HIZIQEELI 36:12 - Qullaawa Maxaafa

¹² Manna'ya Israeele, galagale aana'ne hee'ranno gede qole abbeemmo. Ki'neno iqqansa ikkitinanni; kunni ka'a oosonsano dihudidhanno.

HIZIQEELI 36:12 ပူးပေါင်းရင်းမြစ်များ

ISAYAASI 65:9

Yaiqoobira ooso eemmosi; Yihudu ga'reno ilaalla ragidhanno gede asseemmo. Soqqamannoehu doodhoommo manni, hakkiicho hee'ranno.

ERMIYAASI 15:7

Bubbe fincitanno kuri gede, gobbate aana noo katamma baalate billaalliseemmo'ne. Bushu loosi'nenni kainohunni, ki'ne manna'ya huneemmo; ooso'neno reyitanno gede asseemmo.

ERMIYAASI 32:15

Ani Israeelete Magani Olantote Mootichi Kaaliiqi, mannu tenne baattora mine, loosi'nanni baattonna woyine kaasi'nanni baatto hidhanno barri daanno yiino» yoommo.

ERMIYAASI 32:44

Mannu baatto hidhanno; sheemaate malaatinse mannu albaanni cunfanni. Biiniyaami gobbara Yerusaalamete gaangaawira noo qachi baalaho, shiimmaadda Yihudu katammara, gaaraame gobba katammara, gaarrate lekkaalloonninna Yihudaho wodiidoonni noo gobba baalate hatto assinanni. Mannano gobbansa qoleemmo. Konne coye coyi'roommohu ani Kaaliiqaati» yiie.

HIZIQEELI 22:12

Mannikki giddonni mitu mitu manna shaate woxe adhitanno; mitu mitu uminsa mannira Israeelete nafa qallote liqiissitanno. Insa hanaaqqe doogimale duroo'mitanno; ane horonta habbino. Konne coye coyi'reemmohu ani Mootichu Kaaliiqaati.

HIZIQEELI 22:27

Roorrootinsa, shitino saada bibbiddanno hiyyeeyye gedeereeti; hanaaqunni duroo'mitara yite manna shitanno.

HIZIQEELI 34:13

Allaggu gobba baalantenni gamba asseemmonsa; mitteenni gamba asse gobbansa qoleemmonsa. Israeelete ilaallanna bu'a baalanniwa haa're ha'reemmonsa; masse danchu qanchi giddo hosiiseemmonsa.

HIZIQEELI 34:14

Israeelete gobbara shaqqado saadate hayisso noo ilaallaranna lagga baalate bobbakke yaaddo nookkiha ittanno gede asseemmonsa.

HIZIQEELI 36:13

«Ani Mootichu Kaaliiqi yeemmohu konneeti: Mannu ki'ne, ‹Manna ittannoreeti; gosansa oosono hudetenni shitannoreeti› yiino'ne.

HIZIQEELI 47:14

Ani Akaakka'nera tenne baatto ragisiisate xaaroommo; xaano ki'ne baalunku taashshitine beeqqe.

KIIRO 13:32

Togo yite kaphu duduwo mannu mereero fincitanni, «Hatti la'ne dangoommo gobba manna diwortannote; hakko hee'ranno manni baalunku jajjabbaho.