FAARSO 51:10

Magano ballo! Keeraancho wodana kalaqie; haaronna suwashsho wodana giddo'ya worie.

LAYINKI QORONTOOSI 5:17

Kunnira ayino Kiristoosinni hee'riro haaro kalaqamaati. Akkalu sae ha'reenna kune haaru dayino.

MARRO 30:6

Magano'ne Kaaliiqa wo'mu wodani'nenninna wo'ma lubbo'nenni baxxinanninna lubbotenni heedhinannni gede, Magani'ne Kaaliiqi ki'nenna sircho'ne owaatu wodanire assanno'ne.

LAYINKI QORONTOOSI 3:3

Ninke soqqanshonni dagginoonniri ki'ne, Kiristoosi sokka ikka'ne xawoho. Tenne sokka heeshshote Magani Ayyaaninni ikkinnina kuulunni diborreessinoonni. Mannu wodani giddo ikkinnina bocame kinchi aana diborreessinoonni.

EFESOONI SOKKA 2:10

Maganu Kiristoosi Yesuusi widoonni qole xa hee'noommo gedeere asse kalaqinonkehu, balaxe qixxeessinoha dancha looso loonseemmo gedeeti.

ERMIYAASI 32:39

Insaranna oosonsa oosora seyansara, ane waajjitannoe gede mitto wodananna mitte hedo eemmonsa.

YOHAANNIS AJUUJA 21:5

Ayirradu barcimira ofollinohu, «Kune, ani baalanka coye haaro asseemmo» yii. Ledeno, «Kuni qaali hawaqi'nannihonna halaalehona borreessi!» yiie.

LAYINKI QORONTOOSI 3:18

Ninke baalunku diphinoommokki albinni Mootichu ayirrinye xawinseemmo. Ayyaana ikkino Mooticha lawate ayirrinyunni ayirrinyu widira hinge soorrammeemmo.

GALATIYU SOKKA 6:15

Kiristoosi Yesuusinni haaro kalaqama ikkate ikkinnina, barcima woy barcima hooga kaa'litannori dino.

ZAKKAARIYAASI 7:12

wodana jaamu kinchi gede kaajjishino; ani Olantote Mootichi Kaaliiqi, albi himanaano widoonni qole Ayyaani'yanni oommonsa Seeranna qaale'ya baalanka macciishsha giwinohura, lowo geeshsha hanqoommo.

MAATEWOOSI 13:5

Wolu gumi bushshu qawaaxxisinokkiwa carete aana uwi. Lowo bushshi nookkita giddo tula ikkitino daafira mulenni mu'ri.

ERMIYAASI 24:7

Anino ane Kaaliiqa afanno wodana eemmonsa. Hakkunni gedensaanni wo'mu wodaninsanni anewa higganno daafira, manna'ya ikkitanno; anino Maganonsa ikkeemmo.

HIZIQEELI 18:31

Busha looso'ne baala agurtine, haaro surrenna haaro wodana kalaqidhe; ki'ne Israeele reyo mayira hasidhinanni?

UMI SAAMUEELI 10:9

Saaooli Saamueeliwiinni baxxe ha'rara kai yannara, Maganu soorre haaro mancho assisi. Saamueeli kuli malaati baalunku hakko barranni wo'mi.

HIZIQEELI 39:29

Ayyaana'ya Israeelete manni aana duneemmo; layinkimeeshsho alba digo'leemmonsa. Ani Mootichu Kaaliiqi konne coye coyi'roommo» yii.

LUQAASI 5:38

Kunnira, haaro woyinete xajje haaru ogorira worranni.