HIZIQEELI 33:11 - Qullaawa Maxaafa

¹¹ Ani Mootichu Kaaliiqi heeshshote Magano ikka'yanni xaareemmona, cubbaataamu manchi, cubbo loosa agure lubbotenni hee'ranno gede ikkinnina cubbisinni reyanno gede horonta hasi'reemmokkita kulinsa. Kunnira, ‹Israeele, busha looso'ne agurre; reyo mayira hasidhinanni?› yite kulinsa.

HIZIQEELI 33:11 ပူးပေါင်းရင်းမြစ်များ

LAYINKI SAAMUEELI 14:14

Ninke baalunku reyineemmoreeti; xinqine haa'nara dandiinannikkihu baattote aana du'namino wayi gedeereeti. Maganu lubbo ba'annota dibaxanno; qafadame bainohu higanno gede assanno.

IYYOOBI 37:23

Maganu wolqa bayira ikkitinohura, mulisira shiqa didandiineemmo; isi baalunkurira keeraanchohonna halaalaanchoho.

FAARSO 51:15

Mooticha'ya, arrawi'yanni galatakki duduweemmo gede, afoo'ya fanie.

LAWISHSHA 1:23

Seejjo'ya macciishshe; dancha amaale'ya fane agureemma'ne; egenno'yano beeheemma'nena.

LAWISHSHA 8:36

Ane hooginohu umosi gawajjanno; ane giwannohuno reyo baxanno» yitanno.

ISAYAASI 21:12

Qotaanchuno, «Soodara rahino; ikkollana hashshu galagale daanno; ledde buuxattora hasi'rittoro galagalte amo» yiisi.

ISAYAASI 49:18

Haxo gotti yite gamba yee daanni nooha mannakki lai; halaali'ya afanna, ‹Mannikki daye giddokki seesa ikkannohe; idayichote gede irridhe biifatta› yoommo.

ERMIYAASI 22:24

Kaaliiqi Yoakiinira, «Yihudu moote Iyoaaqeemi beetto Yoakiini halaali'ya afanna mootimma'ya wolqaha qiniitichu angichi cuue'ya ikkittorono fushshe tugeemmohe.

ERMIYAASI 3:12

Xa aliyye widira ha're Israeelete mannira, «Ammanantinannikki Israeele, ane Kaaliiqiwa higge! Ani maaro batidhinoha ikkoommo daafira dihanqeemmo; ki'nera hegere geeshsha hanqoommo gedeenni dihee'reemmo.

ERMIYAASI 3:22

Ki'ne ammanama noo'nekkiri baalu anewa higge! Ani hakkiinni gatise ammanantinoonnire asseemmo'ne» yii. Ki'neno, «Maahoyye, ati Kaaliiqi Maganonkeetina, atewa hingeemmo.

ERMIYAASI 44:7

«Xaano ani Israeelete Magani Olantote Mootichi Kaaliiqi mitto coye xa'meemmo'ne. Ki'neno tenne bunshe mayira loossine tenne bao umi'nera, labballu, meentu, oosotenna qaaqquullu aana abbitine mannu taraare gooffanno gede assitinanni?

ERMIYAASI 44:8

Heedhinara dagginoonni gobbara Gibitsete noo magannara kakkaltinanni ane mayira hanqissinannie? Togo assatenni, umo'ne rumonniha assitine, daga baalate mereero ajiiffantannire ikkitinanni.

ERMIYAASI 46:18

Ani Olantote Mootichi Kaaliiqi, mootete; qoleno ani Heeshshote Maganooti. Taaboori Ilaali ilaalla baalate aliidiha ikkinonte gede, Qermeloosi Ilaalino baaraho iimaanni noonte gede, ki'nera aleenni higinohu wolqaataamu daanno.

ERMIYAASI QURTO 3:33

Isi ninkera dadillenna shetto abbatenni, hagiidhannoha di"ikkino.

HIZIQEELI 14:6

«Kunnira, ani Mootichu Kaaliiqi Israeelete yeemmore kulinsa: Tiyyi'nanni maganna kaphunnitewiinni agurtine anewa higge.

