HIZIQEELI 34:14 - Qullaawa Maxaafa

¹⁴ Israeelete gobbara shaqqado saadate hayisso noo ilaallaranna lagga baalate bobbakke yaaddo nookkiha ittanno gede asseemmonsa.

HIZIQEELI 34:14 ပူးပေါင်းရင်းမြစ်များ

FAARSO 37:3

Uullate aana keere hee'ratto gede, Kaaliiqa addaxxi; dancha coyeno assi.

ISAYAASI 25:6

Olantote Mootichi konne Tsiyooni Ilaali aana, gosa baalate jila jilanno; jilahono xuma sagalenna fila woyinete xajje qixxeessanno.

ISAYAASI 40:11

Allaalaanchu gede hoshshasi towatanno; wilii'le isiwa gamba asse hanqafanno; amuuwansano wodaninni shiikkanno.

ERMIYAASI 31:25

Daafurtinorira wolqa haaroonseemmonsa; hudidhinorira sagale duushsheemmonsa.

HIZIQEELI 28:25

Mootichu Kaaliiqi, «Israeelete manna billaallisoommo gobba baalatenni qole abbeemmonsa. Dagano ani Qullaawa ikkoommota affanno; Israeelete manni soqqamaanchi'ya Yaiqoobira oommotera uminsa baattora hee'ranno.

HIZIQEELI 28:26

Hakkiicho keere heedhanno; minnano mi'nitanno; woyineno kaasidhanno. Ajishshe la'annonsare ollaansa qorichisheemmo. Israeele kayinni yaaddo nookkiha hawaqidhe heedhanno. Hatte yannara, ani Kaaliiqi Maganonsa ikkoommota affanno» yii.

HIZIQEELI 34:2

«Koo manchi beetto, Israeelete allaalaasinera, ani Mootichu Kaaliiqi yeemmore baala himanunni, «‹Saada towatanna allaala agurtine, umo'ne towaxxitinannirira ki'ne Israeelete allaalaasinera aanne'e!

HIZIQEELI 34:26

«Ani maassi'reemmonsa; Qullaawu Ilaali'ya gaangaawira hee'ranno gede asseemmonsa. Hasiisannonsa yannara ikkanno geeshshi xeena ee maassi'reemmonsa.

HIZIQEELI 34:27

Haqqe laaltanno; gatuno gide fushshanno; mittu mittunku isi umisi baattora keere hee'ranno. Manni'ya qambara hiiqqaqqe, borojjimma gashshitinonsa kaajjaddi anganni wodeemmonsa. Hatte yannara ani Kaaliiqa ikkoommota affanno.

HIZIQEELI 36:12

Manna'ya Israeele, galagale aana'ne hee'ranno gede qole abbeemmo. Ki'neno iqqansa ikkitinanni; kunni ka'a oosonsano dihudidhanno.

HIZIQEELI 36:9

Ki'ne daafira xissiisi'reemmo; danchummatennino towateemmo'ne; loonse aana'ne wixa winxanni.

DAANIEELI 11:24

Lowo geeshsha dureette ikkitinota mitte gobba bade hedeweelcho amadanno; akaakkasi giddonni mittu nafa asse egenninokki coye assanno; olunni adhino uduunnenna jajja baala olantosira beehanno. Qiishshate aana bala tugara hedanno; ikkollana shiima yannalla keeshshanno.

KIIRO 13:18

Gobba hiittootero, gobbate aana noo mannino mageeshshihoro, qoleno mannu laafahoronna jawaatahorono buuxxe.

YOHAANNISI 10:9

Waalchu aneeti; ane widoonni hige eannohu gatanno; ane widoonni hige eanno; ane widoonni hige fulanno; hosanno qanchono afi'ranno.

YOHAANNIS AJUUJA 7:16

Kunni ka'a dihudidhanno; digoodhanno; arrishshono digantannonsa; iibbilluno diqarrisannonsa.