HIZIQEELI 33:10 - Qullaawa Maxaafa

¹⁰ Kaaliiqi, «Koo manchi beetto, Israeelete mannira, ‹Cubbinkenna saonke batidhinohura ba'nammoraati; hiitto ikkine ganteemmo?› yitinoonni.

HIZIQEELI 33:10 ပူးပေါင်းရင်းမြစ်များ

LAYINKI DUDUWO 34:24

‹Ani Kaaliiqi Yihudu mootera nabbambi maxaafi giddo noo rumonni Yerusaalamenna giddose noo manna baala qorichisheemmo.

IZIRA 9:15

Israeelete Magano Kaaliiqa ballo, ati halaalaancho yoo yaattoho; ikkollana kune techo geeshsha lubbotenni woroottonke. Saotenni hee'ne albakkiinni uurra didandiinanni; ninke kayinni kunni garinni hee'ne albikkira shinqoommo» yoommo.

FAARSO 130:7

Israeele! Isi bagamannokki baxillihanna, manna gatisateno wo'manka woyite qixxaawa ikkinohura, Kaaliiqa addaxxi.

ISAYAASI 49:14

Yerusaalamete manni kayinni, «Kaaliiqi agurinonke; hawinonke» yiino.

ISAYAASI 51:20

Oosokki woshshaado amaddino bullichi gede, shaqqite madde baalate ubbino. Kaaliiqi hanqinna, Maganikki rufa dirrite amaddannonsa.

ERMIYAASI 2:25

Israeele, wole maganna ledo foorate, lekka'ne dhodhookka geeshsha doddinoonte; kokke'ne moolta geeshsha goodhinoonte yoommo. Ki'ne kayinni, ‹Dee'ni! Ninke kaphu maganna banxoommohuranna, insa hoode ha'rate murci'noommo daafira dihingeemmo› yitinoonni» yii.

HIZIQEELI 18:19

« ‹Hatto ikkina, beettu annu cubbira qorichishamannokkihu mayiraati?› yitinanniha ikkanno; beettu taalonna dancha coye assino. Hajajo'ya baala seekke agadhino daafira, isi addinta lubbotenni hee'ranno.

HIZIQEELI 24:23

Mullu uminninna mulla lekkanni dihadhinanni; hururantine diwi'litinanni. Hindiiddo'neno difushshidhinanni; cubbi'nenni kainohunni jaabbinanni; gurura'inanni ka'a kawa higginanni.

HIZIQEELI 37:11

Kaaliiqi, «Koo manchi beetto, Israeelete manni tenne miqqa gedeehowe. Insa, ‹Kune miqqanke mooltino; kunni ka'ira noonke kaayyo ba'eenna hexxo nookkire ikkinoommo› yitanno.

HIZIQEELI 4:17

Sagalenna wayi goofeenna, hexxo mudhitanno. Saonsa batinyinni kainohunni jaabbe gooffanno» yiie.

LEEWAAWOOTA 26:16

anino hedeweelcho masille, ille hunannohanna manninate maniissannoha fooggashshannohanna shetisanno dhibba abbeemmo'ne; gide beebballa wixidhinannina loosidhinoonniha diini'ne itanno.

LEEWAAWOOTA 26:39

Ki'ne giddonni gattinori, diinna'ne baattora uminsa cubbinninna annuwansa cubbinni jaabbe gooffanno.