HIZIQEELI 32:24 - Qullaawa Maxaafa

²⁴ «Elaami gobbano reyitino olantose waamma gaangeessidhe hakkiicho no; baalanka olunni shinoonni. Insano Magano affukkinni heedhenni jeennaate dirritino. Lubbotenni noo yannara, mannaho mogga naqqannoreeti. Xa kayinni saalansa duqqitino gedeenni jeennaateho hee'ranno manni ledo karsantino.

HIZIQEELI 32:24 ပူးပေါင်းရင်းမြစ်များ

KALAQAMA 10:22

Seemi ooso: Elaami, Asuuri, Arfakisaadi, Luudiitinna Araamiiti.

KALAQAMA 14:1

Hatte yannara, Baabilooni moote Amiraafeeli, Elaasaari moote Ariyooki, Elaami moote Kedoorilaomeeri, Goyimi moote Tidaaliiti; kuri shoolunku moote,

UMI DUDUWO 1:17

Seemi ooso: Elaami, Asoori, Arfakisaadi, Luudi, Araami, Uutsi, Huuli, Geteeriitinna Mesheekiiti; insano su'minsanni woshshinanni mannira akaakkate.

IYYOOBI 28:13

Egenno tenne gobbara heedhannokki daafira, maricho kaa'litannoro mannu diafino.

FAARSO 142:5

Kaaliiqa'ya ballo, kaa'lattoe gede atewa hige raareemmo; Kaaliiqa'ya agaraanchi'ya ateeti; tenne gobbara hasi'reemmohu ate callaati.

ISAYAASI 11:11

Hatte yannara, Mootichu galagale angasi diriirse gatino manna Asoorinni, Gibitsetenni, Itiyophiyunni, Elaaminni, Baabilooninni, Hamaatinni, Baaru qaccuwanninna giddichuwa baalatenni gamba assanno.

ISAYAASI 38:11

Lubbotenni hee're Kaaliiqano dilaeemmo; mannano wole kalaqamano illetenni diafeemmo.

ERMIYAASI 11:19

Anino gorrinara haa'ne ha'nannihu ge'rechu wilii'lichi gede ikkoommo. «Amme haqqicho laalose ledo hunnona; amme kunni ka'a su'masi kayinsannikki gede, mannu mereerinni hoollona» yite, ma'litinota ani diafoommo.

ERMIYAASI 25:25

Zimiiri, Elaaminna Medooni gobba mootoolla baala,

HIZIQEELI 16:52

Kuneeti xaano shollinyekki callakki duqqa hasiissannohe. Ate cubbi addinta tiyyi'nanniha ikkinohura, roduuwikki atenni taashshiniro, keeraano lawanno. Roduuwakki atenni taashshineenna keeraano lawannore ikkino daafira, ati saala uddidhe ofolli» yii.

HIZIQEELI 16:54

Umokki qolte saalfatatta; ate shollanni, roduuwikki atenni woyyinore ikkansanni sheshifatanno.

HIZIQEELI 26:20

Jeennaate dirrite albi manni ledo xaadatto gede asseemmohe. Reyitinori ledo fiixa ikkite hee'ratto gede, hakko baattote woroonni noo jeennaatira diigante ba'inori ledo wore agureemmohe. Kunninni kainohunni, layinkimeeshsho mannu dihee'rannohe; lubbotenni noori ledo dikiiramatto.

HIZIQEELI 31:14

Aye gedeno waa agganni lophite kunni garinni hojja gordo iillitannoti, hattoo haqqicho kunni ka'a horonta diheedhanno. Mannaho iillitanno reyo insarano iillitanno; jeennaate dirritannori ledo karsantanno gede yoo yinoonninsa» yee coy'rie.

HIZIQEELI 31:18

«Haqqicho Gibitsete mootenna mannisi baalu lawishshaati. Edeni Gennetete noo haqqe giddo nafa hojjanna biinfille ise ikkitannoti dino. Xa kayinni, Edeni Gennetete noo haqqe gede, jeennaate dirritanno. Hakkiichono Maganiweelootu ledonna olunni shinoonniri baalu ledo karsantanno. Ani Mootichu Kaaliiqi konne coye coyi'roommo» yiie.

HIZIQEELI 32:18

«Koo manchi beetto, lowohura Gibitsete mannira wi'li. Wolqaataamma daga ledo jeennaate dirritanno gede yoo yiinsa.

HIZIQEELI 32:19

Togono yiinsa: Ki'ne wolootunni roore xu'mitinoonniha lawino'ne? Hatto ikkiro nafa jeennaate dirritinanni; hakkiichono Maganiweelootu ledo goxxinanni.

HIZIQEELI 32:21

Gibitsootu jeennaate dirritanno yannara, qotinsara uurrite gaarantino ejjeetto ka'e haadhannonsa. Haadhannonsa woyite, ‹Olunniwa shiniri Maganiweelootu kuneeti jeennaate dagginona, konne goxxanno!› yitanno.

HIZIQEELI 32:25

Elaami olunni shinoonni manni ledo goxxe no; olantose, moogga baala gaangeessite no. Insa shinoonnihuno olunniiti; baalunku Maganiweelootaho. Lubbotenni noo waro, mogga naqqinoreeti. Xa kayinni, saalansa duqqitino gedeenni, olunni shinoonniri ledo xaaddino.

HIZIQEELI 32:30

«Aliyye ayirraddinna Sidoonootu hakkiicho heedhanno. Kunni albaanni wolqansanni mogga naqqannoreeti. Xa kayinni, Magano affukkinni jeennaate dirrino manni ledo mitteenni saala duqqite heedhanno.

HIZIQEELI 34:29

Shaqqado loosidhanno darga eemmonsa; baattonsa aaninnino hude huneemmo; hakkunni gedensaanni, wole daga diqacifattannonsa.

HIZIQEELI 36:15

Ki'ne kunni ka'a dagate haariimo di"ikkitinanni; baatto'neno manna guddannota di"ikkitanno. Ani Mootichu Kaaliiqi konne coye coyi'roommo» yii.

HIZIQEELI 39:26

Insa waajjishannonsari nookkiha uminsa baattora keerunni heedhanno waro, kunni albaanni ane giwansanni shollitu gara habbanno.

HIZIQEELI 44:13

Insa qeesimmatenni soqqantaera didandiitanno; woy anera baxxe qullaawa ikkinore kisanna Qullaawu Holgira ea didandiitanno. Tiyyi'nanni assootinsara iillannonsa qorichi konneeti.

DAANIEELI 8:2

Elaami awuraajjira kinchunni huxxinoonnihu dannawunnihura Suusa Katamira Ulayi Wayi mule uurre hee're ajuujatenni anenee afummo.

IMBAAQOOMI 2:16

Atino agge dimbite gaggawatto; atino badokkira ayirrinyu darga shollinye uddi'ratto. Kaaliiqi qorichu finiincho cingiishshi'ratto gede assannohe; ayirrinyikkino shollinyeho soorramanno.

MAATEWOOSI 11:23

Ati gordu geeshsha gotti yootta Qifirinahoomi! Jeennaate dirratta. Ate giddo assinoonni maalale Soddoomaho assinoommero, hakko katami baikkinni techo geeshsha hee'rannohu baino.