HIZIQEELI 3:17 - Qullaawa Maxaafa

¹⁷ «Koo manchi beetto, ani Israeelete mannira agaraancho assoommohe. Kunnira, coyi'reemmore macciishshite, qorophisiisinsa.

HIZIQEELI 3:17 ပူးပေါင်းရင်းမြစ်များ

LAYINKI DUDUWO 19:10

Katamaho hee'rannohu manni'ne manna shee, woy seera sae, hajajo diige, woganna wodho hune Kaaliiqi aana sao assannokki gede kulle. Hatto assa hoogginiro kayinni hanqisi ki'nenna roduuwi'ne aana dirranno. Hatto assitiniro saotenni gattinanni.

FAARSO ROORE FAARSO 3:3

Ha'rantanni katama agartannori affinoe; anino, «Lubbo'ya baxxannoha affinini?» yee xa'moomma.

FAARSO ROORE FAARSO 5:7

Ha'rantanni katama agartannori affinoe; ganteno madiissitinoe; hakkuri katama agartannori, uddano'ya mulqite adhitino.

ISAYAASI 21:6

Kaaliiqi, «Hadhe ikkito baala qotannoha wori.

ISAYAASI 21:8

Qotaanchuno, «Mooticha'ya! Ani hashshanna barra shaete aana hee're qotanni noommo.

ISAYAASI 52:8

Kaaliiqi galagale Tsiyooni daanna, illensanni affanno daafira, agaraasinekki qoonqonsa naggi assite hagiirrunni faarsitanno.

ISAYAASI 56:10

Qoleno Kaaliiqi, «Israeelete gashshaano ballootaho; egennono diafidhinoreeti. Insa baalunku dutannokki woshshi gede, sammi yite goxxe haaqee calla haaqiidhanno; wo'manka woyite goxano calla baxxanno.

ISAYAASI 58:1

Kaaliiqi, «Qoonqokki naggi assite coyi'ri! Qoonqokki xurumbunnite gede naggi assi! Manni'yara Israeelete assitino bunshenna cubbonsa kuli.

ISAYAASI 62:6

Yerusaalame! Huxxikkira hashshanna barra goxxannokki agaraasine woroommo; ki'ne Kaaliiqa huuccidhinanniri, Isi Yerusaalame safa geeshshanna, gobba baalate egennantinota assase geeshsha fooliishshidhinoonte; isirano fooliishsho uyitinoonte.

ERMIYAASI 1:7

Kaaliiqi kayinni, « ‹Ani shiimaho› yitooti. Ati ani soyemmohewalla ha'ratto; ani yuummohere baala mannaho kulatto.

ERMIYAASI 31:6

Ilaalaame Efireemi gobbara noo agaraasine, ‹Ka'e Tsiyoonira Maganinke Kaaliiqiwa ha'nona› yitanni lallabbanno barri daanno» yii.

ERMIYAASI 6:10

Anino qole, «Mannaho qorichishattonsata kuloommo; insa kayinni macciishsha gibbe oso'litino.

ERMIYAASI 6:17

«Ani qarru daanni noota kulte qorophisiissara, himanaano soommo; himanaano xurumba ufuuffuta, insa kayinni, ‹Dimacciishshineemmo› yitino» yii.

HIZIQEELI 11:25

Anino Kaaliiqi leellishinoere baala qafadante noorira kuloommonsa.

HIZIQEELI 11:4

Kunnira koo mancho, konne busha himana kulinsa» yiie.

HIZIQEELI 2:7

Haxawarra manna ikkitinohura, macciishshituherono macciishsha gibbuherono, ani yeemmohere kulattonsa.

IMBAAQOOMI 2:1

«Shaete aana fule uurreemmo. Hakkiicho hee're Maganu yaannoerenna abbooshshi'yara qolannoe dawaro agadheemmo» yii.

HAGE 1:13

Himanaanchu Hageno mannaho, « ‹Ani ki'ne ledo noommo› yaanno Kaaliiqi» yee sokka kulinsa.

MAATEWOOSI 3:7

Yohaannisi kayinni lowo Farisootinna Saduqootu cuuantara isiwa dagganna lae, «Ki'ne buutete ooso, daanno hanqinni gattinanni gara ayi kuli'ne?

UMI QORONTOOSI 12:28

Kunnira, Maganu balaxe beetekiristaanete mito mito soqqamaasine, layinkita himanaano, sayikkita rosiisaano asse worino. Hakkiinni aanche, maalale loossannore, hursate wolqa afidhinore, manna kaa'litannore, gashshaanonna haaru afiinni coyidhannore worino.

UMI QORONTOOSI 4:14

Tenne sokka borreessoommo'nehu, saalfachishammo'nera ikkikkinni, ooso'ya baxeemmote gede asse seejjammo'nera hasi'reeti.

LAYINKI QORONTOOSI 5:11

Mooticha waajjate yaa mayaatero anfe manna ammanchiinsheemmo. Ninke ewelummano Maganu egennino. Ki'ne wodanino afino yee hedeemmo.

LAYINKI QORONTOOSI 5:20

Kunnira, Maganu manna ninke widoonni qole woshshanno daafira, ninke Kiristoosi lekkaati. Kunni daafira, «Maganu ledo araaramme!» yine Kiristoosi su'minni huucci'neemmo'ne.

QOLASIYAASI SOKKA 1:28

Mittu mittunku Kiristoosinni guuta ikkanno gede assine shiqishate, manna baalaho hayyo baala rosiisatenninna seejjatenni Kiristoosire kulleemmo.

UMI TESELONQE 5:14

Roduuwa, amaalleemmo'nena cee'maleeyye seejje; waajjaleeyye jawaachishshe; wolqiweeloota kaa'le; manna baala dandee.

IBIRAAWOOTA 13:17

Gashshite noo'nerira hajajantinanni, yitanno'ne gede ikke. Insa xa'mantanno daafira, ki'ne lubbora yite diinaggaabbanno. Ki'ne hajajantininsaro insa loosonsa hagiidhete loossanno. Hatto ikka hoogiro kayinni, dadillaamma ikkitanno; kuni ki'nera dancha di"ikkino.