HIZIQEELI 28:16 - Qullaawa Maxaafa

¹⁶ Wole gosa ledo daddi'litanni, mararro nookkihanna busha ikkootto. Kunni daafira, Qullaawu Ilaali'ya aaninni ishinu gede fushshe tugoommohe; kirubeelino cululluqa dilqa kinna giddonni shorrannohe gede assoommohe.

HIZIQEELI 28:16 ပူးပေါင်းရင်းမြစ်များ

KALAQAMA 3:24

Manna shorrihu gedensaanni, Edeni Gennetete soojjaati ragaanni kirubeeli yinanni sokkaasinenna raga baala falaqqi yitanni giirate gede wala yitanno bise heeshshote haqqichowa massitanno doogo agartanno gede wori.

KALAQAMA 6:11

Baatto Maganu illera bushshe leeltu; barshu wo'minota ikkitu.

ISAYAASI 22:19

Kaaliiqi mootimmakki aaninni dirrisannohe; loosikki aaninnino hunannohe› yite kuli» yiie.

ISAYAASI 23:9

Tenne malinohu Olantote Mootichi Kaaliiqaati; isi konne coye assinohu boo'nansa agurtanno gede assatenna, ayirradda shollishara hedeeti.

HIZIQEELI 28:14

Qullaawu Ilaali'ya aana nooha minekki agaranno gede, kirubeeli woroommohe. Atino giirate gede dilquwate mereero ka'anna kawa ha'ramootto.

HIZIQEELI 8:17

Kaaliiqino, «Koo manchi beetto, tenne dhagge la"atto? Kuni Yihudu manni, konne la"attoha tiyyi'nanni coye baala assatenninna gobbate aana barshe halashsha callatenni deeffatannoha di"ikkino. Roorenka kawa Qullaawu Minira nafa suwe daye, konne baala assatenni ane layinkimeeshsho hanqisaera hasi'ranno; dandaaminsa garinni ane aarsate xontannoe gara lai.

HOOSEI 12:7

Kaaliiqi, «Israeelete manni Kana"aanootu gede hexxinannikkiha ikkino; kaphu keenaasinchinni manna doganno.

AMOOTSI 3:9

Gibitsenniteranna Ashidooditera, kinchunni huxxinoonni katammara heedhannorira baalaho: Samaariyu qaccera noo ilaalla aana gamba yiiyye; hakkiicho noo wottonna, assinanni beebba baala la'e yitine lallabbe.

ABIDIYU 1:3

Wodani'ne boo'na doggino'ne; ki'ne kaajjadu kinchi aana minnoonni katami giddo heedhinanni; galtinanni minino jajjabbu ilaali aana minaminoho. ‹Hee'neemmo darginni dirrisankera dandaannohu ayeti?› yitine boo'nitinoonni.

MIKIYAASI 2:10

Ka'e hadhe; kuni bayichi cubbi'nenni kainohunni battaawe bainohura kunni ka'a kawiicho keerunni hee'ra didandiitinanni.

MIKIYAASI 2:2

Hasidhuro manni baatto wolqatenni loosidhanno. Mine hasidhuro manniha giddetenni adhitanno. Manna fugge beeshshite jajjansa adhitanno.

MIKIYAASI 6:12

Mereero'ne noore buxane gadadissino. Wo'munku kapho coyidhinannireeti.

IMBAAQOOMI 2:17

Libaanoosi assi'rootto beebba ateno amaddannohe; saada gudakkino masissannohe. Kuni ikkannohu manna shootto daafira, gobbanna katamma, qolteno giddonsa noore baala gudootto daafiraati.

IMBAAQOOMI 2:8

Ki'ne lowo gosa jajja gudhitinoonni. Gattinori qolte badote ki'ne mulqidhanno'ne. Kuni ikkannohu, ki'ne lowo manni mundee duntine, gobbate aana noo mannanna katamma baala beebba assidhinoonni daafiraati.

SOFFOONIYAASI 1:9

Kaphu maganna magansidhannore, mootichinsa mine hanaaqunninna xagarrotenni afidhino jiro wonshitannore qorichisheemmo» yaanno.

YOHAANNISI 2:16

Lemboola hirtannoreno, «Kore kawiichinni hoolle; anni'ya mine daddalunniha assitinoonte!» yiinsa.

YOHAANNIS AJUUJA 12:9

Lowo dhudhuufi woro hige tugami; isi Daawuloosiiti woy Sheexaaneho yinannihu kalqe baala so'risiisannohu bi're albi hamashshooti. Iso uullara tungi; sokkaasinesino isi ledo tugantu.