HIZIQEELI 34:13 - Qullaawa Maxaafa

¹³ Allaggu gobba baalantenni gamba asseemmonsa; mitteenni gamba asse gobbansa qoleemmonsa. Israeelete ilaallanna bu'a baalanniwa haa're ha'reemmonsa; masse danchu qanchi giddo hosiiseemmonsa.

HIZIQEELI 34:13 ပူးပေါင်းရင်းမြစ်များ

FAARSO 106:47

Kaaliiqa Maganonke ballo, gatisinke! Gobba baalatennino gamba assite gobbanke qolinke; hakkawoyite galanteemmohe; qullaawa su'makkino ayirrinseemmo.

FAARSO 37:3

Uullate aana keere hee'ratto gede, Kaaliiqa addaxxi; dancha coyeno assi.

ISAYAASI 30:25

Diini'nera goofo iillitanno yannara, jajjabba ilaallanninna gaarratenni bu'a lolakkanno'ne.

ISAYAASI 49:9

Atino usuranyoota, ‹Amme fultine hadhe!› Tunsichoho noore, ‹Xawaabbunniwa amme!› yaatto. Doogga baalate sagale ittanno; mullichu gaari aana intanni sagale afidhanno.

ERMIYAASI 23:8

Hatto yaa agurre, ‹Israeele aliyyenninna wole billaallisino gobbanni qole abbinonsa Kaaliiqi halaaleeti› yine xaarranni. Hakkunni gedensaanni uminsa gobbara heedhanno» yii.

ERMIYAASI 30:18

Kaaliiqi lede, «Yaiqoobi ilama marareemmonsa; Yerusaalamete katami galagale minamanno; mootete minino haaroo'manno.

ERMIYAASI 30:3

Kune, qafadame nooha Israeelennihanna Yihudunniha manna'ya qole abbeemmo barri daanno. Akaakkansara iqqa asse oommo baatto galagalche qoleemmonsa; insano iqqansa assidhe heedhanno. Konne coye coyi'roommohu ani Kaaliiqaati» yii.

ERMIYAASI 31:8

Kune aliyye gobbanni abbeemmonsa; baattote qaccennino gamba asseemmonsa. Illiweelootu, naafootu, godowinni noorinna, gamaa'manni noori baalu ledonsa higanno; lowo gosa ikkite gobbansa higganno.

ERMIYAASI 32:37

Buwanno hanqi'yanninna aari'yanni billaallisoommonsa gobba baalatenni gamba asse abbe, keere heedhanno gede asseemmonsa.

ERMIYAASI 33:12

Olantote Mootichi Kaaliiqi, «Tini mannunna saada heedhannokkita ona ikkitino baatto mitto barra allaalaasine saadansa allaa'litanno darga ikkitanno.

ERMIYAASI 50:19

Israeelete manna qanchinsa giddora qoleemmo; Qermeloosi Ilaaliranna Baasaani gobbara fulinore baala itanno; Efireeminna Geleaadi gobbara fulanno gide hasi'ri geeshsha itanno.

HIZIQEELI 11:17

«Qoleno, ani Mootichu Kaaliiqi billaallisoommo'ne baatto baalatenni daware abbeemmo'ne; Israeelete baattono galagalche eemmo'ne.

HIZIQEELI 20:41

Billaallitinoonni gobbanni abbe mittowa gamba asseemmo'ne yannara, shilqinshanni kakkalo gede asse baxeemmo'ne; ani ki'nera qullaawa ikkoommota dagate leellisheemmo.

HIZIQEELI 20:42

Akaakka'nera aammora xaaroommo gobba Israeele qole abbeemmo'ne yannara, ani Kaaliiqa ikkoommota affinanni.

HIZIQEELI 36:12

Manna'ya Israeele, galagale aana'ne hee'ranno gede qole abbeemmo. Ki'neno iqqansa ikkitinanni; kunni ka'a oosonsano dihudidhanno.

HIZIQEELI 36:24

Dagate giddonni fushsheemmo'ne; gobba baalantenni gamba asse umi'ne gobba qoleemmo'ne.

HIZIQEELI 36:29

Batteessanno'ne coyi baaluwiinni gatiseemmo'ne; kunni ka'a hudidhinannikki gede gide halashsheemmo'ne.

HIZIQEELI 36:30

Haqqe'ne laalonna gati'ne gidi bati'ranno gede asseemmo. Hakkunni gedensaanni dagate mereero hudete shollinyi diamaddanno'ne.

HIZIQEELI 38:8

Lowo gobbanni galagalte dagge olu yaaddo nookkiha fafisidhe keere heedhannota Israeele horratto gede, lowo diri gedensaanni hajajeemmohe. Lowo diro mullicho ona ikkite keeshshitino. Xa kayinni, mannu baalu keere hee'rannota Israeelete ilaalla horratto.

HIZIQEELI 39:25

Mootichu Kaaliiqi, «Xa kayinni Yaiqoobi sircho ikkitinore Israeelete manna marareemmonsa; galagaleno duroonseemmonsa. Qullaawu su'mi'yano xonamannokki gede assi'reemmo.

HIZIQEELI 39:27

Ani Qullaawa ikkoommota lowo dagara leellishate, manna'ya hee'ranno gobba diinnansatenni qole abbeemmo.

AMOOTSI 9:14

Manna'ya Israeele galagalche gobbansa qoleemmo; diigantino katamma galagalchite mi'nite giddonsa heedhanno. Woyineno kaasidhe woyinete xajje agganno; addi addi haqqe kaasidhe laalonsa ittanno.

MIKIYAASI 2:12

«Ki'ne baotenni gattinoonniri Israeelete manna! Ge'reewu allaaletewiinni hige goo'raana eannohu gede, ani wo'manka mittowa gamba asseemmo'ne. Ge'reewu wo'mino qanchi gede, baatto'nerano mannu wo'manno gede asseemmo» yaanno.

MIKIYAASI 4:6

Kaaliiqi, «Ani qorichishoommonsa daafira, qafadameenna lowo qarrinna mitiimma amaddinoha manna'ya gamba asseemmo yanna dagganno.

MIKIYAASI 5:4

Isi daanno yannara, Kaaliiqiwiinni afi'ranno jawaantenninna xirchinni Kaaliiqi Maganu su'minni mannasi gashshanno. Lowimmasi gobbate qacce geeshsha egennantanno daafira, ga'resi massukkinni heedhanno.

SOFFOONIYAASI 3:13

Gatinohu Israeelete manni aye aanano busha coye diassanno; dhara dicoyi'ranno; lame arrawono dicoyi'ranno. Kunnira, duroo'me keere hee'ranno; waajjishannonsarino dihee'ranno» yii.

MARRO 30:3

Magani'ne Kaaliiqi mararanno'ne. Dagate mereero billaallisino'newiinnino galagalche gamba asse duroonsanno'ne.