HIZIQEELI 28:22 - Qullaawa Maxaafa

²² Hakkiicho hee'ranno mannira ani Mootichu Kaaliiqi yeemmore kulinsa: Sidoona, ani atera hanqunni kaoommo; ate aana asseemmore lae, mannu baalu ayirrisannoe. Ate giddo heedhannore qorichishatenni Qullaawa ikka'ya leellisheenna ani Kaaliiqa ikkoommota afanno.

HIZIQEELI 28:22 ပူးပေါင်းရင်းမြစ်များ

FAARSO 83:17

Hegerera qeelamanna masillu amadonsana, shollite reyitanno gede assi.

FAARSO 9:16

Kaaliiqi halaale coyi'rate egennaminoho; cubbaataammu loossino loosinni amadantu.

FULO 14:17

Anino Gibitsootu wodana dilleesseemmo; insano hoode'ne e'anno; Feriooninna olantosi, faradi gaaresino qeele ayirrinye adheemmo.

FULO 14:18

Qeeleemmonsa yannara Gibitsootu ani Kaaliiqa ikkoommota affanno» yiisi.

FULO 14:4

Anino wodanasi dilleesseemmo daafira shorranno'ne; Feriooninna olantosi baala qeela kayinni, anera ayirrinye uyitannoe; hatte yannara, Gibitsootu ani Kaaliiqa ikkoommota affanno» yiisi. Israeeleno kulloonninsa gede assitu.

FULO 15:21

Maariyaamino faarsitanni, «Faradonna faradaasine baaru giddo hune, qeelle haraqi'rinona Kaaliiqira faarse» yitu.

FULO 9:16

Kayinnilla, reyattokki gede assoommohehu, wolqa'ya afatto gedenna su'mi'ya gobba baalate ayirranno gede assateeti.

ISAYAASI 23:4

Sidoona Katama, ati jawaata baaru gama qiinshoonni qiishooti; ikkollana, labballonna seenne ilte, lossidhinokki mancho gede saalfatattoha ikkatto.

ISAYAASI 37:20

Kaaliiqa Maganonke, ati callu Magano ikkoottota daga baala affanno gede xa Asoorootu anganni gatisinke» yaanni huucci'ri.

ERMIYAASI 21:13

Kunni lagichira iimaanni, kinnaame tullora noottohu ati Yerusaalamete katama! Ani ate aana noommo; ‹Ane ayi kisannoe?› yootto; ‹Qiisho'ya giddora ayi eanno?› yootto.

ERMIYAASI 50:31

«Ki'ne boonaleeyye, ani Olantote Mootichi Kaaliiqi ki'ne aana noommo; qorichisheemmo'ne yannano iillitino.

HIZIQEELI 20:41

Billaallitinoonni gobbanni abbe mittowa gamba asseemmo'ne yannara, shilqinshanni kakkalo gede asse baxeemmo'ne; ani ki'nera qullaawa ikkoommota dagate leellisheemmo.

HIZIQEELI 21:3

Ani Kaaliiqi yeemmore kulte Israeelete gobba qorophisiissanni, ‹Ani diinakkiiti; bise'ya fushshe danchanna busha badummokkinni duuchanka sheemmo.

HIZIQEELI 26:3

«Kunnira ani Kaaliiqi yeemmoti: Xiroosi katama, kuneeti ani hanqunni kaoommohe; atera bala tugganno gede lowo daga kawiira haa're abbeemmo. Insano baaru dambali gede ikkite aanaho ka'annohe.

HIZIQEELI 29:10

ani atenna umi'yaho yaattahu Abbayi Wayi aana hanqunni kaoommo. Aliyyenni Migidooli kataminni kayise, wodiidoonni Asiwaani katama iilla geeshsha, hakkiinnino sae Itiyophiyu qacce iilla geeshsha, ate Gibitse mullicho asse agureemmo.

HIZIQEELI 29:3

Mootichu Kaaliiqi Gibitsete mootera, ‹Ha'ranno Wayi giddo ga'rinoha waajjishanno naacha lawattohura, kuneeti ani hanqunni kaoommohe. Atino, Abbayi ateha ikkinota hedde, konne waano seekkoottohu ate ikkootto gede assite coyi'rootto.

HIZIQEELI 30:19

Gibitse kunni garinni qorichisheemmo yannara, ani Kaaliiqa ikkoommota affanno» yii.

HIZIQEELI 36:23

Insa mereero xonamanno gede assitinoonnihu qullaawu su'mi'ya dagate mereero ayirranno gede asseemmo yannara, ani Kaaliiqa ikkoommota affanno. Ani Mootichu Kaaliiqi konne coye coyi'roommo. Ani Qullaawa ikkoommota daga ki'ne widoonni higge affanno gede asseemmo.

HIZIQEELI 38:16

Baatto guggushshino gomichi gede ikkite, manni'ya Israeelete aana bala tugatto. Yanna iillituro, baatto'ya marte horratto gede soyemmohe. Togo asseemmohu, daga ane ayimma affanno gedenna ate widoonni qole wonsheemmo coyinni Qullaawa ikka'ya egensiisateeti.

HIZIQEELI 38:23

Kunni garinni, ani jawanna Qullaawa ikkoommota daga baalate leellisheemmo. Hatte yannara, insa ani Kaaliiqa ikkoommota affanno» yii.

HIZIQEELI 38:3

‹Ani Mootichu Kaaliiqi hanqunni kaoommohe.

HIZIQEELI 39:13

Baattote hee'ranno manni baalu, reeshsha waama kaa'lannonsa; ani ayirreemmo barra kunni assootinsanni su'ma adhitanno. Ani Mootichu Kaaliiqi konne coye coyi'roommo.

HIZIQEELI 5:8

Kunni daafira, ani Mootichu Kaaliiqi diina ikkoommo'neta kulanni noommo'ne. Dagate gashshooti baalu la"anna qorichisheemmo'ne.

LEEWAAWOOTA 10:3

Museno Aaroonira, « ‹Kaaliiqi soqqamannoehu baalu qullaawa ikka'ya ayirriso; anino manni'yara ayirrinye'ya leellisheemmo› yiino coyi konneeti» yiisi. Aarooni kayinni, mittoreno didawarino.

NAHOOMI 1:6

Isi hanqanno woyite, albasiinni uurra dandaannohu ayeti? Hanqisi giirate gede buwanno yannara, gata dandaannohu nooni? Giirate gede buwannohu hanqisi dirranno yannara, kinna daddadhante billaallitanno.

NAHOOMI 2:13

Olantote Mootichi Kaaliiqi, «Kuneeti ani diinoomunni kaoommohe. Faradi gaarekkino giireemmo; doobbiichu gede waajjishshannota gaaddokki bisetenni gudeemmo. Wolu manniwiinni mulqidhe gamba assi'roottaha baala huneemmo; kunni ka'a ate daafira coyidhannorita, soqqamaanokki huuro horontanni dimacciishshinanni» yaanno.

NAHOOMI 3:5

Olantote Mootichi Kaaliiqi, «Nennewe, kuneeti diinoomunni kaoommohe. Uddanokki aanikkinni mulqeemmo; teedakki dagate, saalakkino gashshoote baalaho reqecci asseemmo.