HIZIQEELI 31:9 - Qullaawa Maxaafa

⁹ Ani Gibitse lowo sinnanni biifise kalaqoommose; ani Kaaliiqi kaasoommo haqqe gannatenniti, hinaassannose gede assoommose› yiino yite kulinsa» yiie.

HIZIQEELI 31:9 ပူးပေါင်းရင်းမြစ်များ

KALAQAMA 13:10

Looxi la"anno woyite, Yordaanoosi Lagi gaangaawira noo gobba baala wayi wo'minota ikkase afi; Kaaliiqi Soddoomanna Gomoora hunara albaanni, Zooaari geeshsha, gobba Kaaliiqi Gannate gede Gibitsete Laga labbannote.

KALAQAMA 26:14

Meu, ge'reewunna lalu, hattono borojju lowo geeshsha bati'rinosi daafira, Filisxeemete gosa hinaasse,

KALAQAMA 37:11

Roduuwisi hinaassusi. Annisi kayinni konne coye wodanisinni agaranni no.

FULO 9:16

Kayinnilla, reyattokki gede assoommohehu, wolqa'ya afatto gedenna su'mi'ya gobba baalate ayirranno gede assateeti.

LAWISHSHA 27:4

Hanqunna aaru mararro diafi'rino; hinaasu kayinni hakkiinni baasanno.

ROSIISAANCHO 4:4

Qoleno mannu halchinore afi'rate daafure loosanno gara baala laoommo; mannu hatto ikkannohu olliichosi hinaasino daafiraati. Kunino haafaho; diilallo cu'mate gedeeti.

ISAYAASI 51:3

«Ani Yerusaalame diggi asseemmose; diigammeseno lae marareemmose. Halallimmase Edenete gedeeta, moolleseno Gannatete gedeeta asseemmo; hagiirrenna qawaaxxo eemmose; giddose galatu faarso macciishshinanni.

ISAYAASI 55:12

«Tidhantine fultinanni waro, gobba'ne keerunni higginanni. Ilaallanna gaarra alba'neenni faarsitanni kukkubbitanno; dubbu haqqeno anga gantanno.

HIZIQEELI 16:14

Addinta biifado assoommohehura, xummekkinni kainohunni gobba baalate egennamootta. Konne coye coyi'roommohu ani Mootichu Kaaliiqaati.

HIZIQEELI 17:22

Mootichu Kaaliiqi yaannohu konneeti: «Seeda dagucho birxenni, latino guunxicho hiiqqe haa'reemmo; masse seedu ilaali aana kaaseemmo.

HIZIQEELI 17:24

Baattote aana noo haqqe baala, ani Kaaliiqa ikkoommota affanno. Ani seeddaanna haqqe murmure, harammaadda haqqe ale higge lophitanno gede asseemmo. Ani lattino haqqe mooshsheemmo; mooltino haqqeno latiseemmo. Ani Kaaliiqi konne coye coyi'roommo; asseemmo yoommoreno wonsheemmo» yii.

HIZIQEELI 28:13

Edeni shaqqado darga Maganu gate hee'rootto. Duumo dilqa, baqqala dilqa, kaajjado siwiila, haanja dilqa, xoxxorraamo dilqa, bule dilqanna duumu woy haanju dani dilqinni biifinsoonniha culku imaana uddi'rootto; ilamitto waro kuri baalu agare noohe.

HIZIQEELI 31:16

Ani hatte haqqicho jeennaate dirritanno gede asseemmo yannara, ubbanno woyite macciishshinanni luuli daga baala masisanno. Edeni haqqe ledo jeennaate dirrituti lowo waa agginoti dancha Libaanoosi haqqe baala ise uwara hagiidhitanno.

HIZIQEELI 31:18

«Haqqicho Gibitsete mootenna mannisi baalu lawishshaati. Edeni Gennetete noo haqqe giddo nafa hojjanna biinfille ise ikkitannoti dino. Xa kayinni, Edeni Gennetete noo haqqe gede, jeennaate dirritanno. Hakkiichono Maganiweelootu ledonna olunni shinoonniri baalu ledo karsantanno. Ani Mootichu Kaaliiqi konne coye coyi'roommo» yiie.

HIZIQEELI 36:35

Laihu baalu, ‹Mullicho ona ikkite nooti tini baatto, hiitto ikkite Edeni Gennete labbu! Alba ba'inoti, diigantinotinna mulla darga ikkitino katamma, xa hiitto ikkite qiishonnitanna mannu hee'rannota ikka dandiitu?› yaanno.

DAANIEELI 2:21

Isi yannanna wogga soorranno; mootoolla moohisanno; qoleno mootimmate aaninni dirrisanno. Egenno egennaammaho, hayyo wodanchitannorira aannohuno isooti.

ZAKKAARIYAASI 11:2

Daguwu uwino daafira, ki'ne hoomme, «Woo!» yitinanni wi'le. Xirchaame haqqe duuchanti ba'ino; wo'me noo dubbi dolamino daafira, Baasaani qilxooti, «Woo!» yitinanni wi'le.

UMI SAAMUEELI 18:15

Saaoolino Daawitira coyi baalu qiniinosita afe waajjisi.