HIZIQEELI 3:20 - Qullaawa Maxaafa

²⁰ «Keeraanchu manchi danchummasi agure, busha looso loosa hanafeenna, ani qarru aana uwanno gede assummoro, atino qolte qorophisiisa hoogittoro, cubbisinni reyanno. Albaanni assino danchumma dikiireemmosi; isi reyorano ate xa'meemmo.

HIZIQEELI 3:20 ပူးပေါင်းရင်းမြစ်များ

LAYINKI DUDUWO 24:2

Qeesichu Yoodahe lubbotenni noo geeshsha, Iyoaasi Kaaliiqi baxanno coye assanni hee'rino.

LAYINKI DUDUWO 25:15

Kaaliiqi hanqino Amesiyaasi aana buwi. Kunnira himanaancho soye, «Mannansa ate anganni nafa gatisa dandiitinokki magannara mayira kumbuulitto?» yee xa'misi.

FAARSO 119:165

Seerakki baxxannorira co'o yiino keeri noonsa; horontanni mittu coyino sarraaqansara didandaanno.

FAARSO 125:5

Haxawarroota qorichishatto yannara kayinni, doogokki agurtinoreno qorichishi. Keeru Israeelete ikko!

FAARSO 36:3

Afiisinni xagarronna kaphu fulanno; wodanchanna dancha coye assa agurino.

LAWISHSHA 25:12

Egennaammu seejjo macciishsha, culku qalawate woy culku irri gedeete.

ISAYAASI 64:6

Ninke baalunku cubbunni battaamboommo; keeraanchimmankeno xure fii'noonni hoccooti. Cubbinke batinyinni kainohunni moolle, diilallo giggishshitino daro gede ikkinoommo.

ISAYAASI 8:14

Ani qullaawa qiishooti; ikkollana Yihudunna Israeelete mannira woshshaadonna gufidhanno kincho ikkeemmonsa.

ERMIYAASI 34:16

Ikkollana gaabbitine badhera higgine su'ma'ya xonsiissinoonni. Mitti mitti'ne meyanna labbaa borojje borojjimmatenni fulanno gede assitinoonnire galagalchitine wolqatenni borojje assidhinoonni.

ERMIYAASI 6:21

Kunnira konne manna sarraaqe karannore woreemmo; annuwanna ooso, olliichunna darawo, mannu baalunku gatikkinni mitteenni reyanno» yii.

HIZIQEELI 14:3

«Koo manchi beetto, kuni manni wodanansa kaphu magannara uyinoha ikkinohura, kaphunniti magannansa cubbunniwa massitannonsa gede umonsa facci assite agurtino. Konne ikkina, ani xa'midhinore qoleemmonsaha lawannonsani?

HIZIQEELI 18:24

«Kayinnilla, keeraanchu manchi danchamma assa agure, bushu manni gede bushanna tiyyi'nanni coye assiro, lubbotenni hee'rannoha lawanno'neni? Dee'ni; alba assino danchumma nafa dikiirantannosi. Ammanama hoogasinninna assino cubbinni kainohunni reyanno.

HIZIQEELI 18:26

Danchu manchi danchumma agure, bunshe assiro, assino bunshenni reyanno.

HIZIQEELI 3:18

Bushu manchi cubbisinni kainohunni reyannota kuleemmosi yannara, reyotenni gatate bushu loosisinni higanno gede qorophisiisa hoogittosiro, isi cubbisinni reyanno. Isi reyora ate xa'meemmohe.

HIZIQEELI 33:18

Keeraanchu manchi dancha loosa agure bunshe loosa hanafiro, bushu loosisinni reyanno.

HIZIQEELI 33:6

Kayinnilla, agaraanchu diinu daanna afe hee'renni qorophisiisa hoogiro, diinu daye hakkore cubbaataamma shaanno. Ani kayinni insa reyora iso xa'meemmo.

HIZIQEELI 7:19

Ani Kaaliiqi aara'ya aanansa dirriseemmo yannara, birrinsano ikko culkinsa baotenni digatisannonsa. Kunni daafira, birransanna culkansa baala ishinu gede dooggate huntanno; halchitinore assi'ratenna hude gargadhate horonta dikaa'lannonsa. Albano cubboho eessinonsahu hakko birraatinna hakko culkaati.

DAANIEELI 9:18

Magano'ya! Eeggatena kawa higge huuccattonke macciishshi! Shettonkenna su'mikkinni woshshamanno katamira iillitino bao baala lai. Atewa hinge huucci'neemmohu ati shaqqado ikkootto daafiraati ikkinnina danchummanke hexxine di"ikkino.

LEEWAAWOOTA 19:17

« ‹Rodii'nera koma amaddinoonte; barshesi beeqqitinannikki gede olliicho'ne bunshesira xawoho seejjesi.

SOFFOONIYAASI 1:6

Anewiinni faffinore, ane hoode ha'ra agurtinorenna anewa dagge albiseemmonsa gede xa'midhannokkire huneemmo» yii.

MAATEWOOSI 18:15

«Rodiikki sao assihero atinna isi callu heedhinoonniwa saosi kulisi. Macciishshihero galagale rodookki ikkanno gede assattosi.

LUQAASI 2:34

Simiooni maassi'rinsahu gedensaanni amasi Maariyaami, «Kuneeti, kuni qaaqqi Israeelete giddo lowo mannira baote, lowo mannira gatote malaate ikkanno. Lowo manni giwannosi.

LUQAASI 8:15

Shaqqado baattora uwino wixi masalo kayinni, danchu wodaninni qaale macciishshite agadhitinoreeti; insa qaalunni kaajjite guma laaltannoreeti» yii.

ROOMU SOKKA 11:9

Daawitino, «Hurbaatinsa bagado ikkonsa; kakkalote sagale huntannonsata ikkito.

UMI QORONTOOSI 1:23

Ninke kayinni sutaminonkeha Kiristoosa kulleemmo. Kuni coyi, Ayihudete gufichoho; Giriikete qole gowwimmate.

MARRO 13:3

Magani'ne Kaaliiqi wo'mu wodani'nenninna wo'ma lubbo'nenni baxxinannisi gedeenni jife la"a'nera assino coye ikkino daafira, hakkunni himanaanchinna haaqii'raanchi coye macciishshitinoonte.

IBIRAAWOOTA 10:38

Keeraanchu kayinni amma'natenni heeshsho afi'ranno; badhe hige gatannoha kayinni, lubbo'ya dihagiidhitannosi» yine borreessinoonnihuraati.

IBIRAAWOOTA 13:17

Gashshite noo'nerira hajajantinanni, yitanno'ne gede ikke. Insa xa'mantanno daafira, ki'ne lubbora yite diinaggaabbanno. Ki'ne hajajantininsaro insa loosonsa hagiidhete loossanno. Hatto ikka hoogiro kayinni, dadillaamma ikkitanno; kuni ki'nera dancha di"ikkino.

UMI PHEEXIROOSI 2:8

Qolleno, «Kuneeti gufi'nanni kinchi, mannu gufi're uwannohu jawu kinchi» yinoonni. Insa qaale ammana hoogansanni gufidhino; insa albanni tennera gaamantinoreeti.

UMI YOHAANNISI 2:19

Insa ninke giddonni fultino; ikkollana albano ninkere di"ikkitino. Ninkere ikkitoommero, ninke ledo heedhanno. Kayinnilla, baalunku ninkere ikka hoogansa bande anfanni gede ninkewiinni baxxite fultino.