HIZIQEELI 30:24 - Qullaawa Maxaafa

²⁴ Kunni garinni Baabilooni moote cigile jawaachishe, ane bagado anga woreemmosi. Gibitsete moote cigile kayinni hiiqqeemmo; diinisi albaanni korrisanni reyanno.

HIZIQEELI 30:24 ပူးပေါင်းရင်းမြစ်များ

NEHIMIYA 6:9

Kunni garinni looso uurrinseemmo gede assitara waajjishiishshinonke. Kunnira, «Kaaliiqa Magano'ya, eeggatena jawaachishie» yee huucci'roommo.

IYYOOBI 24:12

Katamu giddo reyanno manni qaanqaatanna macciishshinanni; madi'rino mannino kaa'linansara woxaratanno. Maganu kayinni konne loossinore sammi yee la"anno.

FAARSO 144:1

Hale'ya ikkinohu Kaaliiqi galatamo! Gaaroho qajeelchannoe; olahono qixxeessannoe.

FAARSO 17:13

Kaaliiqa ballo, dagge olante uullate ganinsa; bisekkinni bushu manniwiinni gatisie.

FAARSO 18:32

Wolqa aannoehunna, doogo'ya keerunnita assannoehu Kaaliiqaati.

FAARSO 18:39

Olaho wolqa oottoe; gawajjitannoere lekka'yara woroonni karootto.

ISAYAASI 10:15

Kaaliiqi kayinni Asoori mootera, «Meesane bocanno mancho rooroomma yitannoni? Magaaze muranno mancho roortannoni? Siqqo manchu kayisikkinni ka'e affannoni?» yiino.

ISAYAASI 45:1

Kaaliiqi Qiroosi doodhi; daga gashshanno gede wori; mootoolla mulqanno gede soyinosi. Mittu nafa gatikkinni, katammate waalchuwa baala fanannosi. Kaaliiqi Qiroosira,

ISAYAASI 45:5

«Ani Kaaliiqaati; ane agurranna wolu magani dino; ati ane egenna hoogittoro nafa wolqa eemmohe.

ERMIYAASI 51:52

Baabilooni maganna gudeemmohunna, baattote aana madaanonsa uratto macciishshinanni barri daanno. Konne coye coyi'roommohu ani Kaaliiqaati.

HIZIQEELI 26:15

Mootichu Kaaliiqi Xiroosi katamira, «Horramatto yannara, baaru qaccera hee'ranno manni bisetenni gorramanno manni raare macciishshe waajje huxi'ranno.

HIZIQEELI 29:19

Kunnira, ani Mootichu Kaaliiqi, Gibitsete baatto, Nabukadanatsoorira sayise eemmo; isino olantosi hunkiira ikkanno gede, saame woy horre adhino jajja Gibitsenniha baala adhe ha'ranno.

HIZIQEELI 30:10

Mootichu Kaaliiqi, «Gibitsete durumma hunanno gede Baabilooni moote Nabukadanatsoori ane anga asse soyemmo.

HIZIQEELI 30:11

Isino marartannokkire kaajjadda olantosi hoode adhe, baatto hunara daanno. Insano, Gibitse bisetenni guddanno. Reeshshuno gobba wo'manno.

HIZIQEELI 30:21

«Koo manchi beetto, ani Gibitsete mooteta cigilesi hiiqqoommo; sissa gane hursannosi ogeessi dihee'ranno. Kunnira, xaate kunni ka'a wolqa afi're bagado dikayisanno.

HIZIQEELI 30:25

Gibitsete moote daafurse Baabilooni moote jawaachisheemmo. Ani anga woreemmosi bagadinni Gibitsete heemmeeqi'ranno yannara, mannu baalu ani Kaaliiqa ikkoommota afanno.

SOFFOONIYAASI 2:12

Ki'ne Itiyophiyootu bise'yanni murantinanni.