HIZIQEELI 31:8 - Qullaawa Maxaafa

⁸ Ani Kaaliiqi kaasoommo haqqe gannatennite giddo nafa, ise ledo taaltanno dagucho dino. Isete geeshshi sinna noosehu hoonchu haqqino dino; ise ledo taaltannoti daraame haqqicho mitteno dino. Kaaliiqi kaasino haqqe giddo nafa, ise gede biiffino haqqicho dianfanni.

HIZIQEELI 31:8 ပူးပေါင်းရင်းမြစ်များ

KALAQAMA 13:10

Looxi la"anno woyite, Yordaanoosi Lagi gaangaawira noo gobba baala wayi wo'minota ikkase afi; Kaaliiqi Soddoomanna Gomoora hunara albaanni, Zooaari geeshsha, gobba Kaaliiqi Gannate gede Gibitsete Laga labbannote.

FAARSO 37:35

Bushunna kaajjadu manchi ayirre, Libaanoosi daguwi gede bati'rinoha afoommo;

FAARSO 80:10

Caalise ilaalla guggushshino; sinnaseno jajjabba daguwa caalshiishshino.

FAARSO ROORE FAARSO 5:15

Lekkuwasi culku aana kaasantinota, cala yaanno kinchi tuuqqa labbanno. Danisi daguwunni biifinoha, Libaanoosi Ilaala lawanno.

ISAYAASI 51:3

«Ani Yerusaalame diggi asseemmose; diigammeseno lae marareemmose. Halallimmase Edenete gedeeta, moolleseno Gannatete gedeeta asseemmo; hagiirrenna qawaaxxo eemmose; giddose galatu faarso macciishshinanni.

HIZIQEELI 28:13

Edeni shaqqado darga Maganu gate hee'rootto. Duumo dilqa, baqqala dilqa, kaajjado siwiila, haanja dilqa, xoxxorraamo dilqa, bule dilqanna duumu woy haanju dani dilqinni biifinsoonniha culku imaana uddi'rootto; ilamitto waro kuri baalu agare noohe.

HIZIQEELI 31:16

Ani hatte haqqicho jeennaate dirritanno gede asseemmo yannara, ubbanno woyite macciishshinanni luuli daga baala masisanno. Edeni haqqe ledo jeennaate dirrituti lowo waa agginoti dancha Libaanoosi haqqe baala ise uwara hagiidhitanno.

HIZIQEELI 31:18

«Haqqicho Gibitsete mootenna mannisi baalu lawishshaati. Edeni Gennetete noo haqqe giddo nafa hojjanna biinfille ise ikkitannoti dino. Xa kayinni, Edeni Gennetete noo haqqe gede, jeennaate dirritanno. Hakkiichono Maganiweelootu ledonna olunni shinoonniri baalu ledo karsantanno. Ani Mootichu Kaaliiqi konne coye coyi'roommo» yiie.

HIZIQEELI 31:3

Ati biifadda caalu sinna afidhino haqqicho, hojja gordo iillitino dagucho Libaanoosite gedeeho.

HIZIQEELI 31:7

Haqqicho hojja seedde, jajjabba sinna afidhinota ikkitinohura, lowo geeshsha biiffinote; rumuddaseno baattote woroonni noo wayi giddora ha'rissino.

YOHAANNIS AJUUJA 2:7

« ‹Qullaawu Ayyaani beetekiristaannate yaannore macca noohu macciishsho. Qeelinohura Maganu qixxeessino gannatera noota heeshshote haqqicho laalo itara fajjeemmosi› yiino» yite borreessite soyi.