HIZIQEELI 28:13 - Qullaawa Maxaafa

¹³ Edeni shaqqado darga Maganu gate hee'rootto. Duumo dilqa, baqqala dilqa, kaajjado siwiila, haanja dilqa, xoxxorraamo dilqa, bule dilqanna duumu woy haanju dani dilqinni biifinsoonniha culku imaana uddi'rootto; ilamitto waro kuri baalu agare noohe.

HIZIQEELI 28:13 ပူးပေါင်းရင်းမြစ်များ

KALAQAMA 13:10

Looxi la"anno woyite, Yordaanoosi Lagi gaangaawira noo gobba baala wayi wo'minota ikkase afi; Kaaliiqi Soddoomanna Gomoora hunara albaanni, Zooaari geeshsha, gobba Kaaliiqi Gannate gede Gibitsete Laga labbannote.

KALAQAMA 2:8

Kaaliiqi Maganu soojjaati ragaanni Edeni Genneti yinanni darga qixxeessi; kalaqino mannano hakkiicho hee'ranno gede wori.

IYYOOBI 28:19

Baqqalu Itiyophiyunnihu dilqu kinchi egennotenni ditaalanno; filu culkinnino ditaashshinannise.

ISAYAASI 14:11

Alba ayirrinyikkira maasinqotenni faarsinoonnihe; xa kayinni kune jeennaate dirrootto. Kunnira ma'nakki hoolo ittanno; uddanokki da'muultanno» yite qacifattannosi.

ISAYAASI 23:16

«Tee ati minsheenna hee'ratta foora! Qaangannihe gede, bagana gantanni lowo geeweno geebbanni, katamu giddo doyi» yine sirbinanni.

ISAYAASI 24:8

Tashshi yaannohu, maasinqotenna dibbete luuli dihee'ranno.

ISAYAASI 30:32

Kaaliiqi insa gananno kiironni, mannisi kayinni dibbenna bagana gananni qeexaa'lanno; Asooroota Kaaliiqi umisi qasanno.

ISAYAASI 51:3

«Ani Yerusaalame diggi asseemmose; diigammeseno lae marareemmose. Halallimmase Edenete gedeeta, moolleseno Gannatete gedeeta asseemmo; hagiirrenna qawaaxxo eemmose; giddose galatu faarso macciishshinanni.

HIZIQEELI 21:30

« ‹Bise, koise giddora qolle; ilantinoonni gobbara yoo yeemmo'ne.

HIZIQEELI 26:13

Sirbakkinna gingilaatunnita huurokki baala sammi asseemmo.

HIZIQEELI 27:16

Jajjikki bati'ra ikkino deerrinni, Sooriyu manni daddalunnihanna woleno lowo uduunne adhe, haanja dilqa, goondoonniha, xiillichanna dancha shaalado culkaamo imaana, eleellenna duumo dilqa uyinohe.

HIZIQEELI 27:22

Saabanna Raaima daddalaasineno dilqa, culkanna dancha qimame abbitannohe.

HIZIQEELI 28:14

Qullaawu Ilaali'ya aana nooha minekki agaranno gede, kirubeeli woroommohe. Atino giirate gede dilquwate mereero ka'anna kawa ha'ramootto.

HIZIQEELI 28:15

Ilamitto waro ati addinta danchaho; gedensaanni kayinni bunshe assa hanafootto.

HIZIQEELI 36:35

Laihu baalu, ‹Mullicho ona ikkite nooti tini baatto, hiitto ikkite Edeni Gennete labbu! Alba ba'inoti, diigantinotinna mulla darga ikkitino katamma, xa hiitto ikkite qiishonnitanna mannu hee'rannota ikka dandiitu?› yaanno.

IYUEELI 2:3

Albansaanni giira bubbanno; badhensaanni buwanu wala yaanno. Albansaanni baatto Edeni dargi gedeete; badhensaanni noo baatto moola halallitte gobbaati; insa giddonni gate fulannohu dino.

YOHAANNIS AJUUJA 17:4

Hatti mancho duumenna duume xiillitte uddano uddidhe no; culka, dilqa kinchonna baaru giddonni haa'nanni dilqa irridhinote. Battenna foorrese xidho giddo wo'mitinoha culku finiincho anga haadhe no.

YOHAANNIS AJUUJA 2:7

« ‹Qullaawu Ayyaani beetekiristaannate yaannore macca noohu macciishsho. Qeelinohura Maganu qixxeessino gannatera noota heeshshote haqqicho laalo itara fajjeemmosi› yiino» yite borreessite soyi.