HIZIQEELI 31:16 - Qullaawa Maxaafa

¹⁶ Ani hatte haqqicho jeennaate dirritanno gede asseemmo yannara, ubbanno woyite macciishshinanni luuli daga baala masisanno. Edeni haqqe ledo jeennaate dirrituti lowo waa agginoti dancha Libaanoosi haqqe baala ise uwara hagiidhitanno.

HIZIQEELI 31:16 ပူးပေါင်းရင်းမြစ်များ

ISAYAASI 14:15

Ikkollana hedoottori ikka hoogeenna, baattote woroonni jeennaate dirrootto.

ISAYAASI 14:8

Hoommenna Libaanoosi daguwi nafa, kuni moote reyino daafira hagiidhitanno. Isi reyihu gedensaanni, tenne haqqe karara meesane haa're fulannohu dihee'ranno.

ERMIYAASI 50:46

Ubbinanna macciishshinanni luulinni kainohunni, baatto shafantanno; luuluno hakkiinni sae wole gobbara leellanno» yii.

HIZIQEELI 14:22

Mittu manchi nafa oososi ledo gate ki'newa shiqqi yiiro, seekkitine la'e. Mageeshshi geeshsha bushuulle ikkitinorono buuxxe. Kunni garinni Yerusaalamete aana abboommo qorichi hasiisinoha ikkinota affinanni.

HIZIQEELI 14:23

Hatte yannara, assoommori baalunkura kaimu maatiro seekkitine buuxxinanni. Konne coye coyi'reemmohu ani Mootichu Kaaliiqaati» yii.

HIZIQEELI 26:10

Faradinsa kayisanno buko, gomichu gede ikkite guggushshitannohe. Faradi gaarensanna faradinsa eanno woyite, dhoohinohu kinchu huxxi shashshafamanno.

HIZIQEELI 26:15

Mootichu Kaaliiqi Xiroosi katamira, «Horramatto yannara, baaru qaccera hee'ranno manni bisetenni gorramanno manni raare macciishshe waajje huxi'ranno.

HIZIQEELI 27:28

Markabbate giddo noore baaru egemmanna raartu yannara, baaru gama noo manni macciishshino.

HIZIQEELI 31:14

Aye gedeno waa agganni lophite kunni garinni hojja gordo iillitannoti, hattoo haqqicho kunni ka'a horonta diheedhanno. Mannaho iillitanno reyo insarano iillitanno; jeennaate dirritannori ledo karsantanno gede yoo yinoonninsa» yee coy'rie.

HIZIQEELI 31:18

«Haqqicho Gibitsete mootenna mannisi baalu lawishshaati. Edeni Gennetete noo haqqe giddo nafa hojjanna biinfille ise ikkitannoti dino. Xa kayinni, Edeni Gennetete noo haqqe gede, jeennaate dirritanno. Hakkiichono Maganiweelootu ledonna olunni shinoonniri baalu ledo karsantanno. Ani Mootichu Kaaliiqi konne coye coyi'roommo» yiie.

HIZIQEELI 31:3

Ati biifadda caalu sinna afidhino haqqicho, hojja gordo iillitino dagucho Libaanoosite gedeeho.

HIZIQEELI 31:8

Ani Kaaliiqi kaasoommo haqqe gannatennite giddo nafa, ise ledo taaltanno dagucho dino. Isete geeshshi sinna noosehu hoonchu haqqino dino; ise ledo taaltannoti daraame haqqicho mitteno dino. Kaaliiqi kaasino haqqe giddo nafa, ise gede biiffino haqqicho dianfanni.

HIZIQEELI 31:9

Ani Gibitse lowo sinnanni biifise kalaqoommose; ani Kaaliiqi kaasoommo haqqe gannatenniti, hinaassannose gede assoommose› yiino yite kulinsa» yiie.

NAHOOMI 2:3

Diinu gaaddo duummaadda wonquwa amaxxitino; duummaadda uddannano uddidhino. Gaadunniti faradu gaarensano, giirate buwani gede wala wala yitanno. Faradinsa hookkisanno; urdensannino hemmeeqidhanno; kunni garinni olaho qixxaabbanno.

IMBAAQOOMI 2:17

Libaanoosi assi'rootto beebba ateno amaddannohe; saada gudakkino masissannohe. Kuni ikkannohu manna shootto daafira, gobbanna katamma, qolteno giddonsa noore baala gudootto daafiraati.

HAGE 2:7

gashshoote baala galcheemmo; jironsa baalantano kawiira dagganno gede asseenna, Qullaawa Mine jiro wo'mitanno.

YOHAANNIS AJUUJA 11:13

Hakko mereero baatto lowo geeshsha huxidhu. Katamunniti tonnikki anga diigantu. Baattote huxi'ranni kainohunni 7,000 manni reyi; reyotenni gatinohu lowo geeshsha waajje gordu Magano ayirrisi.