HIZIQEELI 36:18 - Qullaawa Maxaafa

¹⁸ Manna shaatenninna kaphu maganna magansi'ratenni, baatto batteessitino daafira, aara'ya insa aana dirrisoommo.

HIZIQEELI 36:18 ပူးပေါင်းရင်းမြစ်များ

LAYINKI DUDUWO 34:21

«Martine ane daafira, Israeeletenna Yihudaho gatino manni daafira Kaaliiqa xa'me. Kunni maxaafi giddo noo coyeno seekkitine buuxxe. Akaakkanke Kaaliiqira hajajama gibbino daafiranna kunni maxaafi giddo kulloonni coyeno wonsha hoogginohura Kaaliiqi hanqinonke» yiinsa.

LAYINKI DUDUWO 34:25

Insa ane agurte wole magannara kakkaltino. Angansanni seekkidhino magannanni ane hanqissinoe. Yerusaalamete hanqoommohu hanqi'ya buwannota ikkinnina diqiidanno.

LAYINKI DUDUWO 34:26

Mootete daafirano ikkiro, Israeelete Magani Kaaliiqi: Ati hakko maxaafira kulloonni coye macciishshootto.

ISAYAASI 42:25

Kunnira Waajjishanno ola soye, buwannoha hanqosi aananke dirrisino. Hanqisi giira doyissite noonke; ninke kayinni dihuwantoommo; diinowodanchinoommo.

ERMIYAASI 16:18

Baatto'ya lubbo afidhinokki misillanni batteessitinohuranna umi'yara doodhoommo baattora battete maganna wonshitino daafira, gatisammonsara albaanni, 2 ero qorichisheemmonsa» yii.

ERMIYAASI 44:6

Kunni daafira, Yihudu katammaranna Yerusaalamete dooggara hanqo'yanna aara'ya dirrise giirantanno gede assoommo. Kune techo la'inanninte gede diigante mulla darga ikkite gattino.

ERMIYAASI 7:20

Kunnira ani Mootichu Kaaliiqi, xa hanqo'yanna aara'ya konniicho mannunna saadate aana, dubbu haqqenna laalchu baalu aana duneemmo. Hanqi'ya xoyissine anfannikkiha ikkanno.

ERMIYAASI QURTO 2:4

Isi diinu gede maxxasi, ninkera alba qo'lino; hexxinoommore baala shee gudi; hanqisino Yerusaalamete aana giirate gede buwi.

ERMIYAASI QURTO 4:11

Kaaliiqi wo'ma hanqosi wolqa facci asse agurino; Tsiyooni baatto ittanno giira qasino.

HIZIQEELI 14:19

«Hatte gobbara dhibba soye, hanqi'yanni lowo manninna saada gooffanno gede assummoro,

HIZIQEELI 21:31

Hanqi'ya wolqa bubbanno giira gede aana'ne dirritanno; shaa rossinorira kaajjaddaho sayise eemmo'ne.

HIZIQEELI 22:20

Ani siwiila daashshate gamba asse giirate worannohu gedeeti; kunni garinni Israeele gamba asse hanqi'yanni bushsheemmo. Insano Yerusaalamete katamira birru giirate giddo daaqannohu gede ikkite daaqqanno.

HIZIQEELI 22:22

Hatte yannara, ani Mootichu Kaaliiqa ikkoommotanna hanqi'yanni qorichishoommonsata affanno» yiie.

HIZIQEELI 23:37

Lamenti foorannoreetinna manna shaannoreeti; foorinohu kaphu maganna ledooti; shiinorino anera ilantino oosooti. Ooso'ya kaphu magannansara kakkalino.

HIZIQEELI 33:25

«Ani Mootichu Kaaliiqi insa daafira yeemmore: Mundeete ledo noo maala ittinanni; kaphu maganna magansidhinanni; mannano shitinanni. Konne baala assitinanni heedhine, hiitto baatto ninkete yitinanni?

HIZIQEELI 39:23

Israeelootu qafadantinohuno ane aana assitino saora ikkinota daga baala affino. Ani badhe wodhe diinnansa shite guddansara wore aguroommo.

HIZIQEELI 7:8

Xa aara'ya baala aana'ne facci asse agurammoraati; assitinoonni coyi baalaho yoo yeemmo'ne. Saalsiisanno loosi'ne daafira qorichisheemmo'ne.

NAHOOMI 1:6

Isi hanqanno woyite, albasiinni uurra dandaannohu ayeti? Hanqisi giirate gede buwanno yannara, gata dandaannohu nooni? Giirate gede buwannohu hanqisi dirranno yannara, kinna daddadhante billaallitanno.

YOHAANNIS AJUUJA 14:10

Maganunnihura hanqu finiinchira worroonnita kaajjado woyinete xajje agganno. Qullaawa sokkaasinenna Ge'rechu albaanni giiranna ruqanu itannonsa.