HIZIQEELI 34:16 - Qullaawa Maxaafa

¹⁶ «Bainore hasi'reemmo; billaallinore gamba assi'reemmo; hiiqqaminore sisseemmo. Dhiwaminore xagiseemmo; misinorenna jawaatinore kayinni sammi yee agureemmo. Togo asseemmohuno ani taashshe laeemmo allaalaancho ikkoommohuraati.

HIZIQEELI 34:16 ပူးပေါင်းရင်းမြစ်များ

FAARSO 147:3

Wodana hiiqqantinore dhaawannonsa; madansarano gaga gananno.

FAARSO 72:2

Kunni garinni mannakki taashshe gashshanno; qarraataammikkirano halaalaancho yoo yaanno.

ISAYAASI 1:5

Bunshete aana bunshe leddinanni lende qorichinshanni'ne gede mayira ikkitinanni? Manninati'ne baalu dhiwamaancho ikkino; wodani'neno daaqino.

ISAYAASI 10:16

Kunnira, Olantote Mootichi Kaaliiqi olantosira laansheessanno dhibba soyanno. Asoori mooterano bisoho giirate gedee fooggalo soyanno.

ISAYAASI 40:11

Allaalaanchu gede hoshshasi towatanno; wilii'le isiwa gamba asse hanqafanno; amuuwansano wodaninni shiikkanno.

ISAYAASI 49:26

Gadadissannoheri mimmitonsa shitanno gede asseemmo; insano uminsa mundee agge dimbitanno. Hakkunni gedensaanni ani Kaaliiqi gatisaanchokki ikkoommota, wolqaataamo Israeelete Magano ikkoommota daga baala affanno» yii.

ISAYAASI 5:17

Ge'reewu minu diigamino darga hayisso itanno; meuno hakkiicho hosanno.

ERMIYAASI 10:24

Kaaliiqa, ati taashshattoha ikkootto daafira seejjinke; ikkollana co'o yine ba'neemmona, hanqite heedhe seejjitootinke.

ERMIYAASI 23:15

Ki'ne Yerusaalamete himanaano, base baalate bunshe wixxinoonni. Qaraaranno haqqa itisatenna, shaanno waa hayikkisate, hedoommohu kunni daafiraati.

ERMIYAASI 23:5

«Daawiti sirchi giddonni, ammanaminoha moohiseemmo yanna dagganno; isino gobba hayyotenninna halaalunni gashshanno.

ERMIYAASI 31:8

Kune aliyye gobbanni abbeemmonsa; baattote qaccennino gamba asseemmonsa. Illiweelootu, naafootu, godowinni noorinna, gamaa'manni noori baalu ledonsa higanno; lowo gosa ikkite gobbansa higganno.

ERMIYAASI 50:11

Kaaliiqi, «Ki'ne Baabilooni gosa! Manna'ya mulqidhine hagiidhitinanni kukkubbitinoonni; kalote giddo burraaqqanno adde gede ikkitinoonni; misino farashshi gede himimmissinoonni.

ERMIYAASI 50:6

«Manni'ya ballehino ge'reewi gede ikkino; allaalaasinensa doogote aaninni soorriteenna, ilaallatenna gaarrate aana raataabbanni, fooliishshidhannowa hooggino.

ERMIYAASI 9:15

Kunnira ani Israeelete Magani Olantote Mootichi Kaaliiqi, kunni mannira qaraaranno haqqa itiseemmo; shaanno waano hayikkiseemmo.

HIZIQEELI 20:34

Mittowa gamba asseemmo'ne; billaallitinoonni gobba baalantenni qole abbeemmo'ne. Jawaata anga'ya, wolqaataame cigile'yanna buwannohu hanqi'ya mageeshshihoro leellisheemmo'ne.

HIZIQEELI 24:5

Danchu ge'rechi maala haadhe, siwiilu dissitera worte haqqe woroonni duuni; maalunna miqqa su'niite ra'anno gede assi› yiino yite kulinsa» yiie.

HIZIQEELI 34:11

Mootichu Kaaliiqi, «Ani umi'ya ge'reewo'ya hasi'reemmo; seekke allaa'leemmo.

HIZIQEELI 34:4

Daafurinore ditowattinoonni; dhiwaminore dixagissinoonni. Hiiqqaminore disissitinoonni; billaallinore gamba diassitinoonni; bainore dihassinoonni. Hatto assa agurtine, wolqatenninna jaddotenni ce'inoonninsa.

HIZIQEELI 39:18

Kunni garinni bagadaanote maala ittanno; gashshaanote mundeeno agganno. Kuri baalunku maqalloonniri Baasaani gocca ge'reewunnite gede, qolteno goodannu, meu goccanna boottate gede gorrantanno.

MIKIYAASI 5:3

Kunnira, amasi iso ilta geeshsha Kaaliiqi mannasi diinaho sayise aanno. Hakkunni gedensaanni, qafadante heedhannori roduuwisi higge ga'rensa ledo karsantanno.

MIKIYAASI 7:14

Kaaliiqa'ya ballo, ati dooroottota gosakki, Qermeloosi dubbi giddo calluwinsa ofoltinore mannakki, iqqikki ge'reewo siqqichokkinni allaali. Albi diri gede Baasaaninni Geleaadi geeshsha allaali.

SOFFOONIYAASI 3:19

Shetissannohere baala hatte yannara qorichisheemmo; laaffinore baala gatiseemmo. Shorrantinoreno qole gamba asseemmo; shollinyensano ayirrinyeho soorreemmo. Shollitino darga baalaho, ayirradunna galatamino su'mire asseemmonsa.

ZAKKAARIYAASI 10:3

Kaaliiqi, «Hanqi'ya allaalaasinete aana buwino; anino hakkore bushuulle roorroota qorichisheemmo; olantote Mooticha ikkoommohu ani Kaaliiqi umi'ya hoshsha Yihudu manna seekke agareemmo; insano jawaatu olu faradi gedeere assi'reemmonsa.

MAATEWOOSI 15:24

Isino, «Ani soqqame dayommohu Israeelete giddonni ge'reewu gede ikke ballehino manniraatilla» yee dawari.

MAARQOOSI 2:17

Yesuusi konne coye macciishshe, «Dhiwantinorira ikkinnina fayyaaleeyyete xagisannohu dihasiisannonsa. Ani cubbaataamma ikkinnina, keeraano woshshammora didayommo» yiinsa.

LUQAASI 19:10

Manchi Beetti bainoha hasaranna gatisara dayino» yiisi.

MARRO 32:15

«Israeele duubbe maahoyye gibbino; manninatinsa kee'mino; sagaleno qawaaxxidhino. Kalaqinonsa Magano agurtino; wolqaataamo gatisaanchonsa mishshino.