HIZIQEELI 34:12 - Qullaawa Maxaafa

¹² Ge'reewu allaalaanchi billaallino ge'reewo gamba asse allaalannonte gede, anino mittowa gamba asse seekke allaaleemmonsa. Hakkunni tunsichunna qarru barrinni billaallitino dargi baalunkunni gamba asseemmonsa.

HIZIQEELI 34:12 ပူးပေါင်းရင်းမြစ်များ

LAWISHSHA 27:23

Ge'reewikki dana badde afi; saadakkino ille aanaho worte towati.

ISAYAASI 40:11

Allaalaanchu gede hoshshasi towatanno; wilii'le isiwa gamba asse hanqafanno; amuuwansano wodaninni shiikkanno.

ISAYAASI 50:10

Ki'ne giddo Kaaliiqa waajjannohunna, isi soqqamaanchi yaannore macciishshannohu ayeti? Tunsichoho hee'rannohu xawaabba afi'rinokkihu, Kaaliiqa addaxxo; Maganosi irki'ro.

ISAYAASI 56:8

Billaallitino Israeele gamba assannohu Mootichu Kaaliiqi, «Insa aanano woloota lede gamba asseemmo» yii.

ERMIYAASI 13:16

Tunsicho abbeenna, ilaallate aana sarraaqantinikkinni, xawaabba agadhitine heedhineenna, beebbu tunsichira soorrikkinni, Magano'ne Kaaliiqa ayirrisse.

ERMIYAASI 23:3

Gatinoha manna'ya billaallisoommowiinni aninni gamba asse gobbansa qoleemmonsa; insano lowo ooso ilanteennansa kiiro lexxitanno.

ERMIYAASI 31:10

Ki'ne daga! Ani coyi'reemmore macciishshe! Yeemmore qaccete fafowa noorira, ‹Manna'ya billaallisoommo; xa kayinni gamba asse, allaalaanchu gede allaaleemmonsa› yiino, yitine lallabbe.

ERMIYAASI 31:8

Kune aliyye gobbanni abbeemmonsa; baattote qaccennino gamba asseemmonsa. Illiweelootu, naafootu, godowinni noorinna, gamaa'manni noori baalu ledonsa higanno; lowo gosa ikkite gobbansa higganno.

ERMIYAASI 33:12

Olantote Mootichi Kaaliiqi, «Tini mannunna saada heedhannokkita ona ikkitino baatto mitto barra allaalaasine saadansa allaa'litanno darga ikkitanno.

HIZIQEELI 30:3

Kaaliiqi loososi loosanno barri iillino! Hakku barrino daga baalate, gomichu guggushshannohanna, qarru bati'rannoha ikkanno.

HIZIQEELI 32:7

Ani ate huneemmo yannara gordo diweemmo; beeddaheno tunsiiseemmo. Arrishsho gomichu giddo maaxantanno; aganuno dixawanno.

SOFFOONIYAASI 1:15

Hakku barri hanqunniha, qarrunnihanna shettonniha, baonnihanna diigamanniha, tunsichunnihanna limixenniha, guunjonnihanna gomichunniha ikkanno.

ZAKKAARIYAASI 10:3

Kaaliiqi, «Hanqi'ya allaalaasinete aana buwino; anino hakkore bushuulle roorroota qorichisheemmo; olantote Mooticha ikkoommohu ani Kaaliiqi umi'ya hoshsha Yihudu manna seekke agareemmo; insano jawaatu olu faradi gedeere assi'reemmonsa.

ZAKKAARIYAASI 9:16

Hakku barri iillanno woyite, allaalaanchu ge'reewosi moyichuwiinni gatisannohu gede, Kaaliiqi mannasi gatisanno. Ayirrado ba'latto aana noo irri xawannohu gede, insano gobbasira heedhe hatto xabbanno.

LUQAASI 15:8

Yesuusi lede, «Tonne saante afidhino manchora mitte ba'usero ma assitanno? Caabbicho qasse mine fiite ba'ino saante afi'rate jaatanaabbe dihasidhanno?

LUQAASI 19:10

Manchi Beetti bainoha hasaranna gatisara dayino» yiisi.

YOHAANNISI 10:16

Tenne hoowe giddo nookkihu wolu ge'reewino nooe; insano abba hasiissannoe. Insano huuro'ya macciishshitanno. Mitte hoshsha ikkitanno; allaalaanchuno mitto ikkanno.