HIZIQEELI 33:5 - Qullaawa Maxaafa

⁵ Qorophishiishsha lashshi asse reyinohu umisi so'ronniiti; qorophishiishsha lashshi assa hoogoommero gatannohu baino.

HIZIQEELI 33:5 ပူးပေါင်းရင်းမြစ်များ

LAYINKI MOOTOOLLA 6:10

Maganu manchi kulinosi garinni Israeelete moote olantosi qorophisiisinonsa daafira, feeffatte agadhitu. Kuni coyino marro marro hige ikkino.

FAARSO 95:7

Isi Maganonkeeti; ninkeno qanchisi ge'reewooti; ge'reewu allaalaanchi gede asse allaalannonke. Techo isi yiinota macciishshe:

ISAYAASI 51:2

Anna'ne Abirihaaminna iltino'neta Saara qaagge! Abirihaami woshshummosi waro mittichosiiti; ikkollana kune maassi're sirchosi batisoommo.

HIZIQEELI 18:13

woxesi qallote liqiissiro, kuni beetti lubbotenni hee'rara dandaannoni? Horonta lubbotenni hee'rara didandaanno. Konne baala tiyyi'nanni coye assino daafira reyanno; reyosirano isi umisilla xa'mamanno.

HIZIQEELI 33:4

Ayino konne qorophishiishsha macciishshe lashshi asse agureenna diinu bala tuge shiisiro so'ro umisite.

YOHAANNISI 8:39

Insa, «Anninke Abirihaamiiti» yituta, Yesuusi kayinni, «Abirihaami ooso ikkitinoommero Abirihaami assinore assitinanni.

IBIRAAWOOTA 11:7

Illetenni leellinokki coyi're Maganu balaxe qorophisiise kulisi yannara Nohi Magano waajjatenni minisi manna gatisara markaawe seekkinohu amma'natenniiti. Amma'natenni alamete so'rose leellishino; amma'natenni afi'nanni keeraanchimmano ragi'rino.