HIZIQEELI 36:11 - Qullaawa Maxaafa

¹¹ Aana'ne mannunna saada batidhanno gede asseemmo; albinni roore batidhanno. Lowo ooso ilantanno; hakkiicho alba heedhino garinni heedhanno. Albinni roorse duroonseemmo'ne. Hatte yannara, ani Kaaliiqa ikkoommota affinanni.

HIZIQEELI 36:11 ပူးပေါင်းရင်းမြစ်များ

IYYOOBI 42:12

Kaaliiqi Iyyoobita goofimarchu heeshsho albitenni roorse maassi'ri. 14,000 ge'reewo, 6,000 gaala, 1,000 waaxa handanna 1,000 harre uyisi.

ISAYAASI 30:26

Kaaliiqi madiissinoha mannasi hursanno waro, aganu arrishshote gede xawanno; arrishshono albinni roore 7 ero xabbanno. Xawaabbiseno 7 barri xawaabbi geeshsha ikkanno.

ISAYAASI 51:3

«Ani Yerusaalame diggi asseemmose; diigammeseno lae marareemmose. Halallimmase Edenete gedeeta, moolleseno Gannatete gedeeta asseemmo; hagiirrenna qawaaxxo eemmose; giddose galatu faarso macciishshinanni.

ERMIYAASI 23:3

Gatinoha manna'ya billaallisoommowiinni aninni gamba asse gobbansa qoleemmonsa; insano lowo ooso ilanteennansa kiiro lexxitanno.

ERMIYAASI 23:4

Towattannonsa albisootano woreemmonsa; hakkunni gedensaanni manni'ya waajjikkinninna masikkinni hee'ranno. Anino tenne lede diganeemmonsa; giddonsanni mittuno dixeanno. Konne coye coyi'roommohu ani Kaaliiqaati» yii.

ERMIYAASI 30:18

Kaaliiqi lede, «Yaiqoobi ilama marareemmonsa; Yerusaalamete katami galagale minamanno; mootete minino haaroo'manno.

ERMIYAASI 31:27

Kaaliiqi, «Ani Kaaliiqi Israeeletenna Yihudaho mannunna saada wo'mitanno gede asseemmo.

ERMIYAASI 33:12

Olantote Mootichi Kaaliiqi, «Tini mannunna saada heedhannokkita ona ikkitino baatto mitto barra allaalaasine saadansa allaa'litanno darga ikkitanno.

HIZIQEELI 16:55

Insa albi gede duroo'manno; atinna seennikkino haaroo'mitinanni.

HIZIQEELI 35:9

Hegerera mullicho darga asseemmohe; layinkimeeshsho katammakkira mittuno dihee'ranno. Hatte yannara ani Kaaliiqa ikkoommota afatto.

HIZIQEELI 36:35

Laihu baalu, ‹Mullicho ona ikkite nooti tini baatto, hiitto ikkite Edeni Gennete labbu! Alba ba'inoti, diigantinotinna mulla darga ikkitino katamma, xa hiitto ikkite qiishonnitanna mannu hee'rannota ikka dandiitu?› yaanno.

HIZIQEELI 37:13

Ki'ne manna'ya waammate giddonni fushsheemmo yannara, ani Kaaliiqa ikkoommota affinanni.

HIZIQEELI 37:26

Keere heedhanno gede hegere gondooro e"eemmonsa; insano galagalche baattonsara xinte kiironsa batiseemmo. Qullaawu Mini'ya mereeronsa hegerera hee'ranno gede asseemmo.

HIZIQEELI 37:6

Diimmichonna maala ee, aanaho goga diweemmo'ne; giddo'ne foole wore, galagaltine lubbotenni heedhinanni gede asseemmo'ne. Hatte yannara, ani Kaaliiqa ikkoommota affinanni› yiino yite kulinsa» yiie.

HOOSEI 2:1

Kunni daafira labballo roduuwa'ne Israeeloota, Aami yiiyye. Meya roduuwa'ne, Ruhaama yitine woshshensa.

HOOSEI 2:20

Gondooro'yano agare galte'ya assi'reemmohe; atino ani Kaaliiqa ikkoommota afatta.

AMOOTSI 9:11

Kaaliiqi, «Diigame uwino mini gede ikkinoha, Daawiti gashshoote galagalche uurriseemmo yanna dagganno. Huxxano dhaaweemmo; diigaminohano gatamareemmo; albi gede asse haaroonseemmo.

AMOOTSI 9:15

Manna'ya Israeele oommonsa baatto aana kaaseemmo; layinkimeeshsho hakkiinni dibuqqisantanno. Konne coye coyi'roommohu ani Kaaliiqi Magano'neeti» yii.

MIKIYAASI 7:14

Kaaliiqa'ya ballo, ati dooroottota gosakki, Qermeloosi dubbi giddo calluwinsa ofoltinore mannakki, iqqikki ge'reewo siqqichokkinni allaali. Albi diri gede Baasaaninni Geleaadi geeshsha allaali.

ZAKKAARIYAASI 10:8

Manna'ya fiiqattotenni woshshe gamba asseemmo; gatise fushshe, kiironsa albinte gede batiseemmo.

ZAKKAARIYAASI 2:8

Ki'ne kisannohu ille'ya diikkicho kisannoho yaate» yaanno. Olantote Mootichi Kaaliiqi mannasi mulqidhino dagara konne qaale coyi'reemmo gede ayirrinyesi leellishe soyinoe.

MARRO 30:5

Annuwa'ne heedhino gobbanni jiro ragidhinanni gede galagalche abbanno'ne. Annuwa'nenni roore duroonsanno'ne; batisanno'ne.

IBIRAAWOOTA 11:40

Maganu ninkera woyyanno coye hedinonke; kunnira, insa ninke ledo ikkinnina calluwinsa guuta manna ikka didandiitino.

UMI YOHAANNISI 5:20

Maganu Beetti dayinotanna halaale anfeemmo gede wodancha uyinonketa egenninoommo. Beettisi Yesuusi Kiristoosi widoonni halaalaanchu Magani ledo mittimma afi'noommo. Yesuusi Kiristoosino halaalaancho Maganootinna hegere heeshshoho.