HIZIQEELI 30:3 - Qullaawa Maxaafa

³ Kaaliiqi loososi loosanno barri iillino! Hakku barrino daga baalate, gomichu guggushshannohanna, qarru bati'rannoha ikkanno.

HIZIQEELI 30:3 ပူးပေါင်းရင်းမြစ်များ

FAARSO 110:6

Gosate aana yoo yaanno; olu xawono reeshsha calla assanno; baattote aana noo mootoolla baala gudanno.

FAARSO 37:13

Kaaliiqi kayinni, barru iillinosita afino daafira, oso'lannosi.

FULO 14:20

Gibitsootunna Israeelete mereero uurritu; gomichuno Gibitsootaho tunsiisi; Israeelete widoonni kayinni xawi; kunnira hashsha wo'ma Gibitsete olanto Israeelootunniwa gamba yitukkinni galtu.

FULO 14:24

Duu'mo saaqqukkinni Kaaliiqi giiratenna gomichu heelliicho iima hee're Gibitsete olanto lae, garu ba"annonsa gede assi.

ISAYAASI 13:6

Kaaliiqi barri iillino; Wo'manka Dandaannohu bao abbaraatina wi'le!

ISAYAASI 13:9

Kuneeti, cubbaataamma baala gude baatto mullicho assannohu, mararannokkihu Kaaliiqi barri, hanqonna aara uddi're daanni no.

ISAYAASI 19:1

Gibitsete daafira kulloonni sokka kunninni aante noote: Kaaliiqi ariiffatu gomichi aana ofolle Gibitse daanno. Gibitsenniti kaphu maganna albasiinni qece yite huxidhanno; Gibitsete manni wodanino daaqanno.

ERMIYAASI 25:31

Kaaliiqi manna rufanno yannara, qoonqosi gobbate qacce geeshsha iillitanno. Manna baala yoote shiqisheenna, yoo yinanninsa; bushuulle reyotenni qorichishanno› yite kulinsa» yiie.

HIZIQEELI 13:5

Uwino huxxi widoonni higge uurritannokkihuranna diigaminoha huxxitannokkihura, Kaaliiqi barra Israeele gargarannoseha diafidhanno.

HIZIQEELI 29:12

Gibitse, gobba baalantewiinni baxxitinota moola baatto asseemmose. Gibitsete katamma 40 diri geeshsha diigantinowa gattanno; hatto diigantinoti wole katamma horonta diheedhanno. Ki'ne Gibitsoota darantinanni gede asseemmo. Wolu manni mereero billaallitine heedhinanni gede asseemmo'ne› yiino yite kuli» yii.

HIZIQEELI 30:18

Gibitsennita wolqansa hiiqqaqqe, hexxitannota jawaantensa huneemmo yannara, Xafinaasi tunsichu amadanno. Gibitse gomichu beeshshanno; katammasera hee'ranno manni baalu qafadamanno.

HIZIQEELI 32:7

Ani ate huneemmo yannara gordo diweemmo; beeddaheno tunsiiseemmo. Arrishsho gomichu giddo maaxantanno; aganuno dixawanno.

HIZIQEELI 34:12

Ge'reewu allaalaanchi billaallino ge'reewo gamba asse allaalannonte gede, anino mittowa gamba asse seekke allaaleemmonsa. Hakkunni tunsichunna qarru barrinni billaallitino dargi baalunkunni gamba asseemmonsa.

HIZIQEELI 7:10

«Israeelete aana baote barri daa rahino; barshu, haxawarrimmanna boo'na gobba wo'mitino.

HIZIQEELI 7:12

Kuneeti yanna iillitino; barruno gambisino. Qorichi'ya baalunku aana daannohura, hirannohu gaabboonke; hidhannohuno hagiidhoonke.

HIZIQEELI 7:19

Ani Kaaliiqi aara'ya aanansa dirriseemmo yannara, birrinsano ikko culkinsa baotenni digatisannonsa. Kunni daafira, birransanna culkansa baala ishinu gede dooggate huntanno; halchitinore assi'ratenna hude gargadhate horonta dikaa'lannonsa. Albano cubboho eessinonsahu hakko birraatinna hakko culkaati.

HIZIQEELI 7:7

Baattote aana heedhinanni manni baalunkura goofimarchu iillino. Ilaallate aana kaphu magannara seekkidhinoonni darguwa kakkalonnitera ayyaana ayirrisi'ra'ne gatteenna canco ikkanno.

IYUEELI 1:15

Kaaliiqi barri gambisino. Wo'munkura Aliidi Magani bao abbanno barri iillino. Hakkunni barrira aanne'e!

ABIDIYU 1:15

Lede, «Ani Kaaliiqi dagate yoo yeemmo barri mule no. Ki'ne Edoomi gosa, woloota assitinoonni beebba, ki'nerano iillitanno; assitinoonniri qole amadanno'ne.

SOFFOONIYAASI 1:14

Jawu Mootichu barri gambisino; daasino addintanni rakkino. Hakko barri addintanni waajjishannoho. Hakko barra bareedda nafa hexxo mudhite qoonqonsa naggi assite raartanno.

SOFFOONIYAASI 1:7

Kaaliiqi yoo barri gambisinona, Mootichu Kaaliiqi albaanni sammi yiiyye. Kaaliiqi manna, kakkalote gorrinanni saada gede gorrara qixxaawanni no. Wosinasino kakkalote sagalera keereensino.

MAATEWOOSI 24:33

Ki'neno konne coye baala la'inanni woyite, Manchi Beetti daanno yanna gamba yitinota affe.

FILIPHISIYUSI SOKKA 4:5

Danchumma'ne manna baalaho leelto! Mootichu gambise no.

YAIQOOBI 5:9

Roduuwa'ya! Ki'nera yoo yinanni'nekki gede, mimmiti'ne ledo giwantinoonte; kuneeti yoo yaannohu daanno yanna iillitino.

YOHAANNIS AJUUJA 6:17

Rooriidihu hanqinsa barri dayinona, gate afannohu nooni?» yitu.