HIZIQEELI 16:48

«Ani Mootichu Kaaliiqi heeshshote Magano ikka'yanni xaareemmona rodookki, Soddoomunna seennise assino bunshe, atinna seennikki assitinoonnite gedeeta di"ikkitino.

HIZIQEELI 18:23

Ani bushu manchi reyannota hagiidheemmoha lawanno'neni? Dee'ni; ani hagiidheemmohu, cubbosi aagintaawe hige lubbutenni hee'rirooti; togo yeemmohu ani Mootichu Kaaliiqaati.

HIZIQEELI 5:11

«Kunnira, heeshshote Magano ikka'yanni ani Mootichu Kaaliiqi yeemmohu konneeti. Bunshenna batte wo'mitino coye baala assatenni, Qullaawa Mine'ya batteessitinoonni daafira, anino mararro nookkiha badhe wodhe giweemmo'ne.

DAANIEELI 9:13

Muse seerira borreessinoonni garinni konne baala qoricha ninke aana abbootto. Kaaliiqa Maganonke! Kuni baalu ikke hee'reenna cubbinkenni higatenna halaalu hoode ha'rate maarokki daafira ate dihuucci'noommo.

HOOSEI 11:8

«Israeele! Ate hiitto asse agureemmohe? Hiitto asseno sayise eemmohe? Adaamanna Tseboyimi assummo gede, hiitto huneemmohe? Ate lowo geeshsha baxeemmohe daafira, konne baala assammora wodani'ya diaannoe.

HOOSEI 14:1

Israeelete manna! Magani'ne Kaaliiqiwa higge; sarraaqe tugino'nehu umi'ne cubbo ikkinota affe.

IYUEELI 2:12

Kaaliiqi coyi'ranni, «Xa nafa co'o yiino wodaninni, ita aga agurtine, wi'litinanninna raartinanni anewa higge!

SOFFOONIYAASI 2:9

Ani Israeelete Magani Olantote Mootichi Kaaliiqi heeshshonnihu su'miyanni xaareemmo. Moaabinna Amooni, Soddoomunna Gomooru gede ikkite ba'anno. Maxinete balenna ishinu guggushshinowa loonsannikki baatto gede ikkitanno. Qafadotewiinni gatinohu manni'ya jajjansa saamanno; baattonsano ragi'ranno. Kuni ikkanno gede ani Kaaliiqi heeshshonnihu su'mi'yanni xaareemmo» yii.

KIIRO 14:21

Ikkollana ani heeshshote Magano ikka'yanninna ayirrinyi'yano baatto baala wo'minoha ikkino deerrinni,

KIIRO 14:28

‹Halaali'ya afanna, huuccidhinoonnire wonsheemmo'ne.

SOQQAMAASINETE LOOSO 26:20

Kunnira, umo asse Demaasiqote noo manna qoleno Yerusaalametenna Yihudu gobbara noorenna daga aagintaabbe Maganunniwa higganno gede rosiisoommo. Aagintaawansa leellishanno coyeno assitanno gede rosiisoommonsa.

SOQQAMAASINETE LOOSO 3:19

Kunnira, cubbi'ne aguramanno'ne gede aagintaabbine Maganunniwa higge.

ROOMU SOKKA 14:11

Hakkuno, «Maganu, ‹Halaali'ya afanna, mannu baalu guluchisinni ane albaanni guluphanno; arrawu baalu ani Magano ikkoommota farci'ranno› yaanno» yine borreessinoonni garinniiti.

UMI XIMOOTEWOOSI 2:4

Maganu halcho, mannu baalunku gatannonna halaale afanno gedeeti.

LAYINKI PHEEXIROOSI 3:9

Mitu mitu heddanno garinni ikkikkinni, Mootichu uyino hexxo wonshate dikeeshshanno. Ikkollana, baalunku aagintaawe higaranna ayino ba"ara hasi'rinokki daafira ki'nera yee cincanno.