1 Kaaliiqi,
Hakka waro Gibitsete baattora Kaaliiqira Kakkalote Darga seekkinanni; tenne gobba qaccerano isira sooddicha uurrinsanni.
Isino daye Gibitse amadanno; dhibbu shaanno gede hendoonnire dhibbu gudanno; qafadantanno gede hendoonniri qafadantanno; bagadu shaanno gede hendoonnire bagadu shaanno.
Hakko Xafinaasi hee'reenna Kaaliiqi,
Daga baalate daafira Kaaliiqi anera coyi'rinoe.
Qafadammummohunni lemiina lamalki diro, umi aganira umi barra Kaaliiqi,
«Koo manchi beetto, Gibitsete mootera himana kuli. Isiranna Gibitsete gobba baalate qorichu iillannonsata kulisi.
«Kuni ikkanno yannara, Israeelete manna jawaachisheemmo. Hiziqeeli atino, mannu macciishsha dandaanno darga baalaho, qoonqokki naggi assite coyi'ratto gede asseemmohe. Kunni garinni mannu, ani Kaaliiqa ikkoommota afanno» yee coyi'rie.
«Koo manchi beetto, ani Kaaliiqi yeemmore baala kultanni konne himana coyi'ri: Bayisibao! Dartu barri daanni no!
«Ani kunni albaanni Gibitsete moote mannu baalu waajjannosiha assoommo. Xa kayinni, isinna olantosi baala olunni shinoonnihu Maganiweelu manni ledo fooliishshidhanno. Konne coye coyi'roommohu ani Mootichu Kaaliiqaati» yee coyi'rie.
