HIZIQEELI 32:26 - Qullaawa Maxaafa

²⁶ «Mesheekinna Tubaalino olantonsa moogga gaangeessiteennansa hakkiicho no. Insa shinoonnihuno olunniiti; baalunku Maganiweelootaho. Insano lubbotenni noo waro mannaho mogga naqqino.

HIZIQEELI 32:26 ပူးပေါင်းရင်းမြစ်များ

KALAQAMA 10:12

hattono Nennewenna Kalaahi mereero nooha Reeseeni yinanni katama uurrisi. Kalaahi jawa katamaati.

KALAQAMA 10:2

Yaafeeti ooso: Gomeeri, Maagoogi, Maadayi, Yawaani, Tubaali, Mesheekiitinna Tiraasiiti.

UMI DUDUWO 1:5

Yaafeeti Gomeeri, Maagoogi, Maadayi, Yawaani, Tubaali, Mesheekinna Tiraasi yinanni ooso ilino; insano su'minsanni woshshantanno ilamara akaakkate.

ISAYAASI 66:19

Qorichishoommonsahu ane ikkoommotano affanno. «Ikkollana, insa giddonni shiima manna gatise, ane ewelumma egentinokkiriwanna ayirrinye'ya affinokkiriwa addi addi gosawa: Terseesi, Liibiya, olte sodhannokki gosawa Liidiya, Tubaalinna Giriike soyemmo. Tenne gosara ane ayirrinye kultanno.

HIZIQEELI 27:13

Giriike, Tubaalininna Mesheeki ledokki dadda'litanno; uduunnikkinni borojjenna camote uduunne soorri'rootto.

HIZIQEELI 32:27

Albi ejjeetto bagadinsa ledo jeennaate dirritanno. Wonqonsa gagasinsara, bisensa umaallonsaanni heedheenna bagadonsa amaxxitino gedeenni madaarantino. Xa reyitannore kayinni, hakkuri gede assine ayirrinyunni dimadaarroonni. Tini ejjeetto lubbotenni noo waro, mannaho mogga naqqinoreeti.

HIZIQEELI 32:32

«Ani kunni albaanni Gibitsete moote mannu baalu waajjannosiha assoommo. Xa kayinni, isinna olantosi baala olunni shinoonnihu Maganiweelu manni ledo fooliishshidhanno. Konne coye coyi'roommohu ani Mootichu Kaaliiqaati» yee coyi'rie.

HIZIQEELI 39:1

Mootichu Kaaliiqi, «Koo manchi beetto, Mesheekinna Tubaali gosa gashshannohura Googira himana kuli. Ani hanqunni kaoommosita huwachishisi